3/29/2024
Today from Hiiraan Online:  _
Wararka Maanta- Khamiis, Aug 12, 2021
Senataradii ugu horeeyay Galmudug oo Dhuusomareeb lagu doortay


Khamiis, Agoosto, 12, 2021 (HOL) - Barlamaanka Galmudug ayaa soo gabagabeeyay qeybtii koowaad ee doorashada Senotarada Galmudug u matalaya barlamaanka aqalka sare, waxaana la doortay illaa 6 mudane oo labo kamid ah ay dumar yihiin.

Senatorada maanta lagu doortay magaalada Dhuusomareeb ma jirin cid la tartantay, waxaana dhammaantood tanaasulay musharraxiintii doorashada kula tartami lahaa.

Shalay ayay ahayd markii doorashadii aqalka sare ee Puntland ay tanaasuleen 9 musharrax. Sidoo kale Jubbaland  ayay ka dhacday isu tanaasulid.

Dadka siyaasada falanqeeya ayaa ku tilmaamay tanaasulka badan ee hareeyay doorashada aqalka sare, in ay salka ku hayso loolanka doorashada iyo in madaxwyenayaasha dowlad goboleedyadu soo saaraan shakhsiyaadka ay doonayaan.

Sannadkii  2016, doorashadii aqalka sare waxay ahay mid musharraxiinta tartan adag ku galeen, waxaana la xasuustaa in looga guulaystay siyaasiyiin ka ag dhawaa madaxweynayaasha dowlad goboleedyada.

Senatorada maanta la doortay waxay kala yihiin:-

Duniyo Maxamed Cali, ayaa ku guuleysatay 88cod. Cidna lama tartamin

Cabdixakiin Macalin Axmed, ayaa ku guuleystay 86cod. Cidna lama tartamin.

Samsam Dahir Maxamud , ayaa ku guuleysatay 89cod. Cidna lama tartamin.

Cabdi Axmed Dhuxulow, ayaa ku guuleystay 86cod, cidna lama tartamin.

Yuusuf Geelle Ugaas, ayaa ku guuleystay 87cod. Cidna lama tartamin.

Saciid Siyaad Shirwac, ayaa ku guuleystay, 87 cod, Cidna lama tartamin.

Abdiweli M. Sheikh, Hiiraan Online












Click here
8/12/2021 12:45 PM EST
Khamiis, Agoosto, 12, 2021 (HOL) - Xisbiyada mucaaradka Somaliland ee Waddani iyo UCID, ayaa wasiirka gaashaandhiga Somaliland Cabdiqani Maxamuud Caateeye ku eedeeyay in uu xadhig u gaystay madaxdhaqameed iyo madax warbaahineed.

8/12/2021 11:17 AM EST
Khamiis, Agoosto, 12, 2021 (HOL)- Xukuumada Somaliland ayaa ku dhawaaqday in ay fasaxday isticmaalka lacagta 50 ka dollar ee Maraykanka oo ay xukuumadu hakad galisay isticmaalkeeda 18 February ee sanadkan kadib markii lacago been abuur ahi soo galeen Somaliland.

8/12/2021 11:13 AM EST
Khamiis, Agoosto, 12, 2021 (HOL) - Kadib markii gudoonka waxbarashada gobolka Sool iyo maamulka gobolku ay saaka tageen Dugsiga Boodhinka oo maalintii shalay rabshado ka dheceen ay ku guulaysteen in xaaladu caadi ku soo noqoto.

8/12/2021 7:29 AM EST
Khamiis, Agoosto, 12, 2021 (HOL) - Sahra Axmed Mustaf oo haweenay Soomaaliyeed ayaa laga reebay tartanka doorashada kursiga Baarlamanka Federaalka ee xaafadda ay ku badan yihiin Soomalida ee dalka Australia.

8/12/2021 6:03 AM EST
Khamiis, Agoosto, 12, 2021 (HOL) - War kasoo baxay Ismaamulka Diridhabe ayaa lagu sheegay in lajaan gooyay qiimihii maciishada ee Diridhabe oo maalmihii lasoo dhaafay aad u kacsanaa.

8/12/2021 2:25 AM EST
Khamiis, Agoosto, 12, 2021 (HOL) - Waxaa maanta lagu wadaa in magaalada Dhuusamareeb ee xarunta gobolka Galgaduud ay ka bilaabato doorashada Xildhibaanada Aqalka sare ee Baarlamaanka Soomaaliya ku matalaya maamulka Galmudug.

8/12/2021 1:51 AM EST
Khamiis, Agoosto, 12, 2021 (HOL) - AMISOM ayaa sheegtay inay bilowday baaritaan ku aadan dhacdadii tuulada Golweyn ee gobolka Shabeelaha hoose, kaddib markii lagu eedeeyay askartooda in ay si bareer ah u laayeen dad shacab ah oo aan waxba galafsan.

8/12/2021 1:44 AM EST
Khamiis, Agoosto, 12, 2021 (HOL) - Raysal Wasaaraha Soomaaliya, Maxamed Xuseen Rooble ayaa sheegay in heshiis laga gaaray khilaaf soo kala dhex galay isaga iyo madaxweyne Farmaajo, oo ku kala aragti duwanaaday wada xaajoodka xukuumada.