12/6/2021
Today from Hiiraan Online:  _
Wararka Maanta- Axad, Nov 21, 2021
Hanti-dhowarka Guud ee Qaranka oo sheegay in si khaldan loo maamulay Kharashaadkii Covid 19 ee Soomaaliya
 

Axad, November, 21, 2021 (HOL) - Hanti-dhowaraha Guud ee Soomaaliya Dr. Maxamed Maxamuud Cali Afgooye ayaa soo saaray warbixin sannadeedka ku saabsan baaritaanka maaliyadda laamaha dawladda Soomaaliya.

Warbixinadan ayaa ka kooban kuwo ka hadlaya dhaqaalaha soo galay dawladda Soomaaliya dibedda iyo gudaha iyo sida loo maamulay, gaar ahaan wasaaradaha iyo qaybaha kala duwan.

Sidoo kale waxaa ku jirta warbxiin si gaar ah diiradda u saaraysa kharashaadkii ku baxay la dagaalanka cudurka COVID-19 iyo sida loo maamulay.

Waxaa markii ugu horraysay uu hanti-dhowruhu baaritaan ku sameeyey hannanaka loo bixiyo shatiyada kalluumaysiga Soomaaliya iyo mamaulka dakhliga kasoo xarooda.

Waxaa sidoo kale uu sheegay inuu baartaankiisa ku ogaaday jiritaanka akoonno ay adeegsadaan qaar ka mid ah hay’adaha dawladda oo ka baxsan qasnadda dhexe ee dawladda.

Waxa uu sheegay in lacag dhan $17 milyan oo dollar oo taageero dibadeed ah aan lasoo marsiinin qasnadda dhexe ee dawladda.

Waxa uuu sheegay in safaarada iyo xafiisyada ay Soomaaliya ku leedahay waddamada dibedda ay sannadkaas qabteen dakhli dhan $278,000 lacagtaas oo aan lagu darin warbixinada maaliyayeed ee ay soo gudbiyeen.

Waxaa sidoo kale uu sheegay in maamul goboleedyada iyo gobolka Banaadir aysan soo gudbin macluumaadka sida ay u kharash gareeyeen $78 milyan oo ay ka heleen dawladda federaalka.

Hanti-dhworraha Qaranka Maxamed Maxamuud Cali oo ka hadlayey baaritaanka uu ku sameeyey sida loo maamulay lacagaha COVID-19 ayaa sheegay inay dawladda soo gashay lacag ka badan $51 milyan oo gudaha iyo dibadda ah.

Waxa uu sheegay in $3.9 milyan oo ka mid ah lacagtaas oo la siiyey maamul goboleedyada iyo gobolka Banaadir aan lasoo gudbin caddaymo muuujinaya sidii ay ku baxeen.

Waxa uu intaas ku daray inuusan jirin qorshe hufan oo nidaaminayey jawaabta dawladdu ka bixisay la dagaalanka cudurka COVID-19. Waxa uu sheegay in lagu guuldarraystay in la diyaariyo xarumo karantiil iyo kuwa dadka lagu daweeyo oo ku filan inkastoo sida uu sheegay la hayey dhaqaalihii ku bixi lahaa.

Ugu dambayn waxa uu sheegay hanti-dhowraha inuu baaritaan ku sameeyey nidaamka loo bixiyo kharashka kasoo xarooda shatiyada kalluumaysiga Soomaaliya. Waxa uu sheegay in ugu horrayn aysan jirin shuruuc lagu maamulo waaxda kalluumaysiga.

Waxa uu sheegay in dakhliga ay ahayd inuu soo xaroodo uu yahay $56 milyan kaasoo ay ahayd in laga qaado maraakiibta ka kalluumaysta xeebaha Soomaaliya. Waxa uu sheegay inaysan jirin kormeer iyo la socod maraakiibta ka kalluumaysanaysa xeebaha Soomaaliya.

