10/18/2021
Today from Hiiraan Online:  _
Wararka Maanta- Khamiis, Jun 24, 2021
Soomaaliya oo dalka Japan u diraysa ciyaartooydii ugu horeysay oo uga qeyb galaya cayaaraha Taekwondo-ga
 

Khamiis, Juun, 24, 2021 (HOL) - Dowladda Soomaaliya ayaa magaalada Tokyo ee caasimadda Japan u diraysa ciyaartooydii ugu horeysay ee uga qeyb galaya cayaaraha Taekwondo-ga oo muddo bil kadib dalkaas ka bilaabanaya.

Ma jiro ciyaartooy mataleysa Soomaaliya oo waligood billad ku qaatay Olombikada, laakiin Muniira Warsame oo 20 jir ah ayaa dadaal badan ugu jirta inay noqoto qofkii ugu horreeyay marka ay ka qeyb gasho ciyaaraha xagaaga.

Cayaaryahannada Soomaaliya u matalaysa Taekwondo-ka ayaa ku dhalatay dalka Ingiriiska kadib markii waalidkeed ay ka soo carareen colaadihii ka jiray Soomaaliya.

“Dareenka ah inaan matalayo wadankeyga ciyaaraha Olombikada markii ugu horeysay, waxay ahayd riyo aan ku taamayay nolosheyda tan iyo markii anigoo lix jir ah aan bilaabay Taekwondo. Sidoo kale waxay ii noqon khibrad aad u wanaagsan, "ayay tiri Muniira.

Sida laga soo xigtay guddiga Olombikada Soomaaliyeed, ugu yaraan lix ciyaartooy ayaa Soomaaliya ku matali doona Tokyo oo ka kooban seddex qaybood oo kala ah, taekwondo, feerka, iyo orodka.

In ka badan 11,000 oo ciyaartooy oo ka kala socda daafaha dunida ayaa la filayaa inay ka qeyb galaan ciyaaraha Tokyo, kuwaas oo dib loo qorsheeyay sanadkii hore sababtoo ah faafida cudurka coronavirus.

Abdiweli M. Sheikh, Hiiraan Online












Click here
6/24/2021 11:47 AM EST
Khamiis, Juun, 24, 2021 (HOL) - Bangiga dhexe ee Soomaaliya ayaa maanta shaaciyay in la qaadan karo lacagta kontonka dollarka, taasoo bilihii ugu dambeeyay laga diidanaa suuqyada sarifka iyo bangiyada kuyaala Soomaaliya.

6/24/2021 10:20 AM EST
Khamiis, Juun, 24, 2021 (HOL) - Wajiga koobaad ee dhismaha dekeda Berbera, oo ay hirgalisay shirkada DP World, ayaa maanta si rasmi ah loo furay.

6/24/2021 10:12 AM EST
Khamiis, Juun, 24, 2021 (HOL) - Taliyaha ciidamada Booliiska Soomaaliya Cabdi Xasan Maxamed Xijaar ayaa maanta Xafiiskiisa magaalada Muqdisho ku qaabilay wafdi ka socday Booliiska Caalamiga ah ee INTERPOL.

6/24/2021 7:24 AM EST
Khamiis, Juun, 24, 2021 (HOL) - Wararka ka imaanaya magaalada Nairobi ee dalka Kenya ayaa sheegaya in subaxnimadii hore ee maanta diyaraad nooca loo yaqaano Helikobtar oo u safreysay layli aay ku dhacday duleedka magaalada Nairobi.

6/24/2021 7:02 AM EST
Khamiis, Juun, 24, 2021 (HOL) - Dagaalamayaasha Al-shabaab ayaa sheegtay iney la wareegeen deegaano badan oo ku yaala gobolka Sh/dhexe oo aay isaga baxeen ciidamada dowladda Soomaaliya.

6/24/2021 5:32 AM EST
Khamiis, Juun, 24, 2021 (HOL) - Madaxweynaha Somaliland Muuse Biixi Cabdi, ayaa qaabilay wufuud ka kala timid wadamada Itoobiya iyo Gini Bissau oo Berbera u yimid ka qayb galka furitaanka dekeda.

6/24/2021 3:14 AM EST
Khamiis, Juun, 24, 2021 (HOL) - Dowladda Mareykanka ayaa sheegtay in ay si aad ah uga walaacsan tahay wararka sheegaya in daraasiin dad rayid ah lagu dilay intii lagu guda jiray duqeyn 22-kii bishan lala beegsaday suuq ku yaal waqooyiga Tigray.

6/24/2021 2:42 AM EST
Khamiis, Juun, 24, 2021 (HOL) - Ciidanka Badda Puntland ee PMPF ayaa xeebta degmada Qandala ee gobolka Bari ku qabtay Markab si sharci darro uga Kalluumaysanaayey Badda Soomaaliya.

6/24/2021 2:30 AM EST
Khamiis, Juun, 24, 2021 (HOL) - Ciidamada Falaagada TPLF ayaa la sheegay iney la wareegeen xarunta Raadeerada ee la socodka duulimaadyada gobolka Tigray.

6/24/2021 1:47 AM EST
Khamiis, Juun, 24, 2021 (HOL) - Warar dheeraad ah ayaa kasoo baxaya dagaal culus oo ciidamada dowladda iyo kuwa AMISOM oo isku dhinac ah iyo dagaalmayaasha Al-shabaab ku dhexmray deegaanka Biyo cadde ee gobolka Sh/dhexe.