5/17/2021
Today from Hiiraan Online:  _
Wararka Maanta- Arbaco, Mar 31, 2021
Booliska Nairobi oo soo saaray digniin ku aadan nin looga shakisan yahay inuu ka tirsan yahay Al-Shabaab oo qorsheynaya weerar duulimaad


 

Arbaco, Maarso, 31, 2021 (HOL) - Booliska magaalada Nairobi ee dalka Kenya ayaa soo saaray digniin ku aadan nin looga shakisan yahay inuu ka tirsan yahay Al-Shabaab oo ay baadi goobayaan booliska la dagaalanka argagixisada.

Rashid Mwalimu, oo ah duuliye la tababaray, ayaa si dhuumaaleysi ah dalka Kenya uga dhoofay una soo dhoofay Soomaaliya kadib markii uu ka war helay in ay ku raad joogaan booliska.

“Waa duuliye tababbaran oo ku wajahan hawlgal weerar duulimaad. Xilligan, wuxuu ku dhuumanayaa Soomaaliya wuxuuna qorsheynayaa inuu si dhuumaaleysi ah dib ugu soo galo dalka. Haddii lagu arko, si naxariis leh ugu soo wargeli hay'adda nabadgelyada ee kuugu dhow, "ayaa lagu yiri bayaanka booliiska.

Booliska ayaa ninkan ku xiriiriyay nin kale oo ka tirsan Al-Shabaab oo tababaran isla markaana duuliya ah. Magaciisu waa Cholo Abdi Abdullah, oo 3i jir ah, kaas oo hada ku jira xabsi kuyaala dalka Mareykanka.

Cholo Abdi Abdullah, ayaa laga qabtay dalka Filibiin sanadkii 2019 waxaana loo wareejiyay Mareykanka halkaas oo lagu soo oogay dacwad ah inuu maleegayay afduub diyaarad oo uu weerar ku fuliyo.

Labadan nin ayaa sidoo kale lala xiriiriyay Ali Salim Gichunge, oo ahaa maskaxdii ka dambeysay weerarkii Dusit D2, oo ay ku dhinteen dhowr qof.

Abdiweli M. Sheikh, Hiiraan Online













Click here
3/31/2021 6:32 PM EST
Arbaco, Maarso, 31, 2021 (HOL) - Madaxweynaha Somaliland, Mudane Muuse Biixi Cabdi ayaa wareegto oo maanta soo saaray wuxuu xilkii kaga qaaday Maareeyihii Guud Hay'adda Duulista iyo Madaarada, Capt. Cabdi Maxamed Rodol.

3/31/2021 10:29 AM EST
Arbaco, Maarso, 31, 2021 (HOL) - Xarrakada Al-shabaab ayaa uga digtay shacabka Soomaaliyeed in ay qaataan tallaalka Covid 19 ee AstraZeneca oo ay shaki badan galiyeen badqabkiisa.

3/31/2021 10:15 AM EST
Arbaco, Maarso, 31, 2021 (HOL) - Puntland iyo Jubbaland ayaa war ay soo saareen waxay walaac xooggan kaga muujiyeen in madaxda dowladda federalka ay xagal daacinayaan qabsoomida shir loo dhan yahay inuu ka dhaco magaalada Muqdisho.

3/31/2021 9:48 AM EST
Arbaco, Maarso, 31, 2021 (HOL) - Wasiirka Caafimaadka ee Soomaaliya Fowsiyo Abiikar Nuur oo la hadleysay baarlamaanka Soomaaliya ayaa sheegtay in qaar ka mid ah shaqaalaha caafimaadka ay diideen in ay qaataan tallaalka 'Covid-19.

3/31/2021 7:47 AM EST
Arbaco, Maarso, 31, 2021 (HOL) - Baarlamaanka Soomaaliya ayaa ansixiyay labo xubnood oo katirsan Guddiga Madaxa banaan ee xuduudaha iyo Federaalka, kuwaas oo lagu kala magacaabo Axmed Zeylici Muuse iyo Maxamed Cusmaan Cabdullaahi Xamza.

3/31/2021 6:09 AM EST
Arbaco, Maarso, 31, 2021 (HOL) - Iyadoo goor dhaw xarunta Villa Hargeysa uu si toos ah u furmay kulan ay leeyihiin xildhibaannada Golaha Shacabka, ayaa hadda warbixin ka dhageysanaya Wasiirka Wasaarradda Caafimaadka Xukuumadda Soomaaliya Marwo Fowsiyo Abiikar Nuur.

3/31/2021 6:00 AM EST
Arbaco, Maarso, 31, 2021 (HOL) - Ciidamada Booliiska dowladda Soomaaliya ee ku sugan koontaroolka Isgoyska Dabka ayaa goordhaw u diiday iney ka gudbaan koontarool kaasi Xildhibaano ka tirsan Golaha Shacabka.

3/31/2021 4:43 AM EST
Arbaco, Maarso, 31, 2021 (HOL) - Ciidamo hor leh ayaa la soo dhigay jidadka gala xarunta madaxtooyada Soomaaliya iyadoo goor dhaw lagu waddo in uu furmo kulan ay yeelanayaan xildhibaannada Golaha Shacabka.

3/31/2021 12:48 AM EST
Arbaco, Maarso, 31, 2021 (HOL) - Ra'iisal Wasaaraha Xukuumadda Soomaliya Maxamed Xusseen Rooble oo maalintii shalay kulan la yeeshay wakiilo ka socday beesha caalamka ayaa ugu baaqay madaxda dowlad gobolleedyada ee ka maqan kulamada wadatashiga Qaran ee doorashooyinka in ay ka soo qeybgalaan.

3/31/2021 12:39 AM EST
Arbaco, Maarso, 31, 2021 (HOL) - Maanta oo Arbaco ah ayaa lagu wadaa in xarunta Villa Hargeysa kulan ku yeeshaan xildhibaannada Golaha Shacabka kaddib kulankii Sabtida ee buuqa ku soo idlaaday.