5/17/2021
Today from Hiiraan Online:  _
Wararka Maanta- Axad, Mar 28, 2021
Madaxweyne Muuse Biixi oo dalacsiiyay hablo saraakiil ah oo katirsan ciidan ka RRU


 

Axad, Maarso, 28, 2021 (HOL) - Madaxweynaha Somaliland Muuse Biixi Cabdi, ayaa xafiiskiisa ku qaabilay isla markaana dalacsiiyay hablo saraakiil ah oo katirsan ciidanka RRU.

Madaxweynaha ayaa hablaha saraakiisha ah ugu hambalyeeyay dadaalka ay sameeyeen isla markaana u rajeeyay in hablo badan oo kale ku daydan.

“Waxaad keenteen gabdhow geesinimo qayral caadi ah, dee walahi gabdho arrinta u badheedhedhay oo foolentari isku qoray oo tababaradi dhamaystay oo ilaa sarkaal kamaraya waan idinku hambalyaynayaa” ayuu yidhi madaxweynuhu.

“Waxan filayaa in qaar badan oo kalena ay wadadiina soo raaci doonan maanta ayayna arkayaan midhaheeda in aad noqoteen masuuliyiin” ayuu madaxweynuhu hadalkisa ku daray.

Madaxweynaha ayaa dhinaca kale hablaha saraakisha ah ku booriyay in ay siiwataan waxbarashada.

“Waan idin soo dhawaynayaa, waanan idin hambalyaynayaa qoladiina dalacday, tacliinta siiwada, sii kordhiya, waana nu idiin ducaynaynaa, ayuu yidhi madaxweynuhu.

Madaxweynaha ayaa ku andaacooday in habluhu ay kaga fiicanyihiin raga shaqada booliska.

“Habluhu awood bay leeyihiin ay dadka wax kaga dhaadhiciyaan, waliba iyaga dadka jilicsanina wuu maqlayaa” ayuu yidhi madaxweynuhu.

“Waxa la’aaminsanyahay in inantu haday kiis baadho in ay ninka ka cadalad badantahay” ayuu madaxweynuhu hadalkiisa sii raaciyay.

Cabdiraxman Sh. Maxamed, Hiiraan Online
[email protected] 











Click here
3/28/2021 12:10 PM EST
Axad, Maarso, 28, 2021 (HOL) - Wasaarada ganacsiga Somaliland, ayaa jaangoysay qiimaha lasiin karo shidaalka Somaliland yimaada oo qaaliyoobay.

3/28/2021 9:56 AM EST
Axad, Maarso, 28, 2021 (HOL) - Xildhibaannada Golaha Shacabka ayaa lagu wargaliyay in maalinta berri ah ay ka soo qeybgalaan fadhi uu yeelanaya Golaha, kaasoo la sheegay in ajandihiisu yahay dhibaatada uu wadanka ku hayo caabuqa Covid 19

3/28/2021 8:57 AM EST
Axad, Maarso, 28, 2021 (HOL) - Xildhibaanadii laga joojiyay ka qeybgalka fadhiyada barlamaanka ayaa sharci darro ku tilmaamay go’aanka uu soo saray guddoomiye Maxamed Sheikh Cabdiraxmaan Mursal.

3/28/2021 7:08 AM EST
Axad, Maarso, 28, 2021 (HOL) - Ciidamo Puntland ah oo ka gadoodsan mushaar la’aan ayaa jidgooyooyin cusub dhigtay wadada isku xirta magaalooyinka Gaalkacyo iyo Garowe, iyagoo masuuliyiinta Puntland ka mamnuucay isticmaalka wadadaas.

3/28/2021 6:00 AM EST
Axad, Maarso, 28, 2021 (HOL) -Ciidamada Kenya ee ku sugan Soomaaliya ayaa helay dawadii ugu horeysay ee Tallaalka cudurka 'Covid-19'.

3/28/2021 5:48 AM EST
Axad, Maarso, 28, 2021 (HOL)- Wararka naga soo gaaraya gobolka Galguduud ee bartamaha Soomaaliya ayaa sheegaya in uu ku sii fidanayo deegaannada uu gobolku ka kooban yahay caabuqa Covid 19.

3/28/2021 3:06 AM EST
Axad, Maarso, 28, 2021 (HOL) -Xildhibaan Sadiiq Warfaa iyo Cabdirashiid Xidig oo ka mid ah mudanayaasha Baarlamaanka Soomaaliya ee Guddoonka Golaha Shacabku ka mamnuucay in ay ka soo qeybgalaan fadhiyada Golaha ayaa arintaa sharci darro ku tilmaamay.

3/28/2021 1:12 AM EST
Axad, Maarso, 28, 2021 (HOL) - Dowladda Soomaaliya ayaa sheegtay in howlgal ciidanka xoogga dalka Soomaaliyeed ay ka fuliyeen gobolka Shabeellaha Hoose ku dileen madaxii Qaraxyada Al-shabaab gobolka.