12/6/2021
Today from Hiiraan Online:  _
Wararka Maanta- Isniin, Nov 22, 2021
Abaaro ba'an oo laga soo sheegayo inta badan dowlad degaanka Soomaalida ee dalka Itoobiya
 

Isniin, November, 22, 2021 (HOL) - Dowlad degaanka Soomaalida ee dalka Itoobiya ayaa waxaa intiisa badan laga soo sheegayaa inay ka jirto abaaro ba'an oo dadka iyo duunyadaba saamaysay.

Haddaba meelaha ay abaartu aad u saamaysay ayaa waxaa kamid ah, gobolka Daawa oo ay ku barakaceen dad aad u tiro badan, halka duunyo aad u badana ay ku baaba'een abaarta, sida ay sheegeen dadka ka agdhaw goobaha ay abaartu sida xun ugu dhifatay.

Dowlad degaanka Soomaalida ayaa dhankooda waxay sheegeen inay wadaan dadaalo wax loogu qabanayo dadka ay abaartu saamaysay, iyadoo xaaladda abaartuna ay haatan marayso meel adag, isla markaana la filayo in bilaha soo socda ay kasii darto abaartu, sida uu sheegay Wasiirka khataraha iyo masiibooyinka ee dowlad degaanka Soomaalida.

Dhinaca kale qaar kamid ah dadka iskood isku xilqaama ayaa dhinacooda waxay ka bilaabeen biyo dhaamin loo samaynayo dadka ay abaartu saamaysay ee oonku ugu siidaran yahay, waxaana kamid ah dadkaasi meelaha ay biyo dhaaminta ka bilaabeen goobo kamid ah Wardheer iyo Mooyaale, sida ay sheegtay Siman Cilmi oo kamid ah Samafalayaasha ka hawlgala dowlad degaanka Soomaalida.

Abaarta haatan ka jirta dowlad degaanka Soomaalida ayaa noqotay mid aad looga dayrinayo, iyadoo dadka iyo xoolahoodaba  ay ku barakacayaan meelaha ay is leeyihiin waad ku noolaan kartaan, balse xoolaha ay dadkaasi wataan intooda badan meelna magaaraan, oo dhexda ayay ku bakhtiyaan oon dartii.

Abdilahi Jawhar, Hiiraan Online
[email protected]












Click here
11/22/2021 2:18 PM EST
Isniin, November, 22, 2021 (HOL) - Guddiga doorashooyinka dadban ee Soomaaliya ayaa sheegay in uusan jirin xeer tartanka doorashada ka mamnuucaya saraakiisha dowladda Soomaaliya ee xilalka ka haya iyo kuwa aan haynba.

11/22/2021 4:09 AM EST
Isniin, November, 22, 2021 (HOL) - Guddoomiyaha maamulka gobolka Hiiraan Cali Jeyte Cismaan ayaa maanta kala wareegay Saraakiisha ciidamada Jabuuti ee ku sugan magaalada Baledweyne agab loogu talo galay hubinta amniga goobaha ay ka dhaci doonaan doorashada Golaha Shacabka.

11/22/2021 1:59 AM EST
Isniin, November, 22, 2021 (HOL) - Hay’adda Qaramada Midoobay ee qaxootiga ee UNHCR, ayaa sheegtay inay Canada dib u dejin ugu samaysay 71 qaxooti ah oo ay ku jiraan 37 carruur ah, kuwaas oo laga keenay dalka Libya.

11/22/2021 1:39 AM EST
Isniin, November, 22, 2021 (HOL) - Kooxo hubeysan ayaa xalay xaafada Jamhuuriyada ee degmada Kaaraan waxay ku dileen wiil dhalinyaro ah oo ka mid ahaa dadka degan xaafadaasi, waxaana lagu magacaabi jiray marxuumka la dilay Mukhtaar Yaxaloow

11/22/2021 1:22 AM EST
Isniin, November, 22, 2021 (HOL) - Xildhibaan Yuusuf Xasan, oo laga soo doorto degmada Kamukunji ee magaalada Nayrobi iyo Soomaalida xaafadda Islii, ayaa wax laga xumaado ku tilmaamay hadal kasoo yeeray senator katirsan aqalka sare Kenya oo dhawaan sheegay in xaafadda Islii lagu iibiyo hubka.

11/22/2021 12:38 AM EST
Isniin, November, 22, 2021 (HOL) - Qoyska Ikraan Tahliil Faarax ayaa caddaalad darro ku tilmaamay natiijada kasoo baxday guddigii loo magacaabay baarista kiiska gabadhooda oo hay’adda NISA ay horey u sheegtay in ay afduubteen oo ay dileen kooxda Alshabaab.