5/13/2021
Today from Hiiraan Online:  _
Wararka Maanta- Sabti, May 1 , 2021
Farmaajo oo loogu baaqay in uu is casilo


 

Sabti, May. 01, 2021 (HOL)  - Qaar ka mid ah xildhibaannada Golaha Shacabka ayaa ugu baaqay madaxweynaha dowladda Soomaaliya Maxamed Cabdullaahi Farmaajo in uu xilka iska casilo.

Madaxweynaha ayaa la filayaa in uu maanta khudbad xasaasi ah oo la xiriirta xaalada dalka gaar ahaan dhacdooyinkii ugu danbeeyay ee magaalada Muqdisho uu ka horjeediyo Golaha Shacabka, isaga oo ka dalban doona sida wararku sheegayaan in Baarlamaanku ka laaabto go'aankii carrada badan dhaliyay ee muddo kororsiga.

Xildhibaan Idiris Dhakhtar oo wariyaayaasha kula hadlayay gudaha hoolka Golaha Shacabka ayaa ugu baaqay madaxweyne Farmaajo in uu is casilo, madaama sida uu hadalka u dhigay loo adkaaday arrimaha siyaasadda.

Wuxuu sheegay in ay muhiim tahay in dalka la badbaadiyo sida uu hadalka u dhigay, madaama wali jidadka qaar magaalada Muqdisho u go'an yihiin siyaasiyiinta mucaaradka.

Kulanka maanta ee Golaha Shacabka ayaa ah mid siweyn isha loogu hayo iyo go'aanka Golaha Shacabku uu ka qaadan doono doorashada iyo in dib loogu laabto hannaankii 17kii September, madaama siweyn looga horyimid qorshihii muddo kororsiga ee 12kii April ay meelmariyeen.

Cabdiraxmaan Diini, Hiiraan Online
[email protected]  












Click here
5/1/2021 3:08 PM EST
Sabti, May 01, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble ayaa soo dhaweeyay go'aankii uu maanta qaatay madaxweynaha Soomaaliya oo ku wareejiyay maamulka iyo amniga doorashada, isaga oo sheegay in uu la iman doono qorshe iyo hannaan lagu maamulayo doorashada.

5/1/2021 2:51 PM EST
Sabti, May, 1, 2021 (HOL) - Warbixin ay soo saareen ciidanka dab-damisku, ayaa lagu sheegay in hal wiil uu geeriyooday kadib markii uu ku qarqoomay balli ku yaala duleedka galbeed ee Hargaysa.

5/1/2021 10:36 AM EST
Sabti, May, 1, 2021 (HOL) - Madaxweynaha Somaliland Muuse Biixi Cabdi, ayaa xafiiskiisa ku qaabilay wafti uu hogaaminayo ergayga gaar ah ee wasiirka arrimaha dibada ee Qatar u qaabilsan la dagaalanka argagixisada iyo dhexdhexaadinta khilafaadka Mutlaq bin Majed Al Qahtani.

5/1/2021 10:29 AM EST
Sabti, May. 01, 2021 (HOL) - Bayaan kooban oo kasoo baxay Midowga Yurub ayaa lagusoo dhaweeyay go’aankii barlamaanka Soomaaliya uu maanta ku meel mariyay in dib loogu laabto heshiiskii 17 september.

5/1/2021 10:11 AM EST
Sabti, May. 01, 2021 (HOL) - Madaxweynaha Soomaaliya Maxamed Cabdullaahi Farmaajo ayaa raysal wasaare Maxamed Xuseen Rooble ku wareejiyay hoggaamita hirgelinta doorashooyinka iyo amnigeeda, si ay doorashadu ugu qabsoonto jawi nabad ah oo xasilloon.

5/1/2021 9:26 AM EST
Sabti, May, 1, 2021 (HOL) - Warmurtiyeed ay xisbiyada mucaaradka Somaliland ee Waddani iyo UCID kasoo sareen kulan ay yeesheen ayaa ay walaac kaga muujiyeen xadhiga musharixiintooda.

5/1/2021 8:39 AM EST
SSabti, May. 01, 2021 (HOL) - Dowladda UK ayaa ku baaqday in si degdeg ah loo qabto doorashada Soomaaliya, xilli uu maanta barlamaanka Soomaaliya horyimid madaxweyne Farmaajo oo shaaciyay in raysal wasaare Rooble uu hoggaamindoono diyaarinta iyo hirgalinta doorashooyinka dalka.

5/1/2021 8:14 AM EST
Sabti, May, 1, 2021 (HOL) - Wasiir ku xigeenka arrimaha dibada Somaliland liibaan Yusuf Cisman, ayaa qaabilay wafti uu hogaaminayo ergayga gaar ka ah ee wasiirka arrimaha dibada ee Qatar u qaabilsan ladagaalanka argagixisada iyo dhexdhexaadinta khilaafaadka DR. Mutlaq bin Majed Al-Qahtani.

5/1/2021 7:46 AM EST
Sabti, May. 01, 2021 (HOL) - Madaxweynaha Dowladda Soomaaliya oo goor dhaw khudbad ka hor jeediyay xildhibaannada Golaha Shacabka ayaa ka codsaday in ay ka tanaasulaan hindise sharciyeedkii muddo kororsiga oo ay dhawaan ansixiyeen, taa badalkeedana dib loogu laabto hannaankii doorashada 17ka September.

5/1/2021 7:23 AM EST
Sabti, May, 1, 2021 (HOL) - Wasiirka Warfaafinta Somaliland, Saleebaan Yusuf Cali Koore, ayaa 4 musharax oo mucaarad ah ku eedeeyay in ay xidhiidh la leeyihiin dowlada Soomaaliya.

5/1/2021 1:43 AM EST
Sabti, May. 01, 2021 (HOL) -Madaxweyne Maxamed Cabdullaahi Farmaajo ayaa lagu wadaa in uu maanta khudbad u jeediyay xildhibaannada Golaha Shacabka isaga oo codsan doona in ay dib uga laabtaan go'aankii 12kii bishii April ee muddo kororsiga labada sano.