5/18/2021
Today from Hiiraan Online:  _
Wararka Maanta- Khamiis, Apr 8 , 2021
Labo carruur ah oo meydkooda laga helay dulleedka magaalada Baydhabo


 

Khamiis, April, 08, 2021 (HOL) - Wararka naga soo gaaraya magaalada gobolka Baay ayaa sheegaya in dulleedka magalada Baydhabo laga helay meydka labo carruur ah oo la sheegay in maalitii shalay la waayay.

Carruurta ahaa Wiil iyo Gabar oo walaalo ahaa ayaa waxaa dhalay sida ay wararku sheegayaan Aweys Cabdullaahi oo ka tirsanaa xildhibaannada Baarlamaankii Sagaalaad ee dalka, kuwaa oo la waayay xili maalintii shalay ay aadeen dugsi  Qur'aan ay dhiganayeen.

Carruurtay oo meydkooda la geeyay isbitaalka guud ee magaalada Baydhabo ayaa la sheegay in qeybo ka mid ah xubnaha jirkooda lala baxay iyadoo la adeegsanayo toorreey.

Dadka deegaanka ayaa dhacdadan siweyn uga naxay waxaana ay noqoneysaa markii ugu horreysay oo magaalada Baydhabo dadku la kulmaan dhacadadan oo kale.

Cabdiraxmaan Diini, Hiiraan Online
[email protected]   














Click here
4/8/2021 3:04 PM EST
Khamiis, April,, 08, 2021 (HOL) - War-saxaafadeed ka soo baxay beesha caalamka ayaa loogu baaqay hoggaamiyaasha Soomaaliya in Dib loo billaabo wadahadallada burburay ee gogol-xaadhka u ahaa kullamada lagu dhammeystirayo arrimaha doorashooyinka Dalka.

4/8/2021 1:51 PM EST
Khamiis, April, 8, 2021 (HOL) - Layla Maxamed Xirsi oo ah gabadh ganacsato ah, oo ku nool magaalada Berber, ayaa cabasho ka muujisay shirkada laydhka, iyado madaxweynaha ka codsatay in uu u ogolaado in ay shirkad laydh keento Berbera.

4/8/2021 11:19 AM EST
Khamiis, April,, 08, 2021 (HOL) - Waxaa Gudaha Cisbitaalka HCMC qabta Gargaarka Dagdaga ah isagu yimi Madaxda Cisbitaalka ,Dhaqaatiirta & Qaar ka mida Culumadda Minnesota , waxayna maanta daahfurayaan mashruuc qololka Cisbitaalka loogu dhajinayo waraaqo tilmaamayo dhanka qibladda salaada, waana markii ugu horeeysay ee cisbitaal ku yaal gobolka Minnesota & Maraykanka guudba uu sidaa sameeyey.

4/8/2021 10:56 AM EST
Khamiis, April, 8, 2021 (HOL) - Wasiirka Wasaarada shaqo-gelinta iyo arrimaha bulshada Somaliland Mustafe Maxamuud Cali, ayaa beeniyay sheegashada wasiirka arrimaha gudaha Puntland, ee ah in ay maamulan badiba gobolada Sool iyo Sanaag.

4/8/2021 9:10 AM EST
Khamiis, April,, 08, 2021 (HOL) - Guddoomiyaha gobolka Banaadir ayaa caddaalad darro ku tilmaamay in laga laabato go’aankii Puntland looga joojiyay in lasiiyo shahaadada dugsiyada sare iyagoo aan ka qeyb galin imtixaanka dowladda federalka.

4/8/2021 4:24 AM EST
Khamiis, April,, 08, 2021 (HOL) - Madaxweynaha Puntland Siciid Deni ayaa ku baaqay in madaxweyne Farmaajo lala taliyo, si uusan dalka gacantiisa ugu burburin, wuxuuna dhankooda sheegay in ay diyaar u yihiin wax kaste oo xal lagu heli karo.

4/8/2021 1:34 AM EST
Khamiis, April,, 08, 2021 (HOL) - Qoraal ka soo baxay midowga Musharixiinta ayaa looga hadlay war ku saabsan in uu fashilmay shirkii Afisiyooni maalmihii ugu danbeeyay uga socday madaxda Soomaalida, iyaga oo ku eedeeyay madaxweyne Farmaajo in uu isagu leeyahay mas'uuliyada fashilka shirka.

4/8/2021 1:13 AM EST
Khamiis, April,, 08, 2021 (HOL) - Wararka naga soo gaaraya gobolka Shabeellaha Dhexe ayaa sheegaya in xoogagga Ururka Al-shabaab weerar culus ku qaadeen subaxnimadii hore ee saakay barkootarool oo ay ku sugnaayeen ciidamada dowladda.