10/27/2021
Today from Hiiraan Online:  _
Wararka Maanta- Axad, Oct 10, 2021
Dawlad Degaankii 11aad oo kusoo biiraya Dowlad degaannada ka jira dalka Itoobiya
 

Axad, October, 10, 2021 (HOL) - Dawlad Degaanka loogu magac daray Dawlad Degaanka Koonfur Galbeed Itoobiya ayaa la filayaa in dhawaan lagaga dhawaaqo Itoobiya.

Gudiga Doorashooyinka Itoobiya oo afti ka qaaday dadka ku dhaqan Koonfur Galbeed Itoobiya ayaa sheegay in 1.2 Milyan oo shacab halkaas ku dhaqan ay u codeeyeen inay degaan gaarka ah noqdaan.

Gudiga ayaa sidoo kale sheegay in natiijada aftida shacabka Koonfur Galbeed laga qaaday loo gudbinayo Golaha Fadareeshinka Itoobiya, si ay go'aan uga gaaraan.

Dowlad degaankan cusub ee loogu magac daray Koonfur Galbeed Itoobiya ayaa horey uga tirsanaa Dawlad Degaanka Shucuubta Koonfureed ee Itoobiya, oo ah Dawlad Degaan ay ku nool yihiin dadyow aad u badan oo afafkay ku hadlaan iyo dhaqankooduba ay kala duwan yihiin.

Horey waxaa Dawlad Degaanka Shucuubta Koonfureed ee Itoobiya uga go'ay Dawlad Degaanka Sidama oo ahaa degaankii 10aad ee ka mid noqday Dawlad Degaannada dalka Itoobiya ka jira, iyadoo haatan Dawlad Degaankan cusubna uu noqonayo Dawlad Degaankii 2aad ee ka go'a Dawlad Degaanka Shucuubta Koonfureed ee Itoobiya.

Dawlad Degaankan cusub ee loogu magac daray Dawlad Degaanka Koonfur Galbeed Itoobiya ayaa noqonaya Degaankii labaad ee kusoo darsama Degaannada dalka Itoobiya ka jira, tan iyo intii uu Abiyi Axmed Ra'iisal wasaare ka noqday Itoobiya.

Abdilahi Jawhar, Hiiraan Online
[email protected]












Click here
10/10/2021 6:43 PM EST
Axad, October, 10, 2021 (HOL) - Khatarta sii kordhaysa ee caabuqa Covid19 darteed, xukuumada Somaliland ayaa bulshada ku amartay in ay xidhaan afsaab, kala fogaadaan, isticmaalaan jeermis dilayaasha, qaataan tallaalka, isla markaana, anay ka qayb gali karin aaska (duugta) qof u dhintay caabuqa.

10/10/2021 1:32 PM EST
Axad, October, 10, 2021 (HOL) - Wasiirkii hore ee amniga Galmudug, Axmed Macalin Fiqi oo shir jiraa'id ku qabtay Muqdisho, ayaa ka digay colaad aan la mahadin doonin oo uu tilmaamay inuu Galmudug ka abaabulayo madaxweyne Qoor-qoor.

10/10/2021 1:24 PM EST
Axad, October, 10, 2021 (HOL) - Guddoomiye ku xigeenka gobolka Sanaag Maxamed Khaliif Nuur, ayaa ku amray dadka aan Somaliland u dhalan ee ku dhaqan gobolka Sanaag, in ay gobolka kaga baxaan mudo 14 cisho ah.

10/10/2021 8:28 AM EST
Axad, October, 10, 2021 (HOL) - Waxaa maanta magaalada Baledweyne soo gaaray wafdi uu hoggaaminaayo guddoomiye ku xigeenka guddiga doorashooyinka heer Fedaraal Mowliid Mataan, kuwaas oo soo dhaweyn loogu sameeyay garoonka diyaaradaha Ugaas Khaliif ee magaalada Baledweyne.

10/10/2021 7:29 AM EST
Axad, October, 10, 2021 (HOL) - Wafdi uu hogaaminaayo Raysal wasaare ku xigeenka Xukuumadda Soomaaliya Mahdi Maxamed Guuleed ayaa gaaray magaalada Hague ee dalka Holand.

10/10/2021 2:37 AM EST
Axad, October, 10, 2021 (HOL) - Burcad hubeysan oo Koofur Afrikaan ah ayaa xalay magaalada East London ee dalkaasi Koofur Afrika waxay ku dileen muwaadin Soomaaliyeed oo ka mid ahaa waxgaradka sida weyn uga dhex muuqday Jaaliyada Soomaaliyeed ee dalkaasi.

10/10/2021 2:18 AM EST
Axad, October, 10, 2021 (HOL) - Qaali Maxamuud Guhaad oo ah Hooyada dhashay Ikraan Tahliil Faarax ayaa markale ku celisay in cadaalada kiiska gabadheeda uu hortaagan yahay madaxweyne Maxamed Cabdullaahi Farmaajo.

10/10/2021 2:05 AM EST
Axad, October, 10, 2021 (HOL) - Raysal wasaaraha Soomaaliya, Maxamed Xuseen Rooble oo la kulmay qoyska Ikraan Tahliil Faarax, ayaa mar kale ku celiyay in ay ka go’an tahay in uusan wax gorgortan ka galeynin kiiska Ikraan ayna ka go'an tahay in ay caddaalad ay hesho maalin uun ha dhawaato ama ha dheeraato.

10/10/2021 1:45 AM EST
Axad, October, 10, 2021 (HOL) - Xildhibaan Aamina Maxamed Cabdi oo katirsan barlamaanka dowladda federalka Soomaaliya ee waqtigiisu dhamaaday, ayaa ku eedeysay hay’adda NISA in ay baabi’isay dhammaan caddeymihii suurtoo galin lahaa in wax laga ogaado cidda ku lug lahayd kiiska Ikraan Tahliil.