5/13/2021
Today from Hiiraan Online:  _
Wararka Maanta- Talaado, May 4 , 2021
Madaxweynaha Somaliland oo markii ugu horaysay ka hadlay xadhiga musharixiinta mucaaradka


 

Talaado, May, 4, 2021 (HOL)- Madaxweynaha Somaliland Muuse Biixi Cabdi, oo ka hadalay xadhiga musharixiinta, ayaa sheegay in musharax kasta oo lagu helo danbi la xidhayo mucaarad iyo muxaafad ba.

Madaxweynaha ayaa yidhi “3 dii musharax ee ugu horeeyay ee la xidhay Kulmiye ayay ahayeen, 2 kamida min 1 sano ayaa loo jaray, kuwa hada taagana muxaafad iyo mucaarad ba way leeyihiin”.

“Qofka waxa lagu soo eedaynayaa danbi, foojeri, sharciga oo uu ka been sheego, xafiis buu waraaqihiisii xaday, jaamacad aanu ahayn buu layimid, kii la qabto wa nasiibkii”.

Madaxweynaha ayaa sheegay in ay jiri karaan musharixiin danbiyo galay lakin sharcigu aanu helin, waxanu sheegay in la qaban doono marka la ogaado danbiga ay sameeyeen.

Madaxweynaha ayaa si gaara isu dul taagay kiiska musharax Qasim Aadan Saleebaan oo Waddani ka sharaxan kaasi oo loo haysto in uu gacan-saar laleeyahay dowlada Soomaaliya.

“Mid waxaba lagu eedaynayaa, in uu dalal Somaliland cadow ku ah xidhiidh la leeyahay hadii la hubiyo maxkamada ayaa dag dag loo gayn, hadii la waayo halkiisii buu kasii wadan” ayuu yidhi madaxweynuhu.

“Looma diidayo doorashadiisa lakiin waxa la hubinayaa shuruudihii doorashadu sax mayihiin”ayuu hadal kiisa ku daray.

Madaxweynaha ayaa sheegay in xisbiyada mucaaradku ay xaq uleeyihiin in ay sheegaan wixii qaldan.

Waa markii ugu horaysay ee madaxweynaha Somaliland Muuse Biixi Cabdi uu si toosa uga hadlo xadhiga musharixiinta, arrintaasi oo ay xisbiyada mucaaradku aad uga qaylinayeen maal mihii u danbeyey.

Cabdilaahi Cabdiraxmaan Maxamed, Hiiraan Online
[email protected] 











Click here
5/4/2021 10:54 AM EST
Talaado, May, 4, 2021 (HOL) - Dowlada Ingiriiska, ayaa 17 milyan oo dollar ku maal galinaysa mashruuca Hargaysa pypass road, oo ah wado 22.5 KM ah, taasi oo la doonayo in baabuurta waaweyn ee xamuulka magaalada Hargaysa lagaga leexiyo.

5/4/2021 10:24 AM EST
Talaado, May, 04, 2021 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa Cabdiwahaab Ugaas Xuseen Ugaas Khaliif u magacaabay Wasiirka Wasaaradda Shaqada iyo Arrimaha Bulshada ee Xukuumadda Federaalka Soomaaliya.

5/4/2021 9:53 AM EST
Talaado, May, 04, 2021 (HOL) - Iyadoo labadii cisho ee la soo dhaafayba magaalada Muqdisho ay ku sugnaayeen wafdi heer sare oo ka socda dowladda Qatar, ayaa dhinaca kale waxaa wada hadal khadka talleefoonka ah yeeshay madaxweynaha muddo xileedkiisu dhamaaday Maxamed Cabdullaahi Farmaajo iyo amiirka dalka Qatar Sheekh Tamiim Bin Xamad Al-Thani

5/4/2021 8:08 AM EST
Talaado, May, 04, 2021 (HOL) - Ra'iisal Wasaaraha Wasaaraha Xukuumadda Soomaaliya Maxamed Xusseen Rooble ayaa ku dhawaaqay guddiga xalinta khilaafaadka iyo xiisada magaalada Muqdisho, kuwaa oo isugu jira Wasiirro iyo xildhibaanno ka tirsan Baarlamaanka Soomaaliya

5/4/2021 7:35 AM EST
Talaado, May, 04, 2021 (HOL) - Ciidamada taabacsan mucaaradka ee kasoo horjeestay mudo kordhinta ayaa ku sheegay bayaan ay soo saareen in aysan ka bixi doonin goobihii ay farriisinka ka sameysteen kadib qalalaasihii dhawaan ka dhacay magaalada Muqdisho.

5/4/2021 2:55 AM EST
Talaado, May, 04, 2021 (HOL) - Masuuliyiinta xisbiga mucaaradka ah ee Waddani, oo kulan la qaatay safiirka Ingriiska ee Soomaaliya amb. Kate Foster, ayaa kala hadlay doorashooyinka Somaliland iyo xadhiga musharixiinta mucaaradka.

5/4/2021 2:15 AM EST
Talaado, May, 04, 2021 (HOL) - Madaxweynaha muddo xileedkiisu dhamaaday Maxamed Cabdullaahi Farmaajo ayaa xalay xarunta madaxtooyada Soomaaliya kula kulmay wakiillo ka kala socday warbaahinta Soomaaliyeed.

5/4/2021 1:57 AM EST
Talaado, May, 04, 2021 (HOL)-Taliska ciidanka Booliiska Soomaaliyeed ayaa soo saaray awaamiir la xiriirta howlaha ciidanka Booliiska, kaddib eedeymo maalmihii ugu danbeeyay loo jeedinayay.