3/28/2024
Today from Hiiraan Online:  _
Wararka Maanta- Arbaco, Aug 11, 2021
Gabadh yar oo ku dhimatay rabshad dhexmartay ciidanka Booliska iyo ardayda magaalada Laascaanood
 

Arbaco, Agoosto, 11, 2021 (HOL) - Gabadh lagu sheegay in ay 12 jir tahay ayaa ku dhimatay rabshad  dhexmartay ciidanka Booliska iyo arday dhigata Dugsiga Sare ee Hoyga Laascaanood oo ay wax ku bartaan ardayda badanaa tuulooyinka aan lahayn dugsiyada Sare ka yimaada.

Rabshadan ayaa ka dhalatay ka dib markii maamulka iskuulku uu 4 arday damcay in ay ka saaraan iskoolka  iyadoo lagu eedeeyey rabshado taas oo iskoolka buuq ka dhalisay.

Ciidanka Booliska oo soo gaadhey goobta ayaa sida ay goobjoogayaal u sheegeen HOL la kulmay dhagax iyo buuq taas oo sababtay in ay rasaasta nool isticmaalaan.

Ilaa hada ma cada waxyeelo soo gaadhey ciidanka iyo ardayda midna, ardaydu iskoolkooda ayay joogaan ciidamaduna waxay dib ugu noqdeen goobohoodii, welina wax war ah oo ka soo baxay lama maqal masuuliyiinta amaanka iyo waxbarashada walow uu magaalada ka maqnaa gudoonkii waxbarashada gobolku.

Seynab Cabdi Warsame, Hiiraan Online
[email protected]
Laascaanood












Click here
8/11/2021 11:13 AM EST
Arbaco, Agoosto, 11, 2021 (HOL) - Wasiirka arrimaha dibedda Soomaaliya, Maxamed Cabdirisaaq Maxamuud oo shir jara’id ku qabtay Nayroobi ayaa beeniyay in habo yaraatee kulankii raysal wasaaraha Soomaaliya uu la yeeshay madaxweynaha Kenya looga hadlay arrimaha badda.

8/11/2021 11:02 AM EST
Arbaco, Agoosto, 11, 2021 (HOL) - Xogeeyaha arrimaha bulshada ee xisbiga Waddani Maxammed Saddiiq Dhame, ayaa xukuumada Somaliland ku eedeeyay in ay hab sharciga baal marsan u maamulayso deeqaha waxbarasho ee waddamada dibadu siiyaan ardayda Somaliland.

8/11/2021 8:57 AM EST
Arbaco, Agoosto, 11, 2021 (HOL) - Raysal Wasaaraha Soomaaliya Maxamed Xuseen Rooble oo ku sugan dalka Kenya, ayaa maamulka Puntland ugu hambalyeeyay bilaabista doorashada kuraasta Aqalka sare ee Soomaaliya.

8/11/2021 7:32 AM EST
Arbaco, Agoosto, 11, 2021 (HOL) - Barlamaanka maamul goboleedka Puntland ayaa maanta oo arbaco ah doortay 11 xildhibaan oo Puntland u matali doona barlamaanka labaad ee aqalka sare.

8/11/2021 7:18 AM EST
Arbaco, Agoosto, 11, 2021 (HOL) - Xarunta Xuquuqal Insaanka Madaxabannaan ee Somaliland, ayaa canbaaraysay xadhiga Ismaaciil Cabdillaahi Xuseen iyo Cabdiqani Sh. Maxamed Sh. Cumar oo 3, July, Boorama lagu xidhay kadib markay ay ka hadleen garaacis loo gaystay Cabdirsaaq Axmed Gorayo oo wasaarada beeraha dhaliiyay.

8/11/2021 7:16 AM EST
Arbaco, Agoosto, 11, 2021 (HOL) - Guddoomiyaha maamulka gobolka Banaadir ahna duqa magaalada Muqdisho Cumar Maxamuud Maxamed Cumar Filish ayaa xilalkii ka qaaday qaar ka mid ah guddoomiyaasha degmooyinka gobolka Banaadir.

8/11/2021 6:43 AM EST
Arbaco, Agoosto, 11, 2021 (HOL) - Ciidamada booliiska Somaliland ee gobolka Todheer, ayaa gacanta ku dhigay 587 dhalo oo khamri ah, midiyo iyo tooriyo tiro badan oo ciidamadu kusoo qabteen howlgalo ay sameeyeen.

8/11/2021 2:59 AM EST
Arbaco, Agoosto, 11, 2021 (HOL) - Soomaaliya iyo Kenya ayaa ku heshiiyay inay soo celiyaan xiriirkii, iskana kaashadaan dhinacyo ay ka mid yihiin amniga, ganacsiga iyo maalgashiga.

8/11/2021 2:54 AM EST
Arbaco, Agoosto, 11, 2021 (HOL) - Barlamaanka Puntland ayaa guda galay doorashada xildhibaanada aqalka sare kadib markii shalay uu madaxweynaha Puntland, uu soo saaray liiska musharraxiinta 11 ka kursi ee aqalka sare.

8/11/2021 1:13 AM EST
Arbaco, Agoosto, 11, 2021 (HOL) - Madaxweynaha dowlad goboleedka Galmudug Axmed Cabdi Kaariye Qoorqoor ayaa shaaciyay liiska qaar ka mid ah Musharaxiinta kuraasta Aqalka sare ee deegaan doorashadoodu tahay Galmudug.

8/11/2021 1:06 AM EST
Arbaco, Agoosto, 11, 2021 (HOL) - Meydadka dad shacab ah oo gaaraya ilaa 7 ruux oo la sheegay iney dileen ciidamada AMISOM ayaa yaala Isbitaalka Madiina ee magalaada Muqdisho.