5/17/2021
Today from Hiiraan Online:  _
Wararka Maanta- Isniin, Mar 29, 2021
Madaxweynayaasha dowlad goboleedyada iyo beesha caalamka oo kulan ku leh magaalada Muqdisho



Isniin, Maarso, 29, 2021 (HOL) - Madaxweynayaasha goboleedyada oo maalintii saddexaad shir uga socdo magaalada Muqdisho ayaa haatan kulan laleh wakiilada beesha Caalamka.

Waa kulankii ugu horreeyay ee si guud ah madaxweynayaasha shanta dowlad goboleed ula kulmayaan beesha caalamka tan iyo markii ay dhawaan Muqdisho isku tageen.

Masuuliyiin katirsan dowlad goboleedyada ayaa sheegay in kulankan looga hadlayo xal u helida marxaladda dalku marayo gaar ahaan Doorashada.

Warar aan helayno ayaa sheegaya in madaxweynayaashu is afgarad ka gaareen arrimo dhowr ah oo hortaagnaa inuu dhaco shirkii dhexmari lahaa dowladda federalka iyo dowlad goboleedyada.

Kulanka beesha caalamka kadib, waxaa lagu wadaa in madaxweynayaashu shir jaraa’id qabtaan islamarkaana ay ka hadlaan natiijooyinka kulamadooda.

Abdiweli M. Sheikh, Hiiraan Online











Click here
3/29/2021 9:16 AM EST
Isniin, Maarso, 29, 2021 (HOL) - Wakiilka Qarramada Midoobey ee Soomaaliya James Swan ayaa sheegay in ay soo dhaweynayaan dadaallada wadajir ah madaxda maamuladda xubnaha ka ah dowladda dhexe ee federaalka si heshiis buuxa looga gaaro arrimaha doorashada.

3/29/2021 7:15 AM EST
Isniin, Maarso, 29, 2021 (HOL) - Wasiirka amniga Puntland Cabdisamad Gallan ayaa sheegay in ay ka xun yihiin in dowladda federalka Somaaliya aysan wax dareen ah ka muujin weerarkii dhawaan kooxda Alshabaab ku qaaday xabsiga Bosaso.

3/29/2021 5:57 AM EST
Isniin, Maarso, 29, 2021 (HOL) - kooxda Al-Shabaab ayaa ku baaqay hawlgallo ka dhan ah danaha Faransiiska iyo Mareykanka ee Jabuuti ka hor doorashooyinka madaxweynenimo ee dalkaas ka dhacaya 9 Abriil 2021.

3/29/2021 4:46 AM EST
Isniin, Maarso, 29, 2021 (HOL) - Qarax xoogan oo jugtiisa daqiiqado ka hor laga maqlay xaafado ka tirsan degmooyinka gobolka Banaadir ayaa ka dhacay agagaarka xarunta degmada Deyniile ee magaalada Muqdisho.

3/29/2021 12:57 AM EST
Isniin, Maarso, 29, 2021 (HOL) - Iyadoo aad moodo in khilaafka la xiriira doorashada Soomaaliya oo uu marayo halkii ugu adkeyd, ayaa waxaa xalay xarunta madaxtooyada Villa Soomaaliya shir gaar ah ku yeeshay madaxweynaha muddo xileedkiisu dhamaaday Maxamed Cabdullaahi Farmaajo, Ra'iisal Wasaare Rooble, madaxweynayaasha dowlad gobolleedyada Galmudug, Koonfur Galbeed, Hirshabeelle iyo Guddoomiyaha gobolka Banaadir.

3/29/2021 12:39 AM EST
Isniin, Maarso, 29, 2021 (HOL) - Fariin xalay saq dhexe lala wadaagay xildhibaannada Golaha Shacabka ayaa lagu wargaliyay in uu baaqday kulankii maanta qorshuhu ahaa in uu qabsoomo.