12/6/2021
Today from Hiiraan Online:  _
Wararka Maanta- Isniin, Nov 22, 2021
Muqdisho : Faahfaahino kasoo baxaya wiil dhalinyaro ah oo lagu dhex dilay gurigiisa
 

Isniin, November, 22, 2021 (HOL) - Kooxo hubeysan ayaa xalay xaafada Jamhuuriyada ee degmada Kaaraan waxay ku dileen wiil dhalinyaro ah oo ka mid ahaa dadka degan xaafadaasi, waxaana lagu magacaabi jiray marxuumka la dilay Mukhtaar Yaxaloow

Dableyda hubeysneyd ee dilka u geystay wiilka dhalinyarada ah ayaa la sheegay iney wiilka ku dhex toogteen gurigiisa, dabadeedna ay si deg deg ah uga baxsadeen goobta.

Qof ka mid ah ehelka wiilka la dilay oo warbaahinta la hadlay ayaa sheegay in dableyda wiilka ku dhex toogatay gurigiisa ay ku hubeysnayeen Bastoolado, islamarkaana ay dhowr xabadood la dhaceen, si deg deg ahna uga baxsadeen goobta.

Lama oga sababta ka dambeysa dilka wiilkan dhalinyarada ah, waxaasa warar soo baxaya ay sheegayaan in kooxda dilka geysatay ay ahayeen burcad dhac u geysaneeysay marxuumka.

Majirto wax war ah oo kasoo baxay dhanka maamulka degmada Kaaraan oo ku aadan falka xalay lagu dilay wiilka dhalinyarada ahaa, waxaana xusid mudan in sidoo kale dhawaan halkaasi lagu dilay dhalinyaro kale xili dhac loo geysanaayay.

Muqdisho waxaa mudooyinkii dambe kusoo kordhaayay burcada dilka u geysaneysa dadka shacabka ah iyaga oo doonaya iney ka dhacaan waxyaabaha ay sitaan sida moobeelada gacanta lagu qaato.

Jamaal Cali Cabdi, Hiiraan Online
[email protected]












Click here
11/22/2021 2:18 PM EST
Isniin, November, 22, 2021 (HOL) - Guddiga doorashooyinka dadban ee Soomaaliya ayaa sheegay in uusan jirin xeer tartanka doorashada ka mamnuucaya saraakiisha dowladda Soomaaliya ee xilalka ka haya iyo kuwa aan haynba.

11/22/2021 4:09 AM EST
Isniin, November, 22, 2021 (HOL) - Guddoomiyaha maamulka gobolka Hiiraan Cali Jeyte Cismaan ayaa maanta kala wareegay Saraakiisha ciidamada Jabuuti ee ku sugan magaalada Baledweyne agab loogu talo galay hubinta amniga goobaha ay ka dhaci doonaan doorashada Golaha Shacabka.

11/22/2021 1:59 AM EST
Isniin, November, 22, 2021 (HOL) - Hay’adda Qaramada Midoobay ee qaxootiga ee UNHCR, ayaa sheegtay inay Canada dib u dejin ugu samaysay 71 qaxooti ah oo ay ku jiraan 37 carruur ah, kuwaas oo laga keenay dalka Libya.

11/22/2021 1:22 AM EST
Isniin, November, 22, 2021 (HOL) - Xildhibaan Yuusuf Xasan, oo laga soo doorto degmada Kamukunji ee magaalada Nayrobi iyo Soomaalida xaafadda Islii, ayaa wax laga xumaado ku tilmaamay hadal kasoo yeeray senator katirsan aqalka sare Kenya oo dhawaan sheegay in xaafadda Islii lagu iibiyo hubka.

11/22/2021 12:38 AM EST
Isniin, November, 22, 2021 (HOL) - Qoyska Ikraan Tahliil Faarax ayaa caddaalad darro ku tilmaamay natiijada kasoo baxday guddigii loo magacaabay baarista kiiska gabadhooda oo hay’adda NISA ay horey u sheegtay in ay afduubteen oo ay dileen kooxda Alshabaab.

11/22/2021 12:35 AM EST
Isniin, November, 22, 2021 (HOL) - Dowlad degaanka Soomaalida ee dalka Itoobiya ayaa waxaa intiisa badan laga soo sheegayaa inay ka jirto abaaro ba'an oo dadka iyo duunyadaba saamaysay.