3/29/2024
Today from Hiiraan Online:  _
Wararka Maanta- Talaado, Apr 20, 2021
Garoonka diyaaradaha Ugaas Khaliif ee Magaalada Baledweyne oo maanta xiran
 

Talaado, April, 20, 2021 (HOL) - Waxaa maanta gabi ahaanba xiran howlahii duulimaadyada diyaaradaha garoonka diyaaradaha Ugaas Khaliif ee magaalada baledweyne ee xarunta gobolka Hiiraan, kadib Roobaab xoogaan oo habeenkii xalay ahaa ka da'ay magaalada Baledweyne iyo nawaaxigeeda.

Roobabka xalay ka da'ay Baledweyne ayaa sababay iney biyo farabadan dhex fariistaan dhabaha loogu talo galay iney ku cararto diyaarada marka aay soo dageyso iyo marka aay kaceysaba.

Rakaabkii maanta u kala duuli lahaa magaalooyinka Baledweyne iyo Muqdisho ayaa safaradooda ka baaqday kadib markii saakay lagu wargeliyay ineysan jirin duulimaadyadii garoonka Ugaas Khaliif ee magaalada Baledweyne.

Sanad walba marka la gaaro xiliyada roobabka ee Gu'ga iyo Deyrtaba waxaa xirma guud ahaan duulimaadka garoonka Ugaas Khaliif ee magaalada Baledweyne sababo la xariira garoonka oo aay biyaha roobabka dhex fariisayaan.

Madaxda maamulka gobolka Hiiraan, Hirshabeelle iyo kuwa dowladda Fedaraalka Soomaaliya ayaa horay dhowr jeer u balan qaaday iney dhisayaan garoonka baledweyne, balse wali may suurtagalin fulinta balan qaadyadaasi, waxaasi xusid mudan in madaxda Soomaalida intooda badan balan qaadkoodu uusan dhaafsiisnen afka.

Garoonka diyaaradaha Ugaas Khaliif ee magaalada Baledweyne waxa uu ka mid yahay garoomada ugu shaqada badan dhanka duulimaadyada marka laga soo tago garoomada Aadan Cadde iyo Cigaal ee magaaloyinka Muqdisho iyo Hargeysa.

Jamaal Cali Cabdi, Hiiraan Online
[email protected]
















Click here
4/20/2021 6:14 PM EST
Talaado, April, 20, 2021 (HOL) - Kadib kulan ballaaran oo aay maanta isugu yimaadeen qaar ka mid ah waxgaradka iyo Siyaasiyiinta Beelaha Hawiye oo ka dhacay magaalada Muqdisho ayaa waxa aay si weyn uga soo horjeesteen muddo kordhinta aay dhawaan sameeyeen Golaha Shacabka Soomaaliya.

4/20/2021 4:27 PM EST
Talaado, April, 20, 2021 (HOL) - Dowladda Qatar ayaa waxba kama jiraan ku tilmaamtay eedeyn culus oo uga timid safiirkii hore ee Mareykanka u qaabisanaa Soomaaliya Stephen Schwartz oo sheegay in dowladda Qatar lacag sharci darro ah siiso dowladda uu madaxweynaha ka yahay Maxamed Cabdulaahi Farmaajo.

4/20/2021 7:47 AM EST
Talaado, April, 20, 2021 (HOL) - Madaxweynaha dhawaan dib loo doortay ee Chad Idriss Deby ayaa u dhintey dhaawac ka soo gaarey jiida hore ee dagaalka isagoo la dagaallamaya fallaagada waqooyiga dalkaas ka dagaalama.

4/20/2021 7:10 AM EST
Talaado, April, 20, 2021 (HOL) - Madasha Badbaado qaran oo aay ku mideysan yihiin Midowga musharaxiinta, maamulada Puntland, Jubbaland iyo golaha siyaasiyiinta Somaliland ayaa fariin cusub u diray Golaha Amaanka Qaramada Midoobay oo lagu wado iney maanta shir ka yeeshaan xaalada siyaasadeed ee dalka Soomaaliya.

4/20/2021 6:21 AM EST
Talaado, April, 20, 2021 (HOL) -Dowladda Soomaaliya ayaa sheegtay in albaabka wadahadalku furan yahay, laakiin dhinaca kale waxba iska badalin go'aankii uu dhawaan Baarlamaanku qaatay ee jiheynta doorashada muddo labo sano ah gudahood.

4/20/2021 4:59 AM EST
Talaado, April, 20, 2021 (HOL) - Gudoomiye ku xigeenkii siyaasadda degmada Dayniile Cabdi Maxamad Maxamuud ayaa lagu dilay Qarax waddada dhinaceeda loo dhigay oo lagu bartilmaameedsaday gaari uu la socday oo marayay waddada Daarusalaam.

4/20/2021 1:45 AM EST
Talaado, April, 20, 2021 (HOL) - Dowladda Soomaaliya ayaa Masar uga tacsiyeysay dadkii ku dhintay shilkii tareenka ee shalay ka dhacay Gobalka al-Qalyuubiya ee waqoogiya dalkaas.