5/6/2021
Today from Hiiraan Online:  _
Wararka Maanta- Isniin, Apr 5 , 2021
Saraakiil kasoo goostay ciidamada dowlada Soomaaliya oo Hargaysa lagu soo dhaweeyay


 

Axad, April, 4, 2021 (HOL) - Taliska ciidamada millateriga Somaliland, ayaa lagu soo dhaweeyay 4 sarkaal oo sheegay in ay kasoo goosteen ciidamada Danab iyo Gorgor ee Soomaaliya.

Saraakiishan ayaa sheegay in ay ka noqdeen mabda’oogii hore ee Soomaaliweyn, isla markaana ay cafis ka dalbanayaan dowlada iyo shacabka Somaliland.

“Anigoo kasoo shaqeeyey dowlada Soomaaliya ee midnimada gacan ku rimis ka ah iyo wararka been abuur ka ah, uguna soo shaqeeyay umada Soomaaliyeed ee dhibataysan ee dushooda laysku dilayo si daacada” sida waxa yidhi Laba xidigle Jaabir Ismaaciil Cismaan.

“Waxan maanta umada Somaliland aan ka codsanayaa, in ay i cafiyaan” ayuu hadalkiisa sii raaciyay Laba xidigle Jaabir Ismaaciil Cismaan.

Waxa isaguna halkaasi ka hadlay, xidigle Maxamuud Axmed Cali oo sidu sheegay ahaa taliyihii warbaahinta, wacyigalinta iyo arrimaha bulshada ee ururka afraad ee ciidanka Danab, ahana afhayeenka guutada 16aad ee Danab.

“Waxa aan maanta ku suganahay magaalada Hargaysa, run ahantii waxa hortayda soo fadhiya, saraakiil kaduwan saraakiishii aan arki jiray, iyo calankii aan kasoo jeeday iyo wadankii aan u dhashay” ayuu yidhi xidigle Maxamuud Axmed Cali.

“Somaliland iyo Soomaaliya waa laba dowladood, waxan ogaaday in ay reer Soomaaliya yihiin cadaw ay Somaliland leedahay”.

“Sida darteed markii aan arkay midnimada Soomaaliya sida afka loogaga dhawaqayo iyo ficil ahan sida anay u jirin, waxan go’aansaday in aan dalkaygii hooyo kusoo noqdo” ayuu hadalkiisa kusii daray xidigle Maxamuud Axmed Cali.

Ugu danbaytii abaanduulaha ciidanka millitariga Somaliland Cabdirisaaq Siciid Afguduud, ayaa soo dhaweeyay askarta kasoo goosatay ciidanka Soomaaliya.

“Waxan soo dhawaynayaa, saraakiisha soo goosatay ee mabadi dii Soomaaliweyn ee lagu qalday kasoo noqday ee Somaliland isku soo dhiibtay wanu aqbalay” ayuu yidhi abaanduule Afguduud.

Cabdiraxman Sh. Maxamed, Hiiraan Online
[email protected] 











Click here
4/5/2021 5:42 PM EST
Isniin, April, 05, 2021 (HOL) - Dowladda Soomaaliya ayaa xirtay dacwaddii loo haystay Wasiirkii hore ee amniga maamulka Jubbaland Cabdirashiid Janan, kaasoo dhowaan heshiis nabadeed la galay dowladda.

4/5/2021 12:34 PM EST
Isniin, April, 05, 2021 (HOL) - Kooxda Alshabaab ayaa baahisay sawiro argagax badan oo soo bandhigaya weerarkii ay ku qaadeen saldhigga ciidanka dowladda ee ku yaala tuulada Bariire ee gobolka Shabeeladda hoose.

4/5/2021 11:13 AM EST
Axad, April, 4, 2021 (HOL) - Wasiirka cadaalada ee dalka Zambia Gavin Lubin iyo wafti uu hogaaminayo, ayaa lagu soo dhaweeyay caasimada Somaliland ee Hargaysa.

4/5/2021 8:59 AM EST
Isniin, April, 05, 2021 (HOL) - Guddiga Puntland u xilsaaray wax ka qabashada qiimo beelka ku dhacay lacagta Shilin Soomaaliga ayaa soo saaray go’aan ku saabsan in aan la isku diri karin wax ka yar hal dollar lacagaha dabeysan ee mobaylada.

4/5/2021 8:23 AM EST
Isniin, April, 05, 2021 (HOL) - War Qoraal ah oo ka soo baxay xafiiska Qarramada Midoobey ee Soomaaliya ayaa lagu bogaadiyay wadahadallada hor dhaca ah ee u bilaawday madaxda DF iyo kuwa dowlad gobolleedyada ku wada sugan magaalada Muqdisho.

4/5/2021 4:48 AM EST
Isniin, April, 05, 2021 (HOL) - Madaxweynihii hore ee Soomaaliya, Xasan Sheikh Maxamuud ayaa sheegay in dowladda madaxweyne Farmaajo ay colaadin joogto ay ku haysay tan iyo sanadkii 2018, goortaas oo uu bilaabay inuu dhaliilo siyaasada dowladda.

4/5/2021 4:36 AM EST
Isniin, April, 05, 2021 (HOL) -Wasaaradda Caafimaadka Soomaaliya ayaa shaacisay in 24 saac ee la soo dhaafay cudurka COVID-19 laga baaray 1176 ruux.

4/5/2021 1:22 AM EST
Isniin, April, 05, 2021 (HOL) - Wiilkan Soomaaliga ah ee la dilay oo lagu magacaabi jiray Haabiil Axmed Cabdullaahi 21 sano jir ahaa ayaa lagu waramayaa in rasaas lagu furay isaga iyo Nin kale oo ay wada socdeen oo marayay agagaarka waddada Dixon iyo Scarlett magaalada Toronto ee dalka canada , iyagoo watay gaari, galabnmadii Sabtida,