5/17/2021
Today from Hiiraan Online:  _
Wararka Maanta- Talaado, Mar 30, 2021
Xisbiga mucaaradka ah ee Wadani oo musharax madaxweyne markale u doortay Cabdiraxmaan Cirro




Talaado, Maarso, 30, 2021 (HOL) - Shirwaynihii saddexaad ee xisbiga mucaaradka ah ee wadani, oo maanta Hargaysa ka qabsoomay ayaa markale Cabdiraxman Maxamed Cabdilaahi (Cirro) loogu doortay musharaxa xisbiga ee doorashada madaxweynaha ee 2022.

312 kamid ah 313 xubnood ee xubnaha golaha dhexe ee xisbiga ayaa u coodeeyay Cabdiraxmaan Cirro in uu noqdo musharaxa madaxweynaha ee doorashada 2022, halka 1 xubina ay diiday mana jirin cid ka aamustay.

Musharaxa madaxweyne ku xigeenka xisbiga aya isagana loo doortay Maxamed Cali Aw Cabdi, waxana u codeeyay 306 xubnood, waxa diiday 4 xubnood, 1 qofna wuu ka aamusay.

Musharax Cabdiraxmaan Cirro, oo hadal jeediyay kadib markii la doortay ayaa dhaliilo u jeediyay xukuumada talada haysa.

“Waxaad ka dharagsantihiin xaalada guud ee dalku halkay marayso, waxa inoo wada muuqda in nidaamkii dowladnimo, wada tashigii, wax wada lahaanshihii iyo kalsoonidii lagu qabay hay’adaha dowlada oo daciifay” ayuu yidhi Cirro.

“Cabudhinta xukuumada ee saxaafada madaxa-banaan, xadhiga aan loo miidan dayin, loona marin dariiq sharci ah, ee muwaadiniinta Somaliland”.

“kutumashada xuquuqal insaanka, waxay dalkan u horseedi karaan in dowladnimadii iyo dimuquraadiyadii aynu ku faanaynay labaduba saqiiraan” ayuu hadalkiisa sii raaciyay Cirro.

Musharax Cirro aya hadalkiisa kusoo gaba gabeeyay in yoolka fog ee xisbiga Wadani uu yahay kobcinta, tayaynta iyo fidinta aqoonta noocyadeeda kala duwan.

 Cabdiraxman Sh. Maxamed, Hiiraan Online
[email protected] 











Click here
3/30/2021 5:52 PM EST
Talaado, Maarso, 30, 2021 (HOL) - Madasha Badbaado Qaran ayaa war-saxaafadeed ay caawa soo saareen waxay ku caddeeyeen in aysan marnaba aqabali doonin wax muddo kororsi.

3/30/2021 12:46 PM EST
Talaado, Maarso, 30, 2021 (HOL) - Ra'iisal Wasaaraha Xukuumadda Soomaaliya Maxamed Xusseen Rooble ayaa maanta qaabilay xubno ka socda wakiilada beesha caalamka iyaga oo ka wadahadlay khilaafka ka taagan doorashada lagu waddo in ay dalka ka dhacdo.

3/30/2021 9:35 AM EST
Talaado, Maarso, 30, 2021 (HOL) - Madaxtooyada Soomaaliya ayaa beenisay wararka sheegaya in Madaxweyne Maxamed Cabdullaahi Farmaajo uu berri safar u yahay ka qeyb galka shir la sheegay in uu ku saabsan yahay heshiis amni oo heer gobol ah oo ka dhicidoona Ethiopia.

3/30/2021 9:11 AM EST
Talaado, Maarso, 30, 2021 (HOL) - Saraakiisha Booliiska dalka Tanzanian ayaa shaaca ka qaaday in 45 ruux ay u dhinteen isbuurasho ka dhalatay macsalaameynta meydka madaxweynihii hore ee dalkaasi John Magufuli 21 bishan.

3/30/2021 7:55 AM EST
Talaado, Maarso, 30, 2021 (HOL) - Wafdi ka socday dowladda Imaaraatka Carabta ayaa loo diiday in ay ka dagaan deegaanka Garacad oo katirsan degmada Jarriiban ee gobolka Mudug ee maamulka Puntland.

3/30/2021 7:29 AM EST
Talaado, Maarso, 30, 2021 (HOL) - Wasaarada waxbarashada ee Somaliland ayaa sheegtay in laga bilaabo 13 bisha Abril, 2021 dugsiyada waxbarashada la fasixi doono muddo labad bilood ah, xaalada caabuqa Covid-19 awgii.

3/30/2021 7:14 AM EST
Talaado, Maarso, 30, 2021 (HOL) - Raysul wasaarihii hore ee Soomaaliya Cumar Cabdirashiid ayaa sheegay in uu jiro heshiis milatari oo dhawaan ay wada gaari doonaan Soomaaliya, Elateria iyo Ethiopia.

3/30/2021 3:51 AM EST
Talaado, Maarso, 30, 2021 (HOL) - Qoraal ka soo baxay Wasaarradda Caafimaadka Xukuumadda Soomaaliya ayaa bulshada ku dhiirigalisay in ay qaataan tallaalka Covid 19 oo hadda la gaarsiiyay inta badan gobollada dalka.

3/30/2021 12:58 AM EST
Talaado, Maarso, 30, 2021 (HOL) - Waxaa soo ifbaxaya khilaaf cusub oo hareeyay kulamadii ugu danbeeyay ee u dhaxeeya madaxda dowlad gobolleedyada si xal kama danbeys ah looga gaaro ismariwaaga doorasho.

3/30/2021 12:34 AM EST
Talaado, Maarso, 30, 2021 (HOL) - Dowlad Gobolleedka Galmudug ayaa ganaax lacageed ku riday kalluumeysato ajaanib ah oo la sheegay in ay si sharci darro ah uga kalluumeysanayeen xeebaha Soomaaliya gaar ahaan deegaannada uu maamulku ka arimiyo.