3/29/2024
Today from Hiiraan Online:  _
Wararka Maanta- Jimco, Aug 27, 2021
Weerar dad beeraleey ah lagu dilay oo ka dhacay deegaanka Kabxanleey ee gobolka Hiiraan
 

Jimco, Agoosto, 27, 2021 (HOL) - Wararka naga soo gaaraya deegaanka Kabxanleey oo dhinaca Waqooyi kaga beegan magaalada Baledweyne ayaa sheegaya in halkaasi uu ka dhacay weerar Maleeshiyaad hubeysan ku qaadeen dad beeraleey ahaa oo ku sugnaa deegaankaasi.

Weerarka ka dhacay deegaanka Kabxanleey ayaa sheegaya iney ka dhasheen khasaare isugu jira dhimasho iyo dhaawac soo gaaray dadka beeraleyda ahaa ee lagu soo qaaday weerarka gaadmada ahaa sida ay warbaahinta u sheegeen qaar ka mid ah dadka deegaankaas.

Dad goobjoogayaal ah ayaa warbaahinta u xaqiijiyay in weerarka lagu dilay ilaa 5 ruux oo ka mid ahaa beeraley ku guda jiray tacbashada beerahooda, islamarkaana tiro kale oo ku dhaawacantay weerarkaasi loo soo qaaday Isbitaalka weyn ee magaalada Baledweyne.

Lama oga sababta rasmiga ah ee keentay weerarkan shanta qof ee ka mid ka ahaa dadka beeraleeyda Kabxanleey lagu dilay kuwa kalana lagu dhaawacay, inkastoo dhowr jeer oo hore weeraro ceynkan oo kale ah lagu dilay dad beeraleey ahaa oo ku noola deegaanka Kabxanleey oo dhanka Waqooyi kaga beegan Baledweyne.

Wararkii ugu dambeeyay ee aan ka heleyno deegaankaasi ayaa sheegaya in dhaqdhaqaaqyo iyo abaabulo la xiriira xisad dagaal laga dareemayo deegaanka Kabxanleey ee gobolka Hiiraan.

Jamaal Cali Cabdi, Hiiraan Online
[email protected]












Click here
8/27/2021 11:51 AM EST
Jimco, Agoosto, 27, 2021 (HOL) - 35 askari oo katirsanaa ciidanka booliiska dowlad goboleedka Puntland ee Soomaaliya, ayaa kusoo biiray ciidanka booliiska Somaliland, ee magaalada Badhan, ee gobolka Sanaag.

8/27/2021 11:09 AM EST
Jimco, Agoosto, 27, 2021 (HOL) - Saddex qof oo mid kamid ah uu yahay askari katirsan ciidanka booliiska Puntland, ayaa ku neef qabatimoobay kadib markii Booyad kuwa nadaafadda ka shaqeeyo ay kiimiko kaga daadatay laamiga weyn ee magaalada dhexmara bartamaha Garowe.

8/27/2021 3:49 AM EST
Jimco, Agoosto, 27, 2021 (HOL) - Wasiirka waxbarashada Puntland, Cabdulaahi Maxamed Xasan ayaa ku eedeeyay hanti-dhowrka Puntland inuu ka degdeg ka muuqdo warbixin ay dhawaan soo saareen oo ay shaqada kaga joojiyeen masuuliyiin katirsan wasaaradda waxbarashada iyo tacliinta sare.

8/27/2021 2:59 AM EST
Jimco, Agoosto, 27, 2021 (HOL) - Odayaasha dhaqanka gobolka Mudug ee Puntland ayaa ku eedeeyay madaxweynaha Puntland Siciid deni, inuu boob aan loo meel dayin kula kacay doorkii ay beeluhu ku lahaayeen doorashada aqalka sare iyo tan aqalka hoose.

8/27/2021 1:48 AM EST
Jimco, Agoosto, 27, 2021 (HOL) - Wasiirka warfaafinta ee maamulka Galmudug Axmed Shire Falagle ayaa beeniyay wararka sheegaya in ururka Alshabaab ay dib ula wareegeen deegaannada Camaara iyo Bacaadweyne ee koonfurta gobolka Mudug.