10/27/2021
Today from Hiiraan Online:  _
Wararka Maanta- Jimco, Oct 8 , 2021
Jubbaland oo qeylo dhaan xooggan kasoo saartay abaaraha ka jira deegaannadeeda
 

Jimco, October, 8, 2021 (HOL) - Dowlad goboleedka Jubbaland ayaa qeylo dhaan  abaareed oo xooggan soo saaray, kadib shir ka dhacay magaalada Kismaayo oo uu shir guddoominayay madaxweynaha Jubbaland, Axmed Madoobe.

Wasiirka warfaafinta Jubbaland, Saleebaan Maxamuud Maxamed, ayaa sheegay xoolo dhaqato badan oo kasoo hayaamay Kenya in ay haatan ku sugan yihiin deegannada Jubbaland, taasoo keentay in ay gabaabsi noqdaan baadkii iyo biyihii la haystay.

Wasiirka warfaafinta waxaa kale oo uu sheegay, in isu-guurka xoola dhaqatada uu ka dhashay cudurro ku dhacay xoolaha, sida Lo’da oo hadda bilowday in ay u geeriyooto cudurkaas oo aan weli la aqoonsan.

Jubbaland waxay si guud baaq ugu dirtay dowladda federalka Soomaaliya iyo beesha caalamka, si gurmad degdeg ah loola soo gaaro daawaynta xoolaha kuwooda buka iyo wax ka qabashada xaaladda abaaraha.

Jubbaland waxay sidoo kale sheegtay in ay xoola dhaqatadu laftoodu halis ugu jiraan haddii xooluhu ka dhamaadaan in ay wajihi karaan xaalad adag.



Abdiweli M. Sheikh, Hiiraan Online












Click here
10/8/2021 11:00 AM EST
Jimco, October, 8, 2021 (HOL) - Madaxweynaha Koonfur galbeed, ayaa wafdi wasiirro ah usoo diray magaalada Gaalkacyo, oo ay ku sugan yihiin boqolaal qoys oo Somaliland ay si khasab ah ugasoo saartay magaalada Laascaanood.

10/8/2021 8:03 AM EST
Jimco, October, 8, 2021 (HOL) - Dowladda Kenya ayaa maanta oo jimce ah shaaca ka qaaday in aysan aqoonsan doonin go’aanka Maxkamadda Caalamiga ah ee Caddaaladda adduunka (ICJ), ay ka gaarayso kiiska badda ee Soomaaliya.

10/8/2021 4:09 AM EST
Jimco, October, 8, 2021 (HOL) - Dowladda Maraykanka ayaa xalay duqeyn cirka ah ku bartilmaameedsaday saldhigyo ay leeyihiin kooxda Al-Shabaab, waxaana soo baxaya warar sheegaya inuu jiro khasaare xooggan oo gaaray Alshabaab.

10/8/2021 3:01 AM EST
Jimco, October, 8, 2021 (HOL) - UK ayaa xaqiijisay in laga billaabo Isniinta soo socota, 47 waddan la laga saari doono liiska cas, taas oo u sahlaysa dad badan inay u safraan dibadda si ay u aaddan dalalka ay doonayaan.

10/8/2021 2:13 AM EST
Jimco, October, 8, 2021 (HOL) - Madaxweynaha maamulka Galmudug, Axmed Cabdi Kaariye Qoorqoor ayaa xalay golihiisa wasiiradda la qaatay kulan saacaddo badan qaatay oo looga hadlayay dhaqdhaqaaqyada amni ee ka jira Galmudug.