10/16/2021
Today from Hiiraan Online:  _
Wararka Maanta- Arbaco, Apr 7 , 2021
Puntland iyo Jubbaland oo beeniyay inuu fashilmay shirkii arrimaha doorashada
 

Arbaco, April, 07, 2021 (HOL) - Puntland iyo Jubbaland ayaa sheegay in aysan ka warqabin meel uu ku fashilmay shirkii dowladda federalka iyo dowladda goboleedyada.

Wasiirka warfaafinta Puntland Cabdullaahi Cali Xirsi Timacadde oo ay garab taagnaayeen masuuliyiin katirsan Jubbaland iyo Puntland ayaa sheegay maanta in ay ahayd maalintii ugu rajada wanaagsanayd shirka inta uu socday.

Wasiirka warfaafintu wuxuu sheegay in lagu balamay in shir kale la isugu yimaado oo dhinacyadu aadaan wadatashi dhexdooda ah inta la kala maqan yahay.

"Waxay nala noqotay wax la yaableh markii wasiirka warfaafinta dowladda muddo xilleedkeedu dhamaaday uu sheegay in shirku fashilmay, balse waxaan doonaynaa inaan ummadda Soomaaliyeed iyo beesha caalamka u sheegno in uusan shirku fashilmin," ayuu yiri wasiiir Timacadde.

Puntland iyo Jubbaland waxay sheegeen in madaxweyne Farmaajo uusan doonayn in la heshiiyo oo dalka uu doorasho u dhaqaaqo, iyagoo tilmaamay mar kaste oo la iskusoo dhawaado inuu fashiliyo shirka.

Abdiweli M. Sheikh, Hiiraan Online












Click here
4/7/2021 2:25 PM EST
Arbaco, April, 6, 2021 (HOL) - Mulkilaha shirkada WorldRemit DR. Ismaaciil Ibraahim Axmed, oo Hargaysa ka daahfuray hay’ad layidha Sahamiye foundation, ayaa ku dhawaqay in uu 500 oo milyan ku maal galinayo waxbarashada Somaliland iyo adeegyo kale.

4/7/2021 11:00 AM EST
Arbaco, April, 7, 2021 (HOL) - Xisbiga mucaarad ka ah ee Waddani, ayaa xogeeyaha warfaafinta ee xisbiga Waddani u magacabay guddomiyihii hore ee ururka suxufiyiinta Somaliland ee SOLJA Maxamuud Cabdi Jamac (Xuuto).

4/7/2021 9:30 AM EST
Arbaco, April, 07, 2021 (HOL) - Dowladda federalka Soomaaliya ayaa ku eedeeysay Puntland iyo Jubbaland in aysan rabin in dalka ay ka dhaco doorashado asaaskeeda yahay heshiiskii 17-kii September iyo is fahankii 16-kii Febraayo.

4/7/2021 7:54 AM EST
Arbaco, April, 07, 2021 (HOL) - Isku dhacyada xuduudaha ee u dhexeeya gobollada Canfarta iyo Soomaalida ee Itoobiya ayaa waxaa ku geeriyooday ugu yaraan 100 qof oo u badan dhinacyadii dagaalamayay.

4/7/2021 7:49 AM EST
Arbaco, April, 07, 2021 (HOL) - Safiirka dowladda Soomaaliya u fadhiya wadanka Shiinaha ayaa heshiis tallaalka looga hortagayo cudurka COVID-19 la saxiixday shirkadda Sinopharm ee dalka Shiinaha.

4/7/2021 7:23 AM EST
Arbaco, April, 07, 2021 (HOL) - Madaxweynaha Galmduug Axmed Cabdi Kaariye Qoorqoor ayaa sheegay maamulka Galmudug inuu Alshabaab ka difaaco maamulo uu sheegay haddii aysan ka xigi lahayn in ay qatartoodu gaari lahayd.

4/7/2021 4:43 AM EST
Arbaco, April, 07, 2021 (HOL) - Waxaa goordhaw dib uga bilaawday Teendhada Afisyooni ee magaalada Muqdisho shirka u dhaxeeya madaxda Fedaraalka, kuwa dowlad goboleedyada iyo gobolka Banaadir.

4/7/2021 4:01 AM EST
Arbaco, April, 07, 2021 (HOL) - Guddoomiyaha Gobolka Banaadir ahna duqa magaalada Muqdisho Cumar Maxamed Maxamuud Filish ayaa sheegay in saameyn dhaqaale uu ku yeeshay cudurka Covid-19 maamulka gobolka Banaadir , iyadoo hoos uu u dhacay dhaqaalihii u soo xaroon jiray.

4/7/2021 1:07 AM EST
Arbaco, April,, 07, 2021 (HOL) - Maanta oo Arbaco ah ayaa lagu wadaa in magaalada Muqdisho gaar ahaan teendhada Afisiyooni uu dib uga furmo shirka madaxda DF, Dowlad gobolleedyada iyo Gobolka Banaadir.