9/24/2021
Today from Hiiraan Online:  _
Wararka Maanta- Khamiis, Apr 8 , 2021
Cisbitaal Ku Yaal Minneapolis oo Muslimiinta yimaada u Tilmaamaya Dhanka Qibladda ay ka jirto


Khamiis, April,, 08, 2021 (HOL) - Waxaa Gudaha Cisbitaalka HCMC qabta Gargaarka Dagdaga ah isagu yimi Madaxda Cisbitaalka ,Dhaqaatiirta & Qaar ka mida Culumadda Minnesota , waxayna maanta daahfurayaan mashruuc qololka Cisbitaalka loogu dhajinayo waraaqo tilmaamayo dhanka qibladda salaada, waana markii ugu horeeysay ee cisbitaal ku yaal gobolka Minnesota & Maraykanka guudba uu sidaa sameeyey.

Shiikh Cabdiraxmaan Shariif Imaamka Masjid Darul Hijra oo u waramayay HOL  ayaa sheegay in tani tahay talaabo muhiima oo isku soo dhawaynaysa muslimiinta dalkaan yimi iyo dadka Maraykanka , waxayna noo tahay Farxad qiimo leh oo ina tusaysa in diinteena lagu ixtaamo wax walba oo muhiim noo ah.

Sh Cabdiraxmaan Shariif waxuu ka shakeeyey in arintaan ku timi markii dhaqtar qaybta gargaarka dagdaga jooga uu arko dadka muslimiinta ah ee yimaada cisbitaalka oo midba dhan u tukanayo kadibna isagoo la kaashanaya culumadda gobolkaan qaasatan Masjidka Darul hijra uu ku dhaqaaqay mashruucaan maanta hir galay.

Agaasimaha cisbitaalka Hennapin Healthcare Jennifer DeCubellis ayaa iyaduna kulankaan ka hadashay aadna u soo dhaweeysay , waxayna xustay in tani tahay talaabo horey loo qaaday xaga horemarka cisbitaalkoodu ku talaabsaday waxayna ku tilmaamatay guul taariikhi ah.

Waxaa isaguna goobta ka hadlay Dhaqtarkii Fekerkaan uu ka yimi oo ahayn qof muslina waxuu sheegay in marar badan uu arkay dadka muslimiinta ah oo adeega u fidiyaan oo xiliga salaada marka la gaaro qofba uu dhan u jeesanayo anigoo og in muslimiintu markay tukanayaan ay kacbada iyo mgaaladda Maka u jeestaan dhanka ay ka jirto

Shugri Sh Saalax oo ka mid tahay shaqaalaha Cisbitaalkan waxay iii sheegtay in wax wayn uu ka tiri doono dadka bukaanka ah ee yimaada cisbitaalkan oo mar walba ku wareersanaa dhanka ay qibladda ka xigto ay hada arkayaan waswaaskuna ka yaraanayo.

Barta Ay Baraha Bulshada ku leeyahiin Cisbitaalkan ayaa lagu qoray  shalay  sidan

Subaxaan waxaan ku dhajinay tilmaamata  qiblada ama "jihada" qolalka bukaan socodka Istiikaarradan waxay tilmaamayaan jihada Maka, magaalada barakaysan ee Muslimiinta. Marka ay tukanayaan dadka muslimiinta waxay ku tukadaan jihada Maka.

Sidaas darteed istiikaradaani waxay siinayaan raaxo kuwa doonaya inay tukadaan inta ay ku jiraan daryeelkayaga.



Siyad Said Salah, Hiiraan Online
[email protected]
Minneapolis MN












Click here
4/8/2021 3:04 PM EST
Khamiis, April,, 08, 2021 (HOL) - War-saxaafadeed ka soo baxay beesha caalamka ayaa loogu baaqay hoggaamiyaasha Soomaaliya in Dib loo billaabo wadahadallada burburay ee gogol-xaadhka u ahaa kullamada lagu dhammeystirayo arrimaha doorashooyinka Dalka.

4/8/2021 1:51 PM EST
Khamiis, April, 8, 2021 (HOL) - Layla Maxamed Xirsi oo ah gabadh ganacsato ah, oo ku nool magaalada Berber, ayaa cabasho ka muujisay shirkada laydhka, iyado madaxweynaha ka codsatay in uu u ogolaado in ay shirkad laydh keento Berbera.

4/8/2021 10:56 AM EST
Khamiis, April, 8, 2021 (HOL) - Wasiirka Wasaarada shaqo-gelinta iyo arrimaha bulshada Somaliland Mustafe Maxamuud Cali, ayaa beeniyay sheegashada wasiirka arrimaha gudaha Puntland, ee ah in ay maamulan badiba gobolada Sool iyo Sanaag.

4/8/2021 9:10 AM EST
Khamiis, April,, 08, 2021 (HOL) - Guddoomiyaha gobolka Banaadir ayaa caddaalad darro ku tilmaamay in laga laabato go’aankii Puntland looga joojiyay in lasiiyo shahaadada dugsiyada sare iyagoo aan ka qeyb galin imtixaanka dowladda federalka.

4/8/2021 4:24 AM EST
Khamiis, April,, 08, 2021 (HOL) - Madaxweynaha Puntland Siciid Deni ayaa ku baaqay in madaxweyne Farmaajo lala taliyo, si uusan dalka gacantiisa ugu burburin, wuxuuna dhankooda sheegay in ay diyaar u yihiin wax kaste oo xal lagu heli karo.

4/8/2021 4:11 AM EST
Khamiis, April, 08, 2021 (HOL) - Wararka naga soo gaaraya magaalada gobolka Baay ayaa sheegaya in dulleedka magalada Baydhabo laga helay meydka labo carruur ah oo la sheegay in maalitii shalay la waayay.

4/8/2021 1:34 AM EST
Khamiis, April,, 08, 2021 (HOL) - Qoraal ka soo baxay midowga Musharixiinta ayaa looga hadlay war ku saabsan in uu fashilmay shirkii Afisiyooni maalmihii ugu danbeeyay uga socday madaxda Soomaalida, iyaga oo ku eedeeyay madaxweyne Farmaajo in uu isagu leeyahay mas'uuliyada fashilka shirka.

4/8/2021 1:13 AM EST
Khamiis, April,, 08, 2021 (HOL) - Wararka naga soo gaaraya gobolka Shabeellaha Dhexe ayaa sheegaya in xoogagga Ururka Al-shabaab weerar culus ku qaadeen subaxnimadii hore ee saakay barkootarool oo ay ku sugnaayeen ciidamada dowladda.