10/16/2021
Today from Hiiraan Online:  _
Wararka Maanta- Talaado, Apr 6 , 2021
Sirdoonka gobolka Banaadir oo shaaciyay in ay geeriyoodeen labo sarkaal oo Shabaab u qaabilsanaa fulinta qaraxyada

Talaado, April,, 06, 2021 (HOL) - Taliska sirdoonka iyo nabad sugida gobalka Banaadir ee NISA ayaa sheegay in ay heleen xog sheegaysa in ay dhinteen labo sarkaal oo u qaabilsanaa Al-Shabaab Gobolka Banaadir gaar ahaan qaybta Qaraxyada Miinooyinka.

Labadan sarkaal ayaa lagu magacaabaa Maxamuud Goobe Raage Jiisoow (Daariq) oo Al-Shabaab u qaabilsanaa Howl-galada Qaraxyada Banaadir iyo Shabeelada hoose iyo ku xigeenkiisa Muuse Kooble oo isna qaabilsanaa Qaraxyada.

Sirdoonka Soomaaliya waxay sheegeen in Muuse Kooble iyo 6 nin oo kale oo Miinooyin ka soo qaaday Tooratooroow, ay 28-03-2021 kula qaraxday deegaanka Basro ee Gobolka Shabeellaha Hoose.

Sarkaalka labaad oo lagu magacaabo Maxamuud Goobe Raage ayuu sirdoonku sheegay in lagu dilay dagaalkii Bariire.

Warbixinta waxaa lagu sheegay in labadan nin ay ku xeel dheeraayeen dhanka Qaraxyada, iyadoo la sheegay in ay ku howlanaayeen sidii ay Qaraxyo uga fulin lahaayeen Muqdisho.

Abdiweli M. Sheikh, Hiiraan Online












Click here
4/6/2021 2:21 PM EST
Talaado, April,, 06, 2021 (HOL) - Waxaa magaalada Jigjiga lagu qabtay xuska maalinta xad gudubka maxaabiistii Jeel-ogadeen oo ay soo diyaariyeen Ururka Dhibanayaasha Jeel Ogaden, kuwaas oo dhibaato iyo tacaddi kasoo gaaray mudadii ay ku jireen Jeelkii albaabada loolaabay ee Jeel Ogaden.

4/6/2021 1:56 PM EST
Talaado, April,, 06, 2021 (HOL) - Beesha Caalamka oo garwadeen ka ah kulamada xiriirka ah ee toddobadyadii ugu danbeeyayba u socday hoggaamiyayaasha Soomaalida ayaa qoraal ay soo saareen waxaa ay u rajeeyeen shirarkooda isfaham iyo Guul

4/6/2021 11:41 AM EST
Talaado, April, 6, 2021 (HOL) - kulan dhexmaray Xukuumada Somaliland iyo ganacsatada, ayaa lagu qorsheeyay, sidi loosoo ibin laha tallaal caabuqa Covid-19 lagaga tallalo 300 oo kun oo qof.

4/6/2021 10:12 AM EST
Talaado, April, 6, 2021 (HOL) - Kulan madaxtooyada Somaliland ku dhexmaray wasiirka cadaalada ee Zambia Gavin Labinda iyo madaxwaynaha Somaliland, ayaa lagaga wada hadlay xidhiidh ganacsi oo dhexmari doona Somaliland iyo Zambia.

4/6/2021 9:26 AM EST
Talaado, April,, 06, 2021 (HOL) - Dawladda Soomaaliya ayaa markii u horreysay gudbisay toddobo heshiis oo calami ah, kuwaaso ku aaddan xaquuqda Shaqaalaha.

4/6/2021 9:10 AM EST
Talaado, April,, 06, 2021 (HOL) - Dagaal u dhexeeya Soomaalida iyo Canfarta ayaa ka socda Gobolka Siti ee dowlad deegaanka Soomaalida Ethiopia, waxaana lagasoo sheegayaa khasaare xooggan oo dhimasho iyo dhaawac ah.

4/6/2021 6:51 AM EST
Talaado, April, 06, 2021 (HOL)-Villa Soomaaliya ayaa waxba kama jiraan ku tilmaamtay wararka sheegay in shirka teendhada Afsiyooni qarka u saaran yahay in uu burburo.

4/6/2021 3:19 AM EST
Talaado, April,, 06, 2021 (HOL) - Shirkii wadatashiga ee loo balansanaa maanta inuu dhexmaro dowladda federalka iyo dowlad goboleedyada ayaa maanta dib dhac ku yimid kadib markii madaxweynaha Galmudug uu shalay u safray magaalada Dhuusomareeb.

4/6/2021 1:10 AM EST
Talaado, April,, 06, 2021 (HOL) - Ra'iisal Wasaaraha xukuumadda Soomaaliya Maxmed Xusseen Rooble ayaa ku booqday isbitaalka xoogga qaar ka mid ah askartii uu dhaawaca ka soo gaaray weerarkii cuslaa ee Al-shabaab ay ku qaadeen saldhigyada ciidamada ee Bariirre iyo Awdheegle gobolka Shabeellaha Hoose.