5/13/2021
Today from Hiiraan Online:  _
Wararka Maanta- Talaado, May 4 , 2021
Amiirka Qatar iyo madaxweyne Farmaajo oo khadka talleefoonka ku wada hadlay


 

Talaado, May, 04, 2021 (HOL) - Iyadoo labadii cisho ee la soo dhaafayba magaalada Muqdisho ay ku sugnaayeen wafdi heer sare oo ka socda dowladda Qatar, ayaa dhinaca kale waxaa wada hadal khadka talleefoonka ah yeeshay madaxweynaha muddo xileedkiisu dhamaaday Maxamed Cabdullaahi Farmaajo iyo amiirka dalka Qatar Sheekh Tamiim Bin Xamad Al-Thani 

Labada mas'uul ayaa ka wada hadlay xoojinta xiriirka labada dowladdood sida lagu daabacay wakaalada wararka Qatar ee QNA.

Ergayga gaarka ah ee ka socda dalka Qatar ayaa la sheegay in  uu qoraal uu ka siday Amiirka Qatar uu soo gaarsiiyey madaxweynaha Soomaaliya.

Labada mas'uul madaxweyne Farmaajo iyo amiirka dalka Qatar ayaa ka wada hadlay dhacdooyinkii ugu danbeeyay ee Soomaaliya gaar ahaan magaalada Muqdisho ee ka dhalatay xiisada siyaasadeed ee doorashada.

Qatar ayaa ka mid ah dowladdaha saameynta weyn ku leh siyaasadda Soomaaliya, gaar ahaan waxaa lagu tiriyaa in ay si weyn ugu dhaw dahay dowladda uu hoggaamiyo Madaxweyne Maxamed Cabdullaahi Farmaajo.

Ergayga gaarka ah ee wasaaradda arrimaha dibedda ee Qatar ayaa maalmahan booqasho ku joogay Soomaaliya, waxaana uu shirar kala duwan la yeeshay madaxda dawladda federaalka, kuwa maamul goboleedyada iyo xubnaha beesha caalamka.

Cabdiraxmaan Diini, Hiiraan Online
[email protected]  




















Click here
5/4/2021 10:54 AM EST
Talaado, May, 4, 2021 (HOL) - Dowlada Ingiriiska, ayaa 17 milyan oo dollar ku maal galinaysa mashruuca Hargaysa pypass road, oo ah wado 22.5 KM ah, taasi oo la doonayo in baabuurta waaweyn ee xamuulka magaalada Hargaysa lagaga leexiyo.

5/4/2021 10:24 AM EST
Talaado, May, 04, 2021 (HOL) - Ra’iisul Wasaaraha Xukuumadda Federaalka Soomaaliya Maxamed Xuseen Rooble ayaa Cabdiwahaab Ugaas Xuseen Ugaas Khaliif u magacaabay Wasiirka Wasaaradda Shaqada iyo Arrimaha Bulshada ee Xukuumadda Federaalka Soomaaliya.

5/4/2021 10:00 AM EST
Talaado, May, 4, 2021 (HOL)- Madaxweynaha Somaliland Muuse Biixi Cabdi, oo ka hadalay xadhiga musharixiinta, ayaa sheegay in musharax kasta oo lagu helo danbi la xidhayo mucaarad iyo muxaafad ba.

5/4/2021 8:08 AM EST
Talaado, May, 04, 2021 (HOL) - Ra'iisal Wasaaraha Wasaaraha Xukuumadda Soomaaliya Maxamed Xusseen Rooble ayaa ku dhawaaqay guddiga xalinta khilaafaadka iyo xiisada magaalada Muqdisho, kuwaa oo isugu jira Wasiirro iyo xildhibaanno ka tirsan Baarlamaanka Soomaaliya

5/4/2021 7:35 AM EST
Talaado, May, 04, 2021 (HOL) - Ciidamada taabacsan mucaaradka ee kasoo horjeestay mudo kordhinta ayaa ku sheegay bayaan ay soo saareen in aysan ka bixi doonin goobihii ay farriisinka ka sameysteen kadib qalalaasihii dhawaan ka dhacay magaalada Muqdisho.

5/4/2021 2:55 AM EST
Talaado, May, 04, 2021 (HOL) - Masuuliyiinta xisbiga mucaaradka ah ee Waddani, oo kulan la qaatay safiirka Ingriiska ee Soomaaliya amb. Kate Foster, ayaa kala hadlay doorashooyinka Somaliland iyo xadhiga musharixiinta mucaaradka.

5/4/2021 2:15 AM EST
Talaado, May, 04, 2021 (HOL) - Madaxweynaha muddo xileedkiisu dhamaaday Maxamed Cabdullaahi Farmaajo ayaa xalay xarunta madaxtooyada Soomaaliya kula kulmay wakiillo ka kala socday warbaahinta Soomaaliyeed.

5/4/2021 1:57 AM EST
Talaado, May, 04, 2021 (HOL)-Taliska ciidanka Booliiska Soomaaliyeed ayaa soo saaray awaamiir la xiriirta howlaha ciidanka Booliiska, kaddib eedeymo maalmihii ugu danbeeyay loo jeedinayay.