5/9/2021
Today from Hiiraan Online:  _
Wararka Maanta- Arbaco, Apr 7 , 2021
Mulkiilaha xawaalada WorldRemit oo malaayiin dollar ku maalgalinaya mashariicda horumarinta Somaliland


 

Arbaco, April, 6, 2021 (HOL) - Mulkilaha shirkada WorldRemit DR. Ismaaciil Ibraahim Axmed, oo Hargaysa ka daahfuray hay’ad layidha Sahamiye foundation, ayaa ku dhawaqay in uu 500 oo milyan ku maal galinayo waxbarashada Somaliland iyo adeegyo kale.

Hay’adan khayriga ah oo fadhigeedu uu noqon doono magaalooyinka Hargaysa iyo London iyo adeega waxbarashada bilaash ka ah ee Daaris, ayaa 500 oo million oo dollar ku bixin doonta Somaliland muddo 10 sano ah.

Mulkiilaha WorldRemit oo daahfurka kaga qayb galay hab maqal iyo muuqaal ah isagoo jooga dalka dibadiisa ayaa sheegay in uu lacag dhan 500 oo milyan oo dollar ku bixin horumarinta Somaliland oo waxbarashadu ugu horayso.

“Waxan ku talo jiraa 10 ka sano ee soo socda in aan lacag gaadhaysa 500 oo milyan oo dollar oo kamida hantidayda in aan ku maal galiyo mashariicda horumarinta ee Somaliland” ayuu yidhi DR. Ismaaciil.

“Waxanu doonaynaa in dadka wax akhriya ee Somaliland oo maanta 45% ah, in aanu gaadhsiino 90% oo aanu libin laabno” ayuu DR. Ismaaciil hadalkiisa ku daray.

Madaxweyne ku xigeenka Somaliland Cabdraxman Cabdillaahi Ismaaciil (Saylici) oo ka hadlay xaflada daahfurka Sahamiye foundation, ayaa soo dhaweeyay qorshaha mulkiilaha WorldRemit.

“Waa waxa aad loogu farxo in nin muwaadin ah oo reer Somaliland ahi yidhi sanad walba 50 milyan ayaan galinaya horumarka dalkayga” ayuu yidhi madaxweyne ku xigeenku.

Ganacsade Ismaciil Axmed ayaa hore malayiin dollar ugu deeqay ladagaalanka caabuqa Covid-19 ee Somaliland.


Cabdiraxman Sh. Maxamed, Hiiraan Online
[email protected] 











Click here
4/7/2021 12:14 PM EST
Arbaco, April, 07, 2021 (HOL) - Puntland iyo Jubbaland ayaa sheegay in aysan ka warqabin meel uu ku fashilmay shirkii dowladda federalka iyo dowladda goboleedyada.

4/7/2021 11:00 AM EST
Arbaco, April, 7, 2021 (HOL) - Xisbiga mucaarad ka ah ee Waddani, ayaa xogeeyaha warfaafinta ee xisbiga Waddani u magacabay guddomiyihii hore ee ururka suxufiyiinta Somaliland ee SOLJA Maxamuud Cabdi Jamac (Xuuto).

4/7/2021 9:30 AM EST
Arbaco, April, 07, 2021 (HOL) - Dowladda federalka Soomaaliya ayaa ku eedeeysay Puntland iyo Jubbaland in aysan rabin in dalka ay ka dhaco doorashado asaaskeeda yahay heshiiskii 17-kii September iyo is fahankii 16-kii Febraayo.

4/7/2021 7:54 AM EST
Arbaco, April, 07, 2021 (HOL) - Isku dhacyada xuduudaha ee u dhexeeya gobollada Canfarta iyo Soomaalida ee Itoobiya ayaa waxaa ku geeriyooday ugu yaraan 100 qof oo u badan dhinacyadii dagaalamayay.

4/7/2021 7:49 AM EST
Arbaco, April, 07, 2021 (HOL) - Safiirka dowladda Soomaaliya u fadhiya wadanka Shiinaha ayaa heshiis tallaalka looga hortagayo cudurka COVID-19 la saxiixday shirkadda Sinopharm ee dalka Shiinaha.

4/7/2021 7:23 AM EST
Arbaco, April, 07, 2021 (HOL) - Madaxweynaha Galmduug Axmed Cabdi Kaariye Qoorqoor ayaa sheegay maamulka Galmudug inuu Alshabaab ka difaaco maamulo uu sheegay haddii aysan ka xigi lahayn in ay qatartoodu gaari lahayd.

4/7/2021 4:43 AM EST
Arbaco, April, 07, 2021 (HOL) - Waxaa goordhaw dib uga bilaawday Teendhada Afisyooni ee magaalada Muqdisho shirka u dhaxeeya madaxda Fedaraalka, kuwa dowlad goboleedyada iyo gobolka Banaadir.

4/7/2021 4:01 AM EST
Arbaco, April, 07, 2021 (HOL) - Guddoomiyaha Gobolka Banaadir ahna duqa magaalada Muqdisho Cumar Maxamed Maxamuud Filish ayaa sheegay in saameyn dhaqaale uu ku yeeshay cudurka Covid-19 maamulka gobolka Banaadir , iyadoo hoos uu u dhacay dhaqaalihii u soo xaroon jiray.

4/7/2021 1:07 AM EST
Arbaco, April,, 07, 2021 (HOL) - Maanta oo Arbaco ah ayaa lagu wadaa in magaalada Muqdisho gaar ahaan teendhada Afisiyooni uu dib uga furmo shirka madaxda DF, Dowlad gobolleedyada iyo Gobolka Banaadir.