10/21/2021
Today from Hiiraan Online:  _
Wararka Maanta- Axad, July 25, 2021
Ciiddanka booliiska gobolka Banaadir oo gacanta kusoo dhigay maleyshiyaadkii ku dagaalamay Ex-kantarool Afgooye
 

Axad, Luulyo, 25, 2021 (HOL) - Taliska ciiddanka booliiska Soomaaliya, ayaa xalay magaalada Muqdisho kusoo bandhigay maleyshiyaadkii ka dambeeyay is-rasaasayn shalay subax ka dhacday Ex-kantarool Afgooye, halkaas oo ay ka dhalatay dhimashada afar qof oo shacab ahaa.

Ciiddamada booliiska ayaa maleyshiyadan iyo hubkooda kusoo qabtay howlgal qorshaysan oo xalay fiid laga sameeyay degmada Deyniile ee gobolka Banaadir, kadib markii laamaha amnigu dabagal ku sameeyeen.

Afhayeenka ciiddamada booliiska Soomaaliya, Cabdifataax Xasan Aadan oo warbaahinta la hadlay, ayaa sheegay in maleyshiyadan gacanta lagusoo dhigay iyagoo ku sugnaa isbaarooyin u yiilay gudaha Deyniile.

“Ciiddanka booliiska Soomaaliyeed waxay qorsheeyeen operation lagusoo qabqabanayo maleyshiyaadkaas. Ciiddanka qeybta booliiska gobolka Banaadir oo iskaashanaya, xuuraan iyo dababagal dheer kadib, waxay abbaaro kow iyo tobankii galabta (shalay) weerareen goobtii ay ku dhuumaaleysanayeen maleyshiyaadkii dilka iyo dhaca u geystay bulshada Soomaaliyeed, waxayna gacanta kusoo dhigeen qaar kamid ah iyo hubkoodii,” ayuu yiri afhayeenka booliiska.”

Afhayeenka ciiddanka booliiska wuxuu sheegay in la horgayn doono caddaalada, si loogu qaado dambiga ay ka geysteen ex- kantarool Afgooye, halkaas oo ay dad shacab ah oo ay waayeel ay ku jiraan ku laayeen.


Abdiweli M. Sheikh, Hiiraan Online
 












Click here
7/25/2021 1:01 PM EST
Axad, Luulyo, 25, 2021 (HOL) - Xildhihaan Abiibakar Siciid Cali Gaboobe oo xisbiga Kulmiye uga soo baxay gobolka Awdal, ayaa sheegay in xisbiyada isbahaysiga mucaaradka Somaliland ay u sheegeen in ay siin doonaan $100k hadii uu taageero xubnaha mucaaradku u sharaxeen doorashada shirgudoonka wakiilada.

7/25/2021 9:05 AM EST
Axad, Luulyo, 25, 2021 (HOL) - Shacabka ku dhaqan magaalada Diridhabe ayaa subaxnimadii hore ee maanta isugu soo baxay banaanbax ay ku taageerayeen Ciidamada Qaranka Isla markaana ay kaga soo horjeedeen kooxda TPLF.

7/25/2021 7:48 AM EST
Axad, Luulyo, 25, 2021 (HOL) - Ra'iisul Wasaaraha xukuumada Soomaaliya, Maxamed Xuseen Rooble ayaa magacaabay guddi ka kooban 13 xubnood oo qaabilsan u ololeynta iyo xaqiijinta qoondada haweenka ugu yaraan 30% ee labada aqal ee BFS.

7/25/2021 6:44 AM EST
Axad, Luulyo, 25, 2021 (HOL) - Taliyaha ciidamada Booliiska Soomaaliya Jenaraal Cabdi Xasan Maxamed Xijaar ayaa magacaabay Afhayeenka cusub ee ciidamada Booliiska Soomaaliya.

7/25/2021 5:27 AM EST
Axad, Luulyo, 25, 2021 (HOL) - Warar dheeraad ah ayaa kasoo baxaya tiro hoobiyeyaal ah oo Xalay lagu garaacay degmada Awdhiigle ee gobolka Sh/hoose.

7/25/2021 5:00 AM EST
Axad, Luulyo, 25, 2021 (HOL) - Guddoomiyaha Baarlamaanka maamulka Koofur Galbeed Soomaaliya Cali Saciid Faqi ayaa maanta magacaabay xubnaha Xildhibaanada golaha Wakiilada qabashada doorashada Aqalka Sare.

7/25/2021 2:41 AM EST
Axad, Luulyo, 25, 2021 (HOL) - Xoghayaha gaashaandhigga Mareykanka Lloyd Austin ayaa sheegay in duqeymaha mareykanka ee lagu bartilmaameedsanayo Al-Shabaab ay xoojinayaan weerarada ka dhanka ah kooxda argagixisada ee xiriirka la leh Al-Qaacida.

7/25/2021 2:34 AM EST
Axad, Luulyo, 25, 2021 (HOL) - Guddiga xallinta khilaafaadka doorashooyinka, ayaa soo saaray sharuudaha cabashooyinka aqalka sare, xilli maanta lagu wado in la shaaciyo guddiyada doorashooyinka iyo musharraxiinta aqalka sare.