10/27/2021
Today from Hiiraan Online:  _
Wararka Maanta- Jimco, Oct 8 , 2021
Maraykanka oo xalay duqayn ka dhan ah Alshabaab ka fuliyay gobolka Gedo
 

Jimco, October, 8, 2021 (HOL) - Dowladda Maraykanka ayaa xalay duqeyn cirka ah ku bartilmaameedsaday saldhigyo ay leeyihiin kooxda Al-Shabaab, waxaana soo baxaya warar sheegaya inuu jiro khasaare xooggan oo gaaray Alshabaab.

Duqeynta oo laga fuliyay meel u dhow magaalada Garbahaarey ee gobolka Gedo, ayaa lagu burburiyay saldhigyo ay Al-shabaab lahaayeen oo ay u adeegsan jireen weerarada ka dhanka ah ciidamada huwanta ah.

“Argagixisada waxaa soo gaaray jab xooggan,” ayaa lagu yiri warbixin kooban oo kasoo baxday taliska ciiddanka xoogga dalka, sida lagu qoray wakaaladda wararka Xinhua oo aan warkan kasoo xiganay.

Khasaaraha dhabta ah ma cadda laakiin hawlgallo amni sugid ah oo ay dhowaan sameeyeen ciidamada isbahaysanaya ayaa lagu xoreeyay deegaanno dhowr ah oo katirsan gobolka Gedo.

Ma jiro wax war ah oo ka soo baxay kooxda Alshabaab oo ku aadan duqeyntii xalay ka dhacday gobolka Gedo.

Abdiweli M. Sheikh, Hiiraan Online












Click here
10/8/2021 11:00 AM EST
Jimco, October, 8, 2021 (HOL) - Madaxweynaha Koonfur galbeed, ayaa wafdi wasiirro ah usoo diray magaalada Gaalkacyo, oo ay ku sugan yihiin boqolaal qoys oo Somaliland ay si khasab ah ugasoo saartay magaalada Laascaanood.

10/8/2021 8:03 AM EST
Jimco, October, 8, 2021 (HOL) - Dowladda Kenya ayaa maanta oo jimce ah shaaca ka qaaday in aysan aqoonsan doonin go’aanka Maxkamadda Caalamiga ah ee Caddaaladda adduunka (ICJ), ay ka gaarayso kiiska badda ee Soomaaliya.

10/8/2021 3:29 AM EST
Jimco, October, 8, 2021 (HOL) - Dowlad goboleedka Jubbaland ayaa qeylo dhaan abaareed oo xooggan soo saaray, kadib shir ka dhacay magaalada Kismaayo oo uu shir guddoominayay madaxweynaha Jubbaland, Axmed Madoobe.

10/8/2021 3:01 AM EST
Jimco, October, 8, 2021 (HOL) - UK ayaa xaqiijisay in laga billaabo Isniinta soo socota, 47 waddan la laga saari doono liiska cas, taas oo u sahlaysa dad badan inay u safraan dibadda si ay u aaddan dalalka ay doonayaan.

10/8/2021 2:13 AM EST
Jimco, October, 8, 2021 (HOL) - Madaxweynaha maamulka Galmudug, Axmed Cabdi Kaariye Qoorqoor ayaa xalay golihiisa wasiiradda la qaatay kulan saacaddo badan qaatay oo looga hadlayay dhaqdhaqaaqyada amni ee ka jira Galmudug.