2/22/2024
Today from Hiiraan Online:  _
Wararka Maanta- Khamiis, Dec 2 , 2021
Somaliland oo hambalyo u dirtay Jamhuuriyada Barbados
 

Khamiis, December, 2, 2021 (HOL) - Qoraal kasoo baxay wasaarada arrimaha dibada Somaliland, ayay xukuumada Somaliland ugu hambalyaysay Jamhuuriyada Barbados oo loo aqoonsaday dal cusub oo caalamka kamid ah.

"Dowlada J. Somaliland waxay jeceshahay in ay xusto munaasibada taariikhiga ah ee ah in Barbados noqotay qaran cusub oo caalamka kusoo biiray, waxayna ugu hambalyaynaysa madaxda iyo dadka dalkaas, in ay gaadheen qaranimo" ayaa lagu yidhi qoraalka.

Waxa kale oo lagu sheegay in xukuumada Somaliland diyaar u tahay in ay iskaashadaan Barbados, oo ay ka wada shaqeeyaan danaha ka dhaxayn kara.

"Dowlada Somaliland waxay diyaar u tahay inay ka taageerto qarankan hanka wayn ee Barwaaqo sooranka kamid ah wax kasta oo khuseeya danaha labada dhinac iyo danaha caalamiga ah, waxayna u hambalyaynaysaa madaxweynihii ugu horeeyay ee dalkani yeesho Dame Sandra Mason, oo qaaday mas'uuliyad hoggaamineed ee weyn".

Qoraalka ayaa lagu sheegay in Somaliland ay caalamka ka rajaynayso in ay ka hesho aqoonsi sidan oo kale, isla markaana, ay  sii wadi doontaa dadaalka ay ugu jirto inay hesho madax-bannaani buuxda, ayna rajaynayso in dadka Barbados ay Somaliland u noqon doonaan saxib dhow.


Abdilahi Geel-maal, Hiiraan Online
[email protected]












Click here
12/2/2021 8:07 AM EST
Khamiis, December, 2, 2021 (HOL) - Guddiga amniga gobolka Bari ayaa shir jaraa’id oo ay ku qabteen magaalada Boosaaso waxay ku shaaciyeen inuu billaabanayo howlgal ka dhan ah waxay ugu yeereen cadowga Puntland.

12/2/2021 6:38 AM EST
Khamiis, December, 2, 2021 (HOL) - Guddiga xallinta khilaafaadka doorashada Soomaaliya ayaa ka codsaday midowga musharraxiinta caddeymo muujinaya in guddigu uu ka hor istaagay inuu ka qabto dacwad ama go’aano guddigu gaaray oo loo maray sifo baalmarsan habraaca doorashada.

12/2/2021 6:22 AM EST
Khamiis, December, 2, 2021 (HOL) - Ugu yaraan 4 Dhallinyaro ah ayaa ku geeriyooday miino kula qaraxday deegaanka Buula Xaaji ee Galbeedka Magaalada Kismaayo.

12/2/2021 3:48 AM EST
Khamiis, December, 2, 2021 (HOL) - Madaxweynaha Ruushka Vladimir Putin ayaa u rajeeyay Soomaaliya in ay guulo ay ka gaarto dagaalka ay kula jirto kooxaha hubeysan ee ka dagaalama dalka dhaca Geeska Afrika.

12/2/2021 12:39 AM EST
Khamiis, December, 2, 2021 (HOL) - Taliska hay'adda Nabadsugida iyo Sirdoonka Qaranka Soomaaliya ayaa shaacisay in howlgal qorsheysan oo Xalay ka dhacay magaalada Muqdisho ay ku dileen Saraakiil ka tirsan dagaalyahanada Al-shabaab.

12/2/2021 12:21 AM EST
Khamiis, December, 2, 2021 (HOL) - Warar dheeraad ah ayaa kasoo baxaya weerar xalay saqdii dhaxe dagaalamayaasha Al-shabaab ay ku qaadeen Saldhigyada Ciidamada Jabuuti iyo kuwa dowladda Soomaaliya ee ku yaala xaafada howlwadaag ee magaalada Baledweyne ee xarunta gobolka Hiiraan.