10/27/2021
Today from Hiiraan Online:  _
Wararka Maanta- Isniin, Oct 11, 2021
Guddiga doorashada heer Fedaraal iyo heer dowlad goboleed oo kulamo ka bilaabay magaalada Baledweyne
 

Isniin, October, 11, 2021 (HOL) - Guddoomiyaha maamulka Gobolka Hiiraan Cali Jeyte Cismaan ayaa xalay aqalka madaxtooyada gobolka Hiiraan waxa uu casho sharaf iyo soo dhaweyn uu ugu sameeyay xubnaha ka socday guddiyada doorashada Fedaraalka iyo Hirshabeelle.

Casho sharafta waxaa ka qeyb galay masuuliyiin kala duwan oo ka tirsan maamulka gobolka kan degmada iyo waliba qeybaha kale ee bulshada rayidka.

Masuuliyiintii ka hadashay munaasabada casha sharafta ayaa dhamaantood ka mahadceliyay casha sharafta uu u sameeyay guddoomiyaha gobolka Hiiraan Cali Jeyte.

Xubnaha ka socday guddiyada doorashada heer fedaraal iyo heer dowlad goboleed ayaa goobta ka sheegay iney ka shaqeyn doonaan sidii ay magaalada Baledweyne uga qabsoomi laheyd doorasho cadaalad ku dhacda.

Guddoomiyaha maamulka gobalka Hiiraan ayaa gudiga u balan qaaday inta ay Joogan Beledweyne ka maamul ahaan la garab istaagi doono wadashaqeyn iyo daah-furnaan si loo gaaro hiigsiga iyo himilada doorasho nabdoon sidii ay uga dhici laheyd Baledweyne, isagoona shacabka ka dalbaday inay kala shaqeeyaan gudiga iyo maamulka iyo sidoo kale laamaha Amaanka qabsoomida doorasho xor iyo xalaal ah.

Guddigan ayaa shalay gaaray magaalada Baledweyne si ay u kormeeraan goobaha ay ka dhici doonaan doorashooyinka Aqalka Hoose ee Golaha Shacabka Soomaaliya.

Jamaal Cali Cabdi, Hiiraan Online
[email protected]












Click here
10/11/2021 5:33 PM EST
Isniin, October, 11, 2021 (HOL) - Guddiga ganacsatada Soomaaliyeed ee xaafadda Islii ee magaalada Nairobi, ayaa digniin kasoo saaray in Soomaalida ku dhaqan Nairobi ay u dabaal dagaan go’aanka kiiska badda ee berrito ay ku dhawaaqayso maxkamadda caddaalada.

10/11/2021 8:35 AM EST
Isniin, October, 11, 2021 (HOL) - Xubno ka socday guddiga doorashooyinka heer Fedaraal iyo heer dowlad goboleed ayaa maanta magaalada Baledweyne kulan kula qaatay Madaxweyne ku xigeenka maamulka Hirshabeelle Yuusuf Axmed Hagar Dabageed.

10/11/2021 8:15 AM EST
Isniin, October, 11, 2021 (HOL) - Madaxweynaha Somaliland Muuse Biixi Cabdi, ayaa sheegay in uu difaacayo xoriyada iyo ganacsiga ay hablaha reer Somaliland leeyihiin, isagoo dad aanu carabaabin ku eedeeyay in ay doonayaan in ay burburiyaan ganacsiga haweenka.

10/11/2021 5:30 AM EST
Isniin, October, 11, 2021 (HOL) - Golaha Midowga Musharaxiinta Madaxweynaha Soomaaliya ayaa war qoraal ah oo ay soo saareen waxay ku sheegeen iney walwal aad u weyn ka qabaan dib u dhaca doorshada iyo tafaraaruqa siyaasadeed ee ka jira dalka oo ay sheegeen in xaalad hubaanti la'aan dhanka doorashooyinka uu dalka galay.

10/11/2021 4:11 AM EST
Isniin, October, 11, 2021 (HOL) - Hogaamiyaha xisbiga wadajir, Cabdiraxmaan Cabdishakuur Warsame, ayaa sheegay in ay u qalmaan in loo taago Taallooyin lagu xasuusandoono kaalinta xukuumadii uu katirsanaa ay ka qaadatay badbaadinta badda Soomaaliya.

10/11/2021 3:13 AM EST
Isniin, October, 11, 2021 (HOL) - Golaha Nabadda iyo Ammaanka ee Midowga Afrika ayaa taageeray hawlgalka wadajirka ah ee Qaramada Midoobay ee hoos imaanaya Cutubka VII ee howlgalka nabad -ilaalinta Soomaaliya, sanadka soo socda.