6/24/2021
Today from Hiiraan Online:  _
Wararka Maanta- Jimco, Jun 11, 2021
Puntland oo deegaanadeeda ka mamnuucday gudniinka gabdhaha


 

Jimco, Juun, 11, 2021, (HOL) - Puntland ayaa gabi ahaanba laga mamnuucay gudniinka hablaha sida lagu sheegay amar kasoo baxay masuuliyiinta ugu sareysa maamulkaas.

Go'aankan ayaa ka dhashay shirka golaha wasiirrada oo uu shir-guddoominayey Madaxweynaha Puntland Saciid Cabdullaahi Deni, halkaas oo wasiirradu u codeeyeen in gebi ahaanba la mamnuuco dhaqankan.

Wasiirka caddaalada, arrimaha diinta iyo dhaqan celinta, maamulka Puntland Cawil Sheekh Xaamid, ayaa saxaafada u sheegay in ciddii jabisa go’aanka maamulka ay la kulmi doonaan ciqaab.

Barlamaanka Puntland ayaa la horgayndoonaa sharcigan lagu mamnuucayo gudniinka gabdhaha. Wuxuuna sharci rasmi ah noqon doonaa marka uu barlamaanku ansixiyo madaxweynuhuna saxiixo.

Puntland waa maamulkii ugu horreeyay ee gebi ahaanba mamnuuca dhaqankan gudniinka oo horay muran badan u dhaliyay.

Sahanka Caafimaadka iyo Dadweynaha ee Soomaaliya (SHDS) ayaa sheegaya in 99% gudniin lagu sameeyay gabdhaha Soomaaliyeed ee da'doodu u dhaxayso 15 ilaa 49, sida ay sheegtay hay’adda UNFPA.

Abdiweli M. Sheikh, Hiiraan Online











Click here
6/11/2021 2:19 PM EST
Jimco, Juun, 11, 2021 (HOL) - Raysal Wasaaraha Soomaaliya Maxamed Xuseen Rooble ayaa maanta ka qeyb galay munaasabad si heer sare ah loo soo agaasimay oo aheyd mid isaga lagu soo dhaweynaayay oo ka dhacday degmada Deyniile ee gobolka Banaadir.

6/11/2021 2:15 PM EST
Jimco, Juun, 11, 2021 (HOL) - Xisbiga mucaaradka ah ee UCID, ayaa Cabdikariim Axmed Mooge, oo kaso baxay xisbiga Waddani uga tanaasulay loolanka mayornimada Hargaysa.

6/11/2021 8:46 AM EST
Jimco, Juun, 11, 2021 (HOL) - Waaliditaan ayaa maalintii labaad banaanbaxyo ka dhigay qeybo badan oo ka mid ah magaalada Muqdisho, waxayna dalbanayaan in caruurtooda dib loogu soo celiyo.

6/11/2021 8:39 AM EST
Jimco, Juun, 11, 2021, (HOL) - War kasoo baxay Xafiiska doorashooyinka ee dalka Itoobiya ayaa lagu sheegay in degaanno uu kamid yahay degaanka Soomaalidu doorashadii ka dhici lahayd dib loo dhigay.

6/11/2021 7:30 AM EST
Jimco, Juun, 11, 2021 (HOL)- Afhayeenka xisbiga Waddani Barkhad Jaamac Batuun, ayaa sheegay in axsaabta mucaaradku anay kasoo horjeedin hanka mayor nimo ee Cabdikariim Axmed Mooge Liibaan.

6/11/2021 4:31 AM EST
Jimco, Juun, 11, 2021 (HOL) - Wasaarada waxbarashada Somaliland, ayaa xagjirnimo ku tilmaantay go’aan ay Puntiland ku sheegtay in ay imtixinaaadka shahaadiga ah ee Somaliland kaga mamnuucayso gobolka Sanaag.

6/11/2021 3:00 AM EST
Jimco, Juun, 11, 2021 (HOL) - Raysal wasaaraha Soomaaliya Maxamed Xuseen Rooble ayaa warbixin ka dhageystay guddiga xaqiijinta guddiyada doorashooyinka, isagoona faray in habraaca hubinta la marsiiyo xubnaha cusub ee maamul goboleedyada soo magacabeen.

6/11/2021 1:35 AM EST
Jimco, Juun, 11, 2021, (HOL) - Maamul goboleedyada Hirshabeelle iyo Koofur Galbeed ayaa soo badelay xubnahii eedeynta laga soo gudbiyay lagu helay ee ku jiray guddiyada lagu murunsanaa ee doorashooyinka dalka.