5/14/2021
Today from Hiiraan Online:  _
Wararka Maanta- Isniin, Mar 29, 2021
James Swan'' Waxaan soo dhaweyneynaa dadaallada wadajirka ah madaxda maamuladda xubnaha ka ah federaalka


 

Isniin, Maarso, 29, 2021 (HOL) - Wakiilka Qarramada Midoobey ee Soomaaliya James Swan ayaa sheegay in ay soo dhaweynayaan dadaallada wadajir ah madaxda maamuladda xubnaha ka ah dowladda dhexe ee federaalka si heshiis buuxa looga gaaro arrimaha doorashada.

“Waxaan soo dhoweyneynaa dadaalka wadajirka ah ee maamuladda xubnaha ka ah Federaalka si loo helo tanaasul, isla markaana kulanka Dowladda Faderaalka ah iyo kuwa heer gobol uu horay ugu sii socdo dhanka doorashooyin ku saleysan hannaankii doorasho ee 17-kii Sebteembar,” ayuu yiri James Swan.

Hadalka James Swan ayaa imanaya kaddib kulan maanta xerada Xalane ee magaalada Muqdisho ay ku yeesheen madaxweynayaasha dowlad gobolleedyada iyo wakiilada beesha caalamka kaa looga hadlayay sidii loo dhameystiri lahaa hannaanka geedi socodka doorashada heer Qaran oo wali dhinacyada oo dhan aysan heshiis ku aheyn.

Todobaadyadii ugu dambeeyayba wakiilada beesha caalamka ayaa  dadaal ugu jiray sidii  madaxda dowlad goboleedyada iyo dowladda federaalka u gaari lahaayeen heshiis wax ku ool ah oo salka u dhiga doorasho wadar ogol ku dhacda.

Cabdiraxmaan Diini, Hiiraan Online
[email protected]   




















Click here
3/29/2021 7:15 AM EST
Isniin, Maarso, 29, 2021 (HOL) - Wasiirka amniga Puntland Cabdisamad Gallan ayaa sheegay in ay ka xun yihiin in dowladda federalka Somaaliya aysan wax dareen ah ka muujin weerarkii dhawaan kooxda Alshabaab ku qaaday xabsiga Bosaso.

3/29/2021 5:57 AM EST
Isniin, Maarso, 29, 2021 (HOL) - kooxda Al-Shabaab ayaa ku baaqay hawlgallo ka dhan ah danaha Faransiiska iyo Mareykanka ee Jabuuti ka hor doorashooyinka madaxweynenimo ee dalkaas ka dhacaya 9 Abriil 2021.

3/29/2021 5:14 AM EST
Isniin, Maarso, 29, 2021 (HOL) - Madaxweynayaasha goboleedyada oo maalintii saddexaad shir uga socdo magaalada Muqdisho ayaa haatan kulan laleh wakiilada beesha Caalamka.

3/29/2021 4:46 AM EST
Isniin, Maarso, 29, 2021 (HOL) - Qarax xoogan oo jugtiisa daqiiqado ka hor laga maqlay xaafado ka tirsan degmooyinka gobolka Banaadir ayaa ka dhacay agagaarka xarunta degmada Deyniile ee magaalada Muqdisho.

3/29/2021 12:57 AM EST
Isniin, Maarso, 29, 2021 (HOL) - Iyadoo aad moodo in khilaafka la xiriira doorashada Soomaaliya oo uu marayo halkii ugu adkeyd, ayaa waxaa xalay xarunta madaxtooyada Villa Soomaaliya shir gaar ah ku yeeshay madaxweynaha muddo xileedkiisu dhamaaday Maxamed Cabdullaahi Farmaajo, Ra'iisal Wasaare Rooble, madaxweynayaasha dowlad gobolleedyada Galmudug, Koonfur Galbeed, Hirshabeelle iyo Guddoomiyaha gobolka Banaadir.

3/29/2021 12:39 AM EST
Isniin, Maarso, 29, 2021 (HOL) - Fariin xalay saq dhexe lala wadaagay xildhibaannada Golaha Shacabka ayaa lagu wargaliyay in uu baaqday kulankii maanta qorshuhu ahaa in uu qabsoomo.