5/14/2021
Today from Hiiraan Online:  _
Wararka Maanta- Isniin, Jan 4 , 2021
Ururka warbaahinta Puntland ee MAP oo afduub ku tilmaamay weriye muddo 8 cishe ah u xiran hay'adda amniga


 

Isniin, Janaayo, 04, 2021 (HOL) - Ururka warbaahinta Puntland MAP ayaa afduub ku tilmaamay xarriga weriye lagu magacaabo Kilwe Adan Faarax oo kamid ah saxafiyiinta ka howlgali jiray Garowe, kaas oo maalintii 8aad u xiran Hay’adda Sirdoonka iyo nabadsugidda Puntland (PISA).

MAP waxay sheegtay in weriyaha oo aan saldhig iyo xabsi toona lagu xirin, aan loo ogolaan eheladiisa iyo qareenaba u doodaya inay arkaan, waxayna ku tilmaamtay ku tumasho iyo baalmarid dastuurka Puntland Qodobadiisa ilaalinaya xurriyada saxaafada.

MAP waxay walaac ka muujisay xaalada caafimaad ee Kilwe ku suganyahay, waxayna dalbatay dhakhaatiir baaritaan ku sameysa badqabdkiisa jireed iyo mid nafsiba.

“Waxaan mar kale ugu yeereynaa Puntland inaysan baalmarin sharciga islamarkasina ku dhaqanto dastuurka iyo xeerarka dalka u yaal, waxaana dalbaneynaa sii-deyn shuruud la’aan ah,” ayaa lagu yiri qoraalka MAP.

Lama oga sababta loo xiray weriyahan, waxaase xogta aan helayno ay sheegaysaa in loo haysto baahinta mudaharaad rabshado watay oo dhawaan Garowe ka dhacay oo loogasoo horjeeday diidmada lacagta shilinka Soomaaliga.

Hay’addaha amniga way diideen inay ka hadlaan xarriga weriyahan.

Madaxweynaha Puntland Siciid Deni ayaa markuu ahaa musharaxa madaxeynaha wuxuu ballanqaaday in aan ciddina loo xiridoonin afkaartooda, balse hadda waxaa muuqata in arrintaas laga dhabayn.

Abdisalan Nur Dirie, Hiiraan Online
[email protected]











Click here
1/4/2021 3:46 PM EST
Isniin, Janaayo, 04, 2021 (HOL) - Sacuudi Carabiya ayaa dib u furi doonta hawadeeda iyo soohdinta dhulka iyo badda ee Qatar laga bilaabo Isniinta caawa, Wasiirka arrimaha dibadda ee Kuweyt ayaa sidaasi sheegay, isagoo tixraacayay heshiis lagu xallinayo khilaaf siyaasadeed ee horseeday Riyadh iyo xulafadeeda inay go’doomiyaan Qatar.

1/4/2021 9:50 AM EST
Isniin, Janaayo, 04, 2021 (HOL) -Dowladda Britain ayaa badashay safiirkeedii Soomaaliya Amb, Ben Fender iyadoo soo magacaawday safiir cusub oo noqoneysa haweeney lagu magacaabo Kate Foster

1/4/2021 6:29 AM EST
Isniin, Janaayo, 04, 2021 (HOL) - Guddoomiyaha maamulka gobolka Mudug ee dowlad goboleedka Puntland ayaa soo saaray amar ku wajahan Sheekh Cabdulxaq Xasan Macalin oo loo yaqaano Sheekh Rusheeye oo shalay galinkii dambe gaaray magaalada Gaalkacyo si uu halkaasi uga bilaabo howlaha Quraan saarka ah ee uu bulshada u haayo.

1/4/2021 3:19 AM EST
Isniin, Janaayo, 04, 2021 (HOL) - Ninkan oo maalmhii aynu soo dhaafnay siweyn uga soo muuqday baraha bulshada isaga oo rasaas ku ridaya gabdho Soomaaliyeed oo ku dibadbaxayay magaalada Muqdisho ayeey dowladdau xaqiijisay in uu ka tirsanaa ciidanka Booliiska Soomaaliyeed.

1/4/2021 2:20 AM EST
Isniin, Janaayo, 04, 2021 (HOL) - Madaxweynaha Dowladda Soomaaliya Maxamed Cabdullaahi Farmaajo ayaa xalay xarunta madaxtooyada kulan saacado badan qaatay kulan yeeshay madaxweynaha maamulka Koonfur Galbeed Cabdicasiis Xassan Maxamed Lafta-Gareen.

1/4/2021 1:53 AM EST
Isniin, Janaayo, 04, 2021 (HOL) - Midowga musharixiinta ayaa ku gacan seyray go'aankii ay dowladda Soomaaliya uga mamnuucday garoonka diyaaradaha Aadan Cadde ee magaalada Muqdisho hubka marka laga reebo hubka ay wattaan madaxda sare ee dowladda Soomaaliya.

1/4/2021 1:12 AM EST
Isniin, Janaayo, 04, 2021 (HOL) - Dagaal culus oo u dhaxeeya ciidamada dowladda Soomaaliya iyo Al-shabaab ayaa lagu waramayaa in xalay uu ka dhacay gudaha degmada.

1/4/2021 12:50 AM EST
Isniin, Janaayo, 04, 2021 (HOL) - Al-shabaab ayaa sii deysay fariin maqal iyo muuqaal ah oo hogaamiyahooda, Abu Ubaidah oo uu kaga hadlayo 5 dagaalyahan oo ka tirsan kooxdooda, oo weerar ku qaaday saldhigga ciidamada badda Mareykanka ee Lamu Kenya.