6/16/2021
Today from Hiiraan Online:  _
Wararka Maanta- Khamiis, Apr 15, 2021
Madaxweyne Deni oo Garowe ka bilaabay wada tashiyo ku saabsan mowqifka Puntland ee arrimaha doorashooyinka Soomaaliya


 

Khamiis, April, 15, 2021 (HOL) - Madaxweynaha dowlad goboleedka Puntland Siciid Cabdullaahi Deni ayaa maanta kulan wadatashi ah la qaatay golihiisa wasiiradda, isagoo warbixin ka siiyay safarkiisii magaalada Muqdisho iyo xaaladda siyaasadeed ee Soomaaliya.

Warar aan helayno waxay sheegayaan in madaxweyne Deni uu sabtida hortagidoono barlamaanka Puntland, isagoo kala tashandoona mowqifka Puntland kaga aadan go’aan uu qaatay barlamaanka Soomaaliya oo muddo kordhin u sameeyay dowladda uu muddo xilleedkeedu dhamaaday.

Madaxweyne Deni, tan iyo markii barlamaanka Soomaaliya  uu 12 kii bishaan meel mariyay sharciga jihaynta doorashooynka, weli kama uusan hadlin, balse maalin kadib go’aankaas ayuu kasoo laabtay magaalada Muqdisho oo uu muddo bil ka badanu joogay xallinta caqabadaha doorashooyinka.

Puntland waxay horey u sheegtay in haddii lagu heshiin waayo geeddi socodka doorashooyinka uu dastuurkeedu siinayso awoodo u oggolaanaya inay ka tashadaan aayahooda iyo masiirkooda.

Si kastabe ha ahaatee, maalmaha soo socda ayaa Puntland laga filayaa inay soo saarto go’aan barlamaani ah oo ku saabsan mowqifkooda doorashooyinka.

Abdiweli M. Sheikh, Hiiraan Online











Click here
4/15/2021 4:00 PM EST
Khamiis, April, 15, 2021 (HOL) - Haay’ada Sahamiye foundation, ayaa 1milyan iyo 300 oo kun oo afsaab, mishiinada neefta, mishiinada baadhista Covid-19, iyo jeermis dilayaal ku wareejisay xukuumada Somaliland.

4/15/2021 11:10 AM EST
Khamiis, April, 15, 2021 (HOL) - Wararka galabta naga soo gaadhaya Dhabar-dalool ee degaanka Holhol degmada Xuddun ee gobolka Sool, ayaa waxa ay sheegayaan in ku dhowaad 10 ruux ay dhinteen in ka badana ay ku dhaawacmeen.

4/15/2021 10:48 AM EST
Khamiis, April, 15, 2021 (HOL) - Waxaa isbadal iyo isku shaandheyn lagu sameeyay qaar ka mid ah taliyeyaasha Saldhigyada Booliiska degmooyinka gobolka Banaadir, Taliye qeyb iyo labo ka mid ah taliye ku xigeenadii qeybta guud ee gobolka Banaadir.

4/15/2021 9:04 AM EST
Khamiis, April, 15, 2021 (HOL) - Inta la ogyahay 5 ruux ayaa ku dhaawacmay xiisad colaadeed oo ka dhalatay ceelka Dhabar-dalool oo tuulada Holhol ka tirsan, kaas oo dhawrjeer oo hore murankiisa meel la saaray.

4/15/2021 8:35 AM EST
Khamiis, April, 15, 2021 (HOL) - Hay'adda qaxootiga u qaabilsan Qaramada Midoobay ee UNHCR ayaa dowladda Kenya siisay soo jeedin ku saleysan xiritaanka xeryaha qaxootiga ee Dhadhaab iyo Kakuma.

4/15/2021 6:52 AM EST
Khamiis, April, 15, 2021 (HOL) -Wararka ka imanaya gobolka Jubbada hoose ayaa sheegaya in qeybo ka mid ah gobolka uu dagaal ku dhaxmaray ciidamo ka tirsan kuwa Kenya ee qeybta ka ah howlgalka midowga Africa AMISOM iyo Al-shabaab.

4/15/2021 5:50 AM EST
Khamiis, April, 15, 2021 (HOL) - Waxaa maanta degan xaalada magaalada Muqdisho oo xalay laga dareemayay xaalad colaadeed, maadama laga cabsi qabay dagaalo dhexmara ciidamada dowladda soomaaliya iyo kuwa ka amar qaata taliyahii hore ee qeybta Booliiska gobolka Banaadir Saadaq Joon.

4/15/2021 1:53 AM EST
Khamiis, April, 15, 2021 (HOL) -War ka soo baxay Wasaarradda Arrimaha Dibadda ayaa jawaab adag looga bixiyay go'aankii beesha caalamka ee mudada kororsiga labada sano oo dhawaan uu meelmariyay Baarlamaanka Soomaaliya.