10/27/2021
Today from Hiiraan Online:  _
Wararka Maanta- Talaado, Oct 12, 2021
Hal askari oo ku dhintay iska hor imaad Garowe ku dhexmaray ciidanka amniga iyo rag ka ganacsada maandooriyaha
 

Talaado, October, 12, 2021 (HOL) - Hal askari oo katirsan ciiddanka Puntland ayaa ku dhintay, dhowr kalena way ku dhaacmeen iska hor imaad xalay ka dhacay magaalada Garowe, oo dhexmaray ciiddanka amniga iyo rag ka ganacsada maandooriyaha.

Iska hor imaadkan ayaa dhacay xilli dambe oo saqdii dhexe ee xalay, kadib markii ciiddanka amniga oo sameynayay roondo ay ka war heleen gaari lagu siday maandooriye oo ay ragga hubaysan la socdeen.

Wararka nagasoo gaaraya magaalada Garowe waxay sheegayaan in ciidanka amnigu gacanta ku dhigeen qaar kamid ah ragga maandooriyaha sitay, halka kuwa kalena ay baxsadeen, laguna raad joogo.

Laamaha amnigu weli kama hadlin dhacdadan, oo kusoo beegantay xilli aad walaac looga muujinayay falalka amni darrada ee salka ku haya isticmaalka iyo ka ganacsiga maandooriyaha Qamriga.

Dhawaan, wasaaradda amniga iyo masuuliyiinta gobolka Nugaal iyo kan degmada ayaa ka shiray sidii tallaabo adag oo sharciga waafaqsan looga qaadi lahaa dadka faraha kula jira maandooriyaha.

Abdisalan Nur Dirie, Hiiraan Online












Click here
10/12/2021 6:11 PM EST
Talaado, October, 12, 2021 (HOL) - Gudida doorashooyinka Itoobiya ayaa war saxaafadeed ay soo saareen ku shaaciyay natiijada rasmiga ee doorashadii dhawaan ka dhacday dawlad degaanka Soomaalida.

10/12/2021 2:03 PM EST
Talaado, October, 12, 2021 (HOL) - Madaxweynaha dowladda federalka Soomaaliya Maxamed Cabdullaahi Farmaajo ayaa caawa jeediyey khudbad ku saabsan guusha taariikhiga ah ee go'aanka Kiiska Badda Soomaaliya.

10/12/2021 10:37 AM EST
Talaado, October, 12, 2021 (HOL) - Maxkamada Cadaaladda Aduunka ee ICJ ayaa goordhaw si rasmi ah ugu xukmisay dalka Soomaaliya lahaanshaha dhul badeed ay dowladda Kenya murum galisay.

10/12/2021 10:33 AM EST
Talaado, October, 12, 2021 (HOL) - Xaliimo Aw Cumar Faarax (Xaliimo Biritish) oo kamid ah qurbajooga Somaliland, ayaa lacag dhan $20,000 oo ay xalay balan qaaday ku wareejisay xildhibaan Barkhad Jaamac Batuun, kadib, markii wasiirka gargaarka ee Soomaaliya Khadiija Maxamed Diiriye ay kala noqotay lacag ay hore ugu balan qaaday Batuun, si uu baabuur u siisto.

10/12/2021 8:09 AM EST
Talaado, October, 12, 2021 (HOL) - Bayaan kasoo baxay wasaaradda arrimaha dibadda Soomaaliya, ayaa lagu diiday hindisaha hawlgalka wadajirka ah ee Qaramada Midoobay iyo midowga Afrika ee la doonayo in laga hirgaliyo Soomaaliya sannadka soo socda 2022.

10/12/2021 7:56 AM EST
Talaado, October, 12, 2021 (HOL) - Wararka ka imaanaya degmada Deyniile ee gobolka Banaadir ayaa sheegaya in qarax miino nooca dhulka lagu aaso ah lagu khaarajiyay Taliyahii Nabadsugida degmada Deyniile Cabdishakuur Raage xili oo ku sugnaa duuleedka degmadaasi.

10/12/2021 5:26 AM EST
Talaado, October, 12, 2021 (HOL) - Dowladda Soomaaliya ayaa maanta rajo aad u weyn ka muujinaysa in ay ku guulaysan doonto dacwadda kiiska badda oo galabta lagu wado in maxkamadda ICJ ay si rasmi ah ugu dhawaaqdo, sida uu qorshuhu yahay.

10/12/2021 3:27 AM EST
Talaado, October, 12, 2021 (HOL) - Sheekh Maxamed Ibraahim Shakuul oo kamid ah culimada Soomaaliyeed ee dalka Kenya, kana mid ah xubnaha guddiga ganacsatada ee Xaafadda Islii ayaa ka digay in mudaharaadyo iska soo horjeeda ay ka dhacaan xaafadda Soomaalida ee islii, kadib Go'aanka dhinaca badda ee la filayo inuu maanta kasoo baxo Maxkmadda Cadaaladda Aduunka ee ICJ.

10/12/2021 2:42 AM EST
Talaado, October, 12, 2021 (HOL) - Kooxo hubeysan oo burcad Koofur Afrikaan ah ayaa Xalay muwaadin Soomaaliyeed ku dilay goobtiisa ganacsi oo ku tiilay magaalada Quenstown ee gobolka Eastern Cape ee dalkaasi Koofur Afrika.

10/12/2021 1:33 AM EST
Talaado, October, 12, 2021 (HOL) - Waxaa maanta oo Talaado ah lagu wadaa in Maxkamada Cadaaladda Aduunka ee ICJ iney ku dhawaaqdo go'aanka kiiska dacwada Badda ee u dhaxeeysay dowladaha Soomaaliya iyo Kenya.