12/6/2021
Today from Hiiraan Online:  _
Wararka Maanta- Axad, Nov 21, 2021
Puntland oo xukun dil ah ku riday labo kamid ah Shabaabkii weeraray xabsiga Boosaaso
 

Axad, November, 21, 2021 (HOL) - Maxkamadda ciiddamada qalabka sida ee maamulka Puntland ayaa maanta xukun dil ah ku riday labo nin oo katirsan ururka Alshabaab oo ka qeyb qaatay weerarkii bishii march ee  sanadkan lagu qaaday xabsiga magaalada Boosaaso.

Labadan nin oo lagu kala magacaabo Maxamuud Cabdirixiin Cabduqaadir Xifdiye iyo Maxamed Cismaan Madey Cismaan ayay maxkamaddu sheegtay in ay askar ku laayeen intii uu socday weerarkii ay kusoo qaadeen xabsiga Bosaso.

Xukumayaasha oo maxkamadda ka hadlay ayaa qirtay in ay kamid ahaayeen Alshabaab iyo guutadii loosoo diray in ay xabsiga, balse waxay ku andacoodeen in aanay ka qeyb qaadan weerarka xabsiga.

Guddoomiyaha maxkamadda gaashaanle dhexe Cabdirisaaq Jaamac Cabdulle, ayaa ku dhawaaqay xukunka dilka ah ee eedeysanayaasha lagu riday. Sidoo kale wuxuu sheegay in ay maxkamaddu siisay racfaan bil ah, oo ay isaga difaacaan xukunka lagu riday.

Raggan xukunka lagu riday waxay qeyb ka ahaayeen rag katirsan Alshabaab  oo gacanta lagusoo dhigay saacaddo kadib weerarka xabsiga, waxaa lagu soo qabtay howlgal ciiddanku kaga daba tagayeen dableydii xabsiga weerartay iyo maxaabiistii fakatay.

Abdiweli M. Sheikh, Hiiraan Online












Click here
11/21/2021 12:14 PM EST
Axad, November, 21, 2021 (HOL) - Hanti-dhowaraha Guud ee Soomaaliya Dr. Maxamed Maxamuud Cali Afgooye ayaa soo saaray warbixin sannadeedka ku saabsan baaritaanka maaliyadda laamaha dawladda Soomaaliya.

11/21/2021 12:00 PM EST
Axad, November, 21, 2021 (HOL) - Guddigii baarayey kiiska Ikraan Tahliil Faarax, oo ah gabar ka tirsan NISA oo la la’yahay tan iyo June 26 2021, ayaa caawa soo saaray natiijo horudhac oo ay sheegeen inay kasoo baxday baaritaankooda.

11/21/2021 10:15 AM EST
Axad, November, 21, 2021 (HOL) - Wasiirka Dhalinyada iyo ciyaaraha Somaliland Cabdirashiid Xaaji Ducaale Qambi, ayaa askar ciidanka Somaliland ka goostay oo sheegay in ay Buuhoodle Somaliland ka xoraynayaan uga digay in ay qas galiyaan gobolkaas.

11/21/2021 10:02 AM EST
Axad, November, 21, 2021 (HOL) - Musharaxa xisbiga Waddani Cabdiraxmaan Maxamed Cabdillaahi Cirro, oo ka jawaabay eedayntii uu madaxweyne Biixi u jeediyay shalay, ayaa sheegay in madaxweynaha looga fadhiyay in uu ka hadlo siyaasada iyo xaalada guud ee Somaliland halkii uu isaga weerari lahaa.

11/21/2021 6:17 AM EST
Axad, November, 21, 2021 (HOL) - Dowladda Soomaaliya ayaa maanta aas qaran u sameysay allaha u naxariistee agaasimihii Radio Muqdisho, Cabdicasiis Maxamuud Guuleed Afrika, kaas oo xalay lagu dilay weerar ismiidaamin ah oo uu geystay qof naftii hallige ah oo katirsanaa Alshabaab.

11/21/2021 5:46 AM EST
Axad, November, 21, 2021 (HOL) - Ugu yaraan 3 qof ayaa gaajo ugu dhintay tiro kale oo aan la xaqiijin way is dal-daleen kadib markii ay xoolahoodii ku waayeen abaarta ka jirta gobolka Gedo ee dowlad goboleedka Jubbaland.

11/21/2021 4:11 AM EST
Axad, November, 21, 2021 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa magacaabay guddi heer Wasiirro ah oo u xilsaaran gurmadka dadka la il-daran abaaraha ku dhuftay meelo badan ee waddanka ah.

11/21/2021 1:37 AM EST
Axad, November, 21, 2021 (HOL) - Wasiirkii hore ee arrimaha dibadda Soomaaliya, Maxamed Cabdirisaaq Maxamuud, ayaa sheegay in ay fajac ku noqotay xil ka qaadistii xalay lagu sameeyay, xilli uu sheegay inuu madaxweynaha iyo raysal wasaaraha ka sugayay in ay wax ka qabtaan tabashooyin uu u gudbiyay.

11/21/2021 1:29 AM EST
Axad, November, 21, 2021 (HOL) - Warar dheeraad ayaa kasoo baxaya dagaal culus oo xalay ku dhexmaray degmada Dhoobleey ee gobolka Jubbada Hoose ciidamo ka tirsan dagaalamayaasha Al-shabaab iyo kuwa Nabadsugida maamulka Jubbaland.