3/28/2024
Today from Hiiraan Online:  _
Wararka Maanta- Arbaco, Jan 20, 2021
Cabdisalaan Guuleed'' Waxaan heynaa macluumaad ku saabsan in askar Soomaaliyeed lagu dilay dagaalkii Itoobiya

 

Arbaco, Janaayo, 20  2021 (HOL) - Taliye ku xigeenkii hore ee Sirdoonka Soomaaliya ayaa ku baaqay baaritaan madax-bannaan oo lagu sameeyo warka ku saabsan in dhalinyarro Soomaaliyeed laga qeybgaliyay dagaalkii Waqooyiga Itoobiya intooda badanna halkaa lagu dilay.

Cabdisalaam Guuleed ayaa  ayaa sheegay in uu isugu hayo xog ku saabsan dhalinyarrada Soomaaliyeed ee laga qeybgaliyay dagaalka Tigrayga isaga oo intaa ku darray in badan oo ka mid ah dhalinyaradaa in lagu dilay dagaalka.

Dhalinyarradan ayaa la sheegay in ka hor inta aan loo dirin dagaalka in ay tababar u joogeen dalka Eritrea kaddib safar qarsoodi ah oo ay dowladda Soomaaliya ugu gudbisay dhinaca Itoobiya.

Waalidiinta carruurtan la sheegay in loo qaaday dagaalka oo hadlay ayaa sheegay in ay wax war ah ka heynin meel ay caruurtooda ku sugan yihiin, dowladdana ilaa iyo hadda aysan wax jawaab ah ka siinin,.

Guuleed wuxuu sheegay in ay jiraan  taliyayaal ka tirsan ciidanka Itoobiya oo la wadaagay maclumaadka iyo warka arintan ku saabsan ee ah in Askar Soomaaliyeed ku lug lahaayeen dagaalkii Waqooyiga Itoobiya.

“Ma jirto waddo ay taliyeyaashan Itoobiya ay been iigu sheegaan, askarta Soomaalida ee ka barbar dagaalamaysa ciidamada Eriteriya oo ay hogaamiyaan saraakiisha militariga Eritrea ayaa lagu dilay dagaalkii ka dhacay Tigray,” ayuu yiri Guuleed. "Waxaan u maleynayaa sababta loo diley askartan tirada badan in ay qayb ka tahay arrimo dhowr ah oo ay ka mid yihiin, khibrad la'aan, aqoon la'aan ku saabsan aagagga lagu dagaallamayo iyo taliyayaasha Ereteriya oo aan waligood ka fikireynin khasaaraha askarta Soomaaliya."

Ku-xigeenkii hore ee sirdoonka ayaa ka falcelinayay hadalkii wasiirka Warfaafinta Cismaan  Dube oo beeniyay warku saabsan in Askar Soomaaliyeed lagu laayay dagaalkii Itoobiya.

Wasiirka ayaa sheegay in warka ku saabsan in askar Soomaali ay dowladdu u dirtay dagaalkii ugu danbeeyay ee ka dhacay Waqooyiga Itoobiya uu yahay mid been abuur ah oo la siyaasadeynayo.

Cabdiraxmaan Diini, Hiiraan Online
[email protected]   















Click here
1/20/2021 11:37 AM EST
Arbaco, Janaayo, 20, 2021 (HOL) - Guddiga Arrimada Dibadda Golaha Baarlamaanka Soomaaliya ayaa qoraal ku saabsan ciidamadii tababarka loo geeyay dalka Eritrea waxaa ay u gudbiyeen madaxweynaha Soomaaliya, Maxamed Cabdullaahi Farmaajo.

1/20/2021 8:45 AM EST
Arbaco, Janaayo, 20, 2021 (HOL) - Golaha midowga murashixiinta madaxweynaha Soomaaliya, ayaa maanta ugu baaqay madaxweyne Farmaajo inuu si dhab ah uga hadlo xaaladda ay ku sugan yihiin dhalinyarada Soomaaliyeed ee tababarka loogu qaaday Eritrea iyo wararka sheegaya in qaar kamid ah ay ku dhinteen dagaalada Ethiopia ka socday.

1/20/2021 8:06 AM EST
Arbaco, Janaayo, 20, 2021 (HOL) - Madaxweynaha dowlad goboleedka Jubaland Axmed Madoobe ayaa kulan kula qaatay hab maqal iyo muuqaal ah Wakiilada beesha Caalamka u jooga Soomaaliya, sida lagu sheegay qoraal kasoo baxay madaxtooyada Jubbaland.

1/20/2021 6:02 AM EST
Arbaco, Janaayo, 20 2021 (HOL) - Faah faahin dheeraad ah ayaa ka soo baxay qarax magaalada Muqdisho lagula eegtay gaariga guddoomiyaha degmada Yaaqshiid ee gobolka Banaadir Axmed Cabdullaahi Cariif.

1/20/2021 5:45 AM EST
Arbaco, Janaayo, 20, 2021 (HOL) - Cali Jeyte Cismaan guddoomiyaha maamulka gobolka Hiiraan ayaa si adag uga hadlay dilal la xariira aanoyin qabiil oo maalmahii lasoo dhaafay kusoo badanayay wadada xariirisa magaalooyinka Matabaan iyo Guriceel oo ka kala tirsan gobolada Hiiraan iyo Galgaduud.

1/20/2021 4:13 AM EST
Arbaco, Janaayo, 20, 2021 (HOL) - Dowladda Federaalka Soomaaliya ayaa ka hadashay duqeyn ciidanka Mareykanka ay ka fuliyeen saacadihii la soo dhaafay deegaanno ka tirsan gobolka Shabeellaha Hoose.

1/20/2021 3:46 AM EST
Arbaco, Janaayo, 20, 2021 (HOL) - Ururada siyaasada Puntland ayaa walaac xoogan ka muujiyay kalsoonida hay’addaha garsoorka Puntland iyo dhaqmid la’aanta dastuurka, xilli ay Puntland isku diyaarinayso in ay u guurto nidaamka xisbiyada badan ee dimuqraadiyada ku salaysan.

1/20/2021 3:18 AM EST
Arbaco, Janaayo, 20, 2021 (HOL) - Munaasabad lagu daahfurayay mashruuc Midowga Yurub uu maalgeliyay oo ku saabsan Kalluumeysiga iyo xoolaha ayaa saaka ka dhacay Hotel Decale ee magaalada Muqdisho.

1/20/2021 12:18 AM EST
Arbaco, Janaayo, 20, 2021 (HOL) - Maanta ayaa lagu wadaa in uu xafiiska si rasmi ah ula wareego madaxweynaha cusub ee dalka Mareykanka Joseph Robinette Biden Jr.

1/20/2021 12:08 AM EST
Arbaco, Janaayo, 20, 2021 (HOL) - Kaddib howlgal ay sameeyeen ciidamada dowladda Soomaaliya ayaa lagu waramayaa in ay kula wareegeen deegaanno muhiim ah oo ka tirsan gobolka Jubbada hoose kuwaa oo markii hore gacanta ugu jira xoogagga Ururka Al-shabaab