3/2/2021
Today from Hiiraan Online:  _
Wararka Maanta- Arbaco, Jan 20, 2021
Golaha Midowga murashixiinta oo madaxweyne Farmaajo ugu baaqay inuu si dhab ah uga hadlo dhalinyarada tababarka loogu qaaday Ertirea


 

Arbaco, Janaayo, 20, 2021 (HOL) - Golaha midowga murashixiinta madaxweynaha Soomaaliya, ayaa maanta ugu baaqay madaxweyne Farmaajo inuu si dhab ah uga hadlo xaaladda ay ku sugan yihiin dhalinyarada Soomaaliyeed ee tababarka loogu qaaday Eritrea iyo wararka sheegaya in qaar kamid ah ay ku dhinteen dagaalada Ethiopia ka socday.

Afhayeenka golaha midowga murashixiinta Ridwaad Xirsi oo shir jaraa’id ku qabtay Muqdisho, ayaa ku baaqay in aan la dhayalsan dareenka waalidiinta Soomaaliyeed ee ka welwelsan ubadkooda islamarkaana laga dhigan in yihiin dad uu mucaaradku soo abaabulay oo lacago lagu siiyay in ay been sheegaan.

Afhayeenka midowga murashixiinta wuxuu sheegay hadal uu dhawaan bixiyay wasiirka warfaafinta Soomaaliya inuu abuuray shaki welwel galiyay waalidiinta ilmahooda ka maqan yihiin, kadib markii uu wasiirku ka meermeeray inuu caddeeyo in dhalinyaro Soomaaliyeed ay tababar ugu maqan yihiin dalka Eritrea.

“Waxaa dowladda looga baahan yahay in ay dadka u keento caddeymo cad cad. Looma baahna in laga dhigo arin siyaasadaysan,”ayuu yiri afhayeenka midowga musharixiinta.  

Wasiirka warfaafinta Soomaaliya Cismaan Dubbe ayaa habeen hore beeniyay wararka ku saabsan in dhalinyaro  tababar ciidan loogu qaaday Eritrea ay ku dhinteen dagaalada ka socday waqooyiga  Ethiopia.

Abdiweli M. Sheikh, Hiiraan Online
[email protected]












Click here
1/20/2021 11:37 AM EST
Arbaco, Janaayo, 20, 2021 (HOL) - Guddiga Arrimada Dibadda Golaha Baarlamaanka Soomaaliya ayaa qoraal ku saabsan ciidamadii tababarka loo geeyay dalka Eritrea waxaa ay u gudbiyeen madaxweynaha Soomaaliya, Maxamed Cabdullaahi Farmaajo.

1/20/2021 8:06 AM EST
Arbaco, Janaayo, 20, 2021 (HOL) - Madaxweynaha dowlad goboleedka Jubaland Axmed Madoobe ayaa kulan kula qaatay hab maqal iyo muuqaal ah Wakiilada beesha Caalamka u jooga Soomaaliya, sida lagu sheegay qoraal kasoo baxay madaxtooyada Jubbaland.

1/20/2021 6:02 AM EST
Arbaco, Janaayo, 20 2021 (HOL) - Faah faahin dheeraad ah ayaa ka soo baxay qarax magaalada Muqdisho lagula eegtay gaariga guddoomiyaha degmada Yaaqshiid ee gobolka Banaadir Axmed Cabdullaahi Cariif.

1/20/2021 5:45 AM EST
Arbaco, Janaayo, 20, 2021 (HOL) - Cali Jeyte Cismaan guddoomiyaha maamulka gobolka Hiiraan ayaa si adag uga hadlay dilal la xariira aanoyin qabiil oo maalmahii lasoo dhaafay kusoo badanayay wadada xariirisa magaalooyinka Matabaan iyo Guriceel oo ka kala tirsan gobolada Hiiraan iyo Galgaduud.

1/20/2021 5:30 AM EST
Arbaco, Janaayo, 20 2021 (HOL) - Taliye ku xigeenkii hore ee Sirdoonka Soomaaliya ayaa ku baaqay baaritaan madax-bannaan oo lagu sameeyo warka ku saabsan in dhalinyarro Soomaaliyeed laga qeybgaliyay dagaalkii Waqooyiga Itoobiya intooda badanna halkaa lagu dilay.

1/20/2021 4:13 AM EST
Arbaco, Janaayo, 20, 2021 (HOL) - Dowladda Federaalka Soomaaliya ayaa ka hadashay duqeyn ciidanka Mareykanka ay ka fuliyeen saacadihii la soo dhaafay deegaanno ka tirsan gobolka Shabeellaha Hoose.

1/20/2021 3:46 AM EST
Arbaco, Janaayo, 20, 2021 (HOL) - Ururada siyaasada Puntland ayaa walaac xoogan ka muujiyay kalsoonida hay’addaha garsoorka Puntland iyo dhaqmid la’aanta dastuurka, xilli ay Puntland isku diyaarinayso in ay u guurto nidaamka xisbiyada badan ee dimuqraadiyada ku salaysan.

1/20/2021 3:18 AM EST
Arbaco, Janaayo, 20, 2021 (HOL) - Munaasabad lagu daahfurayay mashruuc Midowga Yurub uu maalgeliyay oo ku saabsan Kalluumeysiga iyo xoolaha ayaa saaka ka dhacay Hotel Decale ee magaalada Muqdisho.

1/20/2021 12:18 AM EST
Arbaco, Janaayo, 20, 2021 (HOL) - Maanta ayaa lagu wadaa in uu xafiiska si rasmi ah ula wareego madaxweynaha cusub ee dalka Mareykanka Joseph Robinette Biden Jr.

1/20/2021 12:08 AM EST
Arbaco, Janaayo, 20, 2021 (HOL) - Kaddib howlgal ay sameeyeen ciidamada dowladda Soomaaliya ayaa lagu waramayaa in ay kula wareegeen deegaanno muhiim ah oo ka tirsan gobolka Jubbada hoose kuwaa oo markii hore gacanta ugu jira xoogagga Ururka Al-shabaab