5/14/2021
Today from Hiiraan Online:  _
Wararka Maanta- Isniin, Mar 29, 2021
Puntland oo ku eedeysay dowladda federalka in aysan damqasho ka muujin weerarkii xabsiga Bosaso


 

Isniin, Maarso, 29, 2021 (HOL) - Wasiirka amniga Puntland Cabdisamad Gallan ayaa sheegay in ay ka xun yihiin in dowladda federalka Somaaliya aysan wax dareen ah ka muujin weerarkii dhawaan kooxda Alshabaab ku qaaday xabsiga Bosaso.

Wasiirka amniga ayaa caddeeyay in weerarkaas ay Alshabab ku guulaysteen in ay xabsiga Bosaso kala baxeen maxaabiis isugu jirtay Alshabab, Daacish iyo dad gacan ku dhiiglayaal ah oo xukumnaa.

Cabdisamad Gallan wuxuu sheegay taas bedelkeed in ay dowladda federalka isku dayday in ay amni xumo ka sameyso magaalooyin nabad ah oo Puntland ku yaalla si ay colaad uga kiciso.

“Waxa ugu yar ee aan ka sugaynay dowladda dhexe waxay ahayd in ay danqasho ka muujiyaan wixii dhacay iyo in ay dhiirri galin u sameeyaan ciidamada ka hor tagay argigixisadaas dhibka la damacsanaa Puntland iyo shacabkeeda,” ayuu yiri wasiirka amniga.

“Xaashaa lillaahi ma dhicin taas, waxaad ka wada dharagsan tihiin in magaalooyinka nabad galyada ku naaloonaya oo ay ugu dambeysay Dhahar, in ay isku dayeen in ay fad qalalo ka abuuraan oo colaad ka kciyaan, dadkana hubeeyeen” ayuu hadalkiisa ku daray.

Wasiirka amniga Puntland wuxuu ku eedeeyay masuuliyiin dowladda federalka katirsan in ay barahooda Facebook-ga ku buun buuniyaan dhacdooyinka lidka ku ah amniga Puntland, isagoo tilmaamay in ay muujinayso in dowladda federalka aan laga sugin karin wax Soomaali midaynkara.

Abdiweli M. Sheikh, Hiiraan Online











Click here
3/29/2021 9:16 AM EST
Isniin, Maarso, 29, 2021 (HOL) - Wakiilka Qarramada Midoobey ee Soomaaliya James Swan ayaa sheegay in ay soo dhaweynayaan dadaallada wadajir ah madaxda maamuladda xubnaha ka ah dowladda dhexe ee federaalka si heshiis buuxa looga gaaro arrimaha doorashada.

3/29/2021 5:57 AM EST
Isniin, Maarso, 29, 2021 (HOL) - kooxda Al-Shabaab ayaa ku baaqay hawlgallo ka dhan ah danaha Faransiiska iyo Mareykanka ee Jabuuti ka hor doorashooyinka madaxweynenimo ee dalkaas ka dhacaya 9 Abriil 2021.

3/29/2021 5:14 AM EST
Isniin, Maarso, 29, 2021 (HOL) - Madaxweynayaasha goboleedyada oo maalintii saddexaad shir uga socdo magaalada Muqdisho ayaa haatan kulan laleh wakiilada beesha Caalamka.

3/29/2021 4:46 AM EST
Isniin, Maarso, 29, 2021 (HOL) - Qarax xoogan oo jugtiisa daqiiqado ka hor laga maqlay xaafado ka tirsan degmooyinka gobolka Banaadir ayaa ka dhacay agagaarka xarunta degmada Deyniile ee magaalada Muqdisho.

3/29/2021 12:57 AM EST
Isniin, Maarso, 29, 2021 (HOL) - Iyadoo aad moodo in khilaafka la xiriira doorashada Soomaaliya oo uu marayo halkii ugu adkeyd, ayaa waxaa xalay xarunta madaxtooyada Villa Soomaaliya shir gaar ah ku yeeshay madaxweynaha muddo xileedkiisu dhamaaday Maxamed Cabdullaahi Farmaajo, Ra'iisal Wasaare Rooble, madaxweynayaasha dowlad gobolleedyada Galmudug, Koonfur Galbeed, Hirshabeelle iyo Guddoomiyaha gobolka Banaadir.

3/29/2021 12:39 AM EST
Isniin, Maarso, 29, 2021 (HOL) - Fariin xalay saq dhexe lala wadaagay xildhibaannada Golaha Shacabka ayaa lagu wargaliyay in uu baaqday kulankii maanta qorshuhu ahaa in uu qabsoomo.