Hanti Dhawraha Guud ee Qaranka ayaa ugu danbeyn sheegay in Maamul Goboleedyada Dalka iyo Maamulka Gobolka Banaadir aaney Xisaab celin ka sameynin lacag dhan 78 Milyan oo Dolar oo la siiyay, taas oo uu ku tilmaamay Nasiib darro weyn.



Yuusuf Cabdi Shire,Hiiraan Online
[email protected]












Click here
11/21/2021 12:00 PM EST
Axad, November, 21, 2021 (HOL) - Guddigii baarayey kiiska Ikraan Tahliil Faarax, oo ah gabar ka tirsan NISA oo la la’yahay tan iyo June 26 2021, ayaa caawa soo saaray natiijo horudhac oo ay sheegeen inay kasoo baxday baaritaankooda.

11/21/2021 10:15 AM EST
Axad, November, 21, 2021 (HOL) - Wasiirka Dhalinyada iyo ciyaaraha Somaliland Cabdirashiid Xaaji Ducaale Qambi, ayaa askar ciidanka Somaliland ka goostay oo sheegay in ay Buuhoodle Somaliland ka xoraynayaan uga digay in ay qas galiyaan gobolkaas.

11/21/2021 10:02 AM EST
Axad, November, 21, 2021 (HOL) - Musharaxa xisbiga Waddani Cabdiraxmaan Maxamed Cabdillaahi Cirro, oo ka jawaabay eedayntii uu madaxweyne Biixi u jeediyay shalay, ayaa sheegay in madaxweynaha looga fadhiyay in uu ka hadlo siyaasada iyo xaalada guud ee Somaliland halkii uu isaga weerari lahaa.

11/21/2021 7:03 AM EST
Axad, November, 21, 2021 (HOL) - Maxkamadda ciiddamada qalabka sida ee maamulka Puntland ayaa maanta xukun dil ah ku riday labo nin oo katirsan ururka Alshabaab oo ka qeyb qaatay weerarkii bishii march ee sanadkan lagu qaaday xabsiga magaalada Boosaaso.

11/21/2021 6:17 AM EST
Axad, November, 21, 2021 (HOL) - Dowladda Soomaaliya ayaa maanta aas qaran u sameysay allaha u naxariistee agaasimihii Radio Muqdisho, Cabdicasiis Maxamuud Guuleed Afrika, kaas oo xalay lagu dilay weerar ismiidaamin ah oo uu geystay qof naftii hallige ah oo katirsanaa Alshabaab.

11/21/2021 5:46 AM EST
Axad, November, 21, 2021 (HOL) - Ugu yaraan 3 qof ayaa gaajo ugu dhintay tiro kale oo aan la xaqiijin way is dal-daleen kadib markii ay xoolahoodii ku waayeen abaarta ka jirta gobolka Gedo ee dowlad goboleedka Jubbaland.

11/21/2021 4:11 AM EST
Axad, November, 21, 2021 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa magacaabay guddi heer Wasiirro ah oo u xilsaaran gurmadka dadka la il-daran abaaraha ku dhuftay meelo badan ee waddanka ah.

11/21/2021 1:37 AM EST
Axad, November, 21, 2021 (HOL) - Wasiirkii hore ee arrimaha dibadda Soomaaliya, Maxamed Cabdirisaaq Maxamuud, ayaa sheegay in ay fajac ku noqotay xil ka qaadistii xalay lagu sameeyay, xilli uu sheegay inuu madaxweynaha iyo raysal wasaaraha ka sugayay in ay wax ka qabtaan tabashooyin uu u gudbiyay.

11/21/2021 1:29 AM EST
Axad, November, 21, 2021 (HOL) - Warar dheeraad ayaa kasoo baxaya dagaal culus oo xalay ku dhexmaray degmada Dhoobleey ee gobolka Jubbada Hoose ciidamo ka tirsan dagaalamayaasha Al-shabaab iyo kuwa Nabadsugida maamulka Jubbaland.