12/6/2021
Today from Hiiraan Online:  _
Wararka Maanta- Talaado, Nov 23, 2021
Guddiga doorashada gobolada waqooyi ee Somaliland oo soo gabagabeeyay doorashada shan kursi
 

Talaado, November, 23, 2021 (HOL) - Doorashada shan kursi oo katirsan kuraasta xildhibaannada gobolada waqooyi ee Somaliland, ayaa lagusoo gabagabeeyay magaalada Muqdisho, iyadoo kuraasta qaarkood ay kusoo laabteen xildhibaanno horey u joogay golaha shacabka.

Xildhibaan Maxamed Cabdi Xayir Maareeye oo muddo dheer kamid ahaa barlamaanka Soomaaliya, ayaa mar kale ku guulaystay kursiga aqalka hoose, kadib markii uu helay 96 cod, halka 3 codna uu helay musharrax Cabdiraxmaan Warsame oo la tartamayay.  

Kursiga labaad ee doorashada aqalka hoose ee gobollada waqooyi waxaa ku guulaystay Aamino Cumar Jaamac ka dib markii ay tartanka ka hartay Aamino Cismaan Diiriye oo la tartami lahayd.

Kursiga saddexaad ee doorashada, waxaa ku guulaystay xildhibaan Faadumo Xasan Cali, iyadoo heshay codad gaaraya 91 cod, waxaana la tartamayay oo ay ka guuleysatay Hoodo Cabdi Xaashi.

Sidoo kale, Maxamed Haaruun Cabdullaahi ayaa ku guuleystay kursiga 4aad ee xubinnimada golaha Shacabka ka dib markii uu helay 99 cod, isagoo ka guuleystay Axmed Cali Maxamuud oo aan wax cod ah ka helin doorashada.

Ugu dambay, waxaa kursiga shannaad ee golaha shacabka ku guulaystay Axmed Cismaan Diiriye, isagoo helay 65 cod, halka Dayib Cabdulqaadir Jaamac oo la tartamayay uu helay 36 cod.

Tirada guud ee xildhibaannada la doortay ayaa hadda ah 7 xildhibaan. Illaa iyo hadda ma jirto kuraas kale oo laga doortay maamulada kale, inkastoo berrito la qorsheynayo in maamulada qaarkood bilaabaan doorashada , sida Galmudug iyo K/galbeed.

Abdiweli M. Sheikh, Hiiraan Online

 












Click here
11/23/2021 12:27 PM EST
Talaado, November, 23, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa ku dhawaaqay in dalka uu galay Xaalad deg deg ah oo bani'aadanimo oo ka dhalatay abaaraha baahsan ee dalka kusii faafaya.

11/23/2021 3:56 AM EST
Talaado, November, 23, 2021 (HOL) - Iyadoo goordhaw si rasmi ah uga bilaabatay doorashada 5 ka mid ah kuraasta Aqalka Hoose ee Baarlamaanka Soomaaliya xarunta Ciidanka Booliiska Soomaaliyeed ee Jenaraal Kaahiye ayaa waxaa la doortay laba ka mid ah kuraasta doorashadooda maanta ka dhaceysa Muqdisho.

11/23/2021 3:18 AM EST
Talaado, November, 23, 2021 (HOL) - Wasiirka Wasaaradda Warfaafinta Xukuumadda Fedaraalka Soomaaliya Cismaan Abuukar Dubbe ayaa ka jawaab celiyay eedeeyn kulul oo kasoo yeertay hoggaamiyaha Xisbiga Wadajir ahna Musharax Madaxweyne Cabdiraxmaan Cabdishakuur.

11/23/2021 1:47 AM EST
Talaado, November, 23, 2021 (HOL) - Shirkadda la talinta Asal Consulting, oo kaashaneysa Rugta Ganacsiga iyo Warshadaha Soomaaliyeed iyo Ururka Shaqaalaha adduunka, ayaa waxay si rasmi ah u daah fureen Goobaal Online, oo ah adeeg loogu tala galay ganacsiyada ay leeyihiin Haweenka Soomaaliyeed oo doonaya in ay kobciyaan ganacsigooda.

11/23/2021 1:16 AM EST
Talaado, November, 23, 2021 (HOL) - Guddiga hirgelinta doorashooyinka heer Federaal ayaa soo saaray go’aan loogu mamnuucayo guud ahaan musharixiinta ku tartamaya kuraasta golaha shacabka in ay qariyaan wajiyadooda, marka ay socoto cod bixinta doorashada.

11/23/2021 12:51 AM EST
Talaado, November, 23, 2021 (HOL) - Guddiga doorashooyinka ayaa maanta qabanaya doorashada Lix kursi oo ka mid ah kuraasta golaha shacabka ee gobolada waqooyi sida uu sheegay afhayeenka guddiga doorashooyinka heer federaal Ambassador Axmed Adan Dagaal (Safiina).

11/23/2021 12:42 AM EST
Talaado, November, 23, 2021 (HOL) - Garyaqaanka guud ee dowladda Soomaaliya Cismaan Cilmi Guuleed “Biikilo" ayaa Ra'iisul wasaaraha ka fogeeyay inuu wax shaqo ah ku leeyahay qaadida dacwada kiiska Ikraan Tahliil Faarax.

11/23/2021 12:25 AM EST
Talaado, November, 23, 2021 (HOL) - Ra'iisal Wasaaraha Itoobiya Abiyi Axmed Cali, oo kulan la yeeshay guddida fulinta ee xisbiga talada haya ee Barwaaqo, ayaa ku dhawaaqay in uu tagi doono jiidda hore ee dagaalka, isla markaana uu hoggaamin doono Ciidamada difaaca Itoobiya, laga bilaabo maanta oo Talaada ah.