10/21/2021
Today from Hiiraan Online:  _
Wararka Maanta- Axad, Jun 13, 2021
Hoggaamiyaha Kacdoonka Hiiraan oo ka hadlay kulan la sheegay inuu dhexmaray isaga iyo madaxweyne ku xigeenka Hirshabeelle
 

Axad, Juun, 13, 2021 (HOL) - Hoggaamiyaha Golaha Kacdoonka Hiiraan Jenaraal Abuukar Xaaji Warsame Xuud oo maanta shir jaraa'id ku qabtay gudaha magaalada Baledweyne ayaa si faahfaahsan uga hadlay kulan la sheegay inuu dhexmaray isaga iyo madaxweyne ku xigeenka Hirshabeelle Yuusuf Dabageed.

Jenaraal Abuukar Xuud ayaa sheegay ineysan jirin wax kulan gaar ah oo siyaasadeed oo dhexmaray isaga iyo madaxweyne ku xigeenka Hirshabeelle Yuusuf Dabageed balse aay jirto iney ku kulmeen kulan gaar ah oo aay beeshooda laheyd.

"Way jirtaa inaan Dabageed xalay kulanay ee majirin wax kulan gaar ah oo ina dhexmaray anniga iyo isaga ee waxaan ku kulanay kulan qaraabeysi ah oo beesha u dhaxeeyay, waxaana uu igu soo hadal qaaday in dadku naceen ana waxaan ku iri dadkada dhinac kasoo raac kuma necbe" ayuu yiri Jenaraal Abuukar Xuud.

Majirto wax war ah oo kasoo baxay dhanka madaxweyne ku xigeenka Hirshabeelle Yuusuf Axmed Hagar Dabageed oo ku aadan kulan la sheegay inuu xalay dhexmaray isaga iyo hoggaamiyaha Kacdoonka Hiiraan Jenaraal Xuud oo si weyn maanta ilaa xalay looga hadal haayay magaalada Baledweyne.

Jamaal Cali Cabdi, Hiiraan Online
[email protected]













Click here
6/13/2021 1:42 PM EST
Axad, Juun, 13, 2021 (HOL) - Mayarka caasimada Hargaysa Cabdiraxmaan Maxamuud Caydiid (Soltelco), ayaa kursiga mayarka Hargaysa oo uu marlabaad u ordayay uga tanaasulay xildhibaan Cabdikariim Axmed Mooge.

6/13/2021 1:28 PM EST
Axad, Juun, 13, 2021 (HOL) - Raysal wasaaraha Soomaaliya Maxamed Xuseen Rooble oo wehlinayeen madaxweynayaasha maamulada Hirshabeelle iyo Galmudug ayaa kulan kula qaatay maanta gudaha magaalada Muqdisho Danjiraha dowladda Mareykanka u fadhiya Soomaaliya Donald Yamamoto.

6/13/2021 9:22 AM EST
Axad, Juun, 13, 2021 (HOL) - Madaxweynaha dowladda Mareykanka Joe Biden ayaa ku dhawaaqay in ciidamo gaar ah oo Mareykan ah loo dirayo Kenya si ay gacan uga geystaan dadaallada ka dhanka ah Alshabab.

6/13/2021 9:00 AM EST
Axad, Juun, 13, 2021 (HOL) - Dowladda Soomaaliya ayaa sheegtay in Kenya ay dib u furan karto safaaraddeedii Muqdisho ayna dibloomaasiyiinteeda dib u bilaabi karaan howlahooda, taasoo ugu dambeyn soo afjari karta khilaafka labada dal.

6/13/2021 8:18 AM EST
Axad, Juun, 13, 2021 (HOL) - Guddiga farsamada arrimaha doorashooyinka dalka ee uu dhawaan magacaabay Raysal wasaaraha Soomaaliya Maxamed Xuseen Rooble ayaa maanta magaalada Muqdisho kulan kula qaatay kooxda Qaramada Midoobay u qaabilsan taageerada arrimaha doorashooyinka.

6/13/2021 7:13 AM EST
Axad, Juun, 13, 2021 (HOL)- Maxkamada sarre ee Somaliland oo dhawaan loo gudbiyay natiijadii hordhaca ahayd ee doorashada golayaasha deegaanka iyo wakiilada, ayaa soo saartay jadwalka ansixinta golayaasha deegaaka cusub. Warbixinta ay soo saartay maxkamada sarre ayaa u dhignayd sidan:- Abdilahi Abdi Rahman, Hiiraan Online [email protected]

6/13/2021 6:41 AM EST
Axad, Juun, 13, 2021 (HOL) - Duulimaadyadii diyaradaha Soomaaliya iyo Kenya aay si toos ah u bilaawday maantay oo Axad ah kadib markii aay hakad ku jireen muddo bil ah.

6/13/2021 5:22 AM EST
Axad, Juun, 13, 2021 (HOL) - Warar dheeraad ah ayaa kasoo baxaya howlgalo qorsheysan oo saacadahii lasoo dhaafay ciidamada Militariga Soomaaliya ka sameeyeen deegaano ka tirsan gobolka Sh/hoose.

6/13/2021 1:48 AM EST
Axad, Juun, 13, 2021 (HOL) - Madaxweynaha maamul goboleedka Hirshabeelle Cali Cabdullaahi Xuseen ayaa xilka qaadis ku sameeyay wasiir ku xigeenkii Amniga maamulka Hirshabeelle Xasan Maxamed Cilmi.