6/24/2021
Today from Hiiraan Online:  _
Wararka Maanta- Jimco, Jun 11, 2021
Xisbiga Waddani oo ka hadlay hanka mayor nimo ee Cabdikariim Axmed Mooge


 

Jimco, Juun, 11, 2021 (HOL)- Afhayeenka xisbiga Waddani Barkhad Jaamac Batuun, ayaa sheegay in axsaabta mucaaradku anay kasoo horjeedin hanka mayor nimo ee Cabdikariim Axmed Mooge Liibaan.

Afhayeenka ayaa sheegay in xisbiga Waddani uu soo saaray Cabdikariim ayna taageersanyihiin hankiisa.

“Dareenka soo baxaya ee sheegay in axsaabta mucaaradka ahi anay arrinta Cabdikariim kawada sinayn, taas waxan leeyahay waa arrin aan meesheeda leekayn” ayuu yidhi.

“Cabdikariim abuurkiisa siyaasiga ahi wuxu ku yimid rabitaanka iyo ogolaanshaha guddoomiyaha xisbiga Waddani”.

Cabdikariim 8 xildhibaan ee uu wataaba waa mucaarad, lama hayo hal xildhibaan oo muxaafad ah oo taageersan” ayuu hadalkiisa ku daray.

Afhayeenka ayaa sheegay in uu aad ugu niyadsanyahay in Cabdikariim noqon doono mayorka caasimada Hargaysa.

“Alle dayici mayo dadaalkii ay sameeyeen dadka gobta ah ee gobolka maroodi jeex, waxanan isleeyahay Alle xagiisa ayaa laga aqbalay, rajo wayn baanan ka shakhsi ahaan ka qabaa in Cabdikariim uu noqon doono mayorka caasimada” ayuu yidhi.

Cabdikariim Axmed Mooge Liibaan oo ahaa xildhibaankii ugu codka badna abid doorashooyinka Somaliland, ayaa loolan adag ugu jira sidii uu u noqon laha mayor ka caasimada Hargaysa.

Abdilahi Abdi Rahman, Hiiraan Online
[email protected] 











Click here
6/11/2021 2:19 PM EST
Jimco, Juun, 11, 2021 (HOL) - Raysal Wasaaraha Soomaaliya Maxamed Xuseen Rooble ayaa maanta ka qeyb galay munaasabad si heer sare ah loo soo agaasimay oo aheyd mid isaga lagu soo dhaweynaayay oo ka dhacday degmada Deyniile ee gobolka Banaadir.

6/11/2021 2:15 PM EST
Jimco, Juun, 11, 2021 (HOL) - Xisbiga mucaaradka ah ee UCID, ayaa Cabdikariim Axmed Mooge, oo kaso baxay xisbiga Waddani uga tanaasulay loolanka mayornimada Hargaysa.

6/11/2021 8:46 AM EST
Jimco, Juun, 11, 2021 (HOL) - Waaliditaan ayaa maalintii labaad banaanbaxyo ka dhigay qeybo badan oo ka mid ah magaalada Muqdisho, waxayna dalbanayaan in caruurtooda dib loogu soo celiyo.

6/11/2021 8:39 AM EST
Jimco, Juun, 11, 2021, (HOL) - War kasoo baxay Xafiiska doorashooyinka ee dalka Itoobiya ayaa lagu sheegay in degaanno uu kamid yahay degaanka Soomaalidu doorashadii ka dhici lahayd dib loo dhigay.

6/11/2021 8:09 AM EST
Jimco, Juun, 11, 2021, (HOL) - Puntland ayaa gabi ahaanba laga mamnuucay gudniinka hablaha sida lagu sheegay amar kasoo baxay masuuliyiinta ugu sareysa maamulkaas.

6/11/2021 4:31 AM EST
Jimco, Juun, 11, 2021 (HOL) - Wasaarada waxbarashada Somaliland, ayaa xagjirnimo ku tilmaantay go’aan ay Puntiland ku sheegtay in ay imtixinaaadka shahaadiga ah ee Somaliland kaga mamnuucayso gobolka Sanaag.

6/11/2021 3:00 AM EST
Jimco, Juun, 11, 2021 (HOL) - Raysal wasaaraha Soomaaliya Maxamed Xuseen Rooble ayaa warbixin ka dhageystay guddiga xaqiijinta guddiyada doorashooyinka, isagoona faray in habraaca hubinta la marsiiyo xubnaha cusub ee maamul goboleedyada soo magacabeen.

6/11/2021 1:35 AM EST
Jimco, Juun, 11, 2021, (HOL) - Maamul goboleedyada Hirshabeelle iyo Koofur Galbeed ayaa soo badelay xubnahii eedeynta laga soo gudbiyay lagu helay ee ku jiray guddiyada lagu murunsanaa ee doorashooyinka dalka.