6/24/2021
Today from Hiiraan Online:  _
Wararka Maanta- Jimco, Jun 11, 2021
Somaliland oo ka jawaabtay war ay Puntland kasoo saartay imtixaanaadka shahaadiga ah ee gobolka Sanaag


 

Jimco, Juun, 11, 2021 (HOL) - Wasaarada waxbarashada Somaliland, ayaa xagjirnimo ku tilmaantay go’aan ay Puntiland ku sheegtay in ay imtixinaaadka shahaadiga ah ee Somaliland kaga mamnuucayso gobolka Sanaag.

Qoraal ay soo saartay wasaarad waxbarashada Somaliland, ayaa lagu sheegay in wasaarada waxbarashadu ay u xilsaarantahay kobcinta aqoonta iyo garaadka bulshada isla markaana imtaxanaadka ay qaadaysay muddo 25 sano.

“Wasaarada waxbarashada Somaliland waxay u xilsaarantahay in bulshada aqoontooda iyo garaad kooda la kobciyo, 25 sano ee u danbeeyay waxa si habsaami ah imtaxaan ka looga qaadayay dhamaan ardayda dalka” ayaa lagu yidhi qoraalka.

Wasaarada waxbarashada ayaa go’aanka dowlad goboleedka Puntland ku tilmaantay mid xag jir ah oo sharciga baal marsan.

“Waxaanu baraha bulshada ku aragnay warqad kasoo baxday maamul goboleedka Puntland ee Soomaaliya oo u jeedadeedu tahay khal khal galinta goobaha imtaxaanaadka shahaadiga ah ee qaybo kamida dalka”.

“Wasaarada waxbarashadu waxay u aragtaa qoraalkaas hadal xagjirnimo ah, oo aan sharciyad ku dhisnayan, oo aan haba yaraatee wax samayn ah ku yeelan doonin howlaha qaadista imtaxaanaadka shahaadiga ah” ayaa lagu yidhi qoraalka.

Wasaarada waxbarashada ayaa maamulka gobolka Badhan fartay in ay fiiro gaara u yeeshan dhaqdhaqaaqyada Puntland.

“Waxanu maamulka gobolka Bahdan faraynaa, in ay fiiro gaara u yeeshaaan, hadalka xagjirnimo da ah si aan waalidiinta iyo ardayda loo galin dareen aan jirin”ayaa lagu yidhi qoraalka.

Hadalka kasoo baxday dowlad goboleedka Puntland, ayaa imanaya xili 19 bishan Juun imtixanaadka shahaadiga ah looga fadhiisan doono guud ahaan Somaliland.

Abdilahi Abdi Rahman, Hiiraan Online
[email protected] 











Click here
6/11/2021 2:19 PM EST
Jimco, Juun, 11, 2021 (HOL) - Raysal Wasaaraha Soomaaliya Maxamed Xuseen Rooble ayaa maanta ka qeyb galay munaasabad si heer sare ah loo soo agaasimay oo aheyd mid isaga lagu soo dhaweynaayay oo ka dhacday degmada Deyniile ee gobolka Banaadir.

6/11/2021 2:15 PM EST
Jimco, Juun, 11, 2021 (HOL) - Xisbiga mucaaradka ah ee UCID, ayaa Cabdikariim Axmed Mooge, oo kaso baxay xisbiga Waddani uga tanaasulay loolanka mayornimada Hargaysa.

6/11/2021 8:46 AM EST
Jimco, Juun, 11, 2021 (HOL) - Waaliditaan ayaa maalintii labaad banaanbaxyo ka dhigay qeybo badan oo ka mid ah magaalada Muqdisho, waxayna dalbanayaan in caruurtooda dib loogu soo celiyo.

6/11/2021 8:39 AM EST
Jimco, Juun, 11, 2021, (HOL) - War kasoo baxay Xafiiska doorashooyinka ee dalka Itoobiya ayaa lagu sheegay in degaanno uu kamid yahay degaanka Soomaalidu doorashadii ka dhici lahayd dib loo dhigay.

6/11/2021 8:09 AM EST
Jimco, Juun, 11, 2021, (HOL) - Puntland ayaa gabi ahaanba laga mamnuucay gudniinka hablaha sida lagu sheegay amar kasoo baxay masuuliyiinta ugu sareysa maamulkaas.

6/11/2021 7:30 AM EST
Jimco, Juun, 11, 2021 (HOL)- Afhayeenka xisbiga Waddani Barkhad Jaamac Batuun, ayaa sheegay in axsaabta mucaaradku anay kasoo horjeedin hanka mayor nimo ee Cabdikariim Axmed Mooge Liibaan.

6/11/2021 3:00 AM EST
Jimco, Juun, 11, 2021 (HOL) - Raysal wasaaraha Soomaaliya Maxamed Xuseen Rooble ayaa warbixin ka dhageystay guddiga xaqiijinta guddiyada doorashooyinka, isagoona faray in habraaca hubinta la marsiiyo xubnaha cusub ee maamul goboleedyada soo magacabeen.

6/11/2021 1:35 AM EST
Jimco, Juun, 11, 2021, (HOL) - Maamul goboleedyada Hirshabeelle iyo Koofur Galbeed ayaa soo badelay xubnahii eedeynta laga soo gudbiyay lagu helay ee ku jiray guddiyada lagu murunsanaa ee doorashooyinka dalka.