3/2/2021
Today from Hiiraan Online:  _
Wararka Maanta- Sabti, Jan 16, 2021
Maamulka gobolka Hiiraan oo digniin adag u diray ciidamada Liyuu Booliska dowlad deegaanka Soomaalida Itoobiya


 

Sabti, Janaayo, 16, 2021 (HOL) - Guddoomiyaha maamulka gobolka Hiiraan Cali Jeyte Cismaan ayaa sheegay in ciidamada Liyuu Boolis ee dowlad deegaanka Soomaalida Itoobiya aay dhibaatooyin kala duwan ka geystaan deegaano ka tirsan gudaha gobolka Hiiraan.

Guddoomiye Jeyte ayaa sheegay in ciidamada Liyuu Boolis ay maalin walba dad shacab ah oo ku nool deegaano ka tirsan gobolka Hiiraan aay iska xirtaan iyagoo aanan waxba galabsan taasina waa afduub afduubna kama yeeli doono ciidaamada Liyuu Boolis ayuu yiri guddoomiye Jeyte.

“Indhaha kama qabsan doono dhibaatoyinka iyo tacadiga ciidanka Liyuu Boolis ee maalin walba dadka ka xir xiraayo gudaha Soomaaliya gar ahaan xududka Hiiraan, dad isugu jiro shacab iyo ciidan ayay si afduub ah uga qabsadeen inta u dhaxeeyso deegaanada Xudayweglle iyo Dareerta sifo sharci darro ah ayayna ku heestan mana jirto cid nagala hadashay arintaas oo nagala xajootay waxana ay arintaas dhalineeysa cawaqiib xumo daran oo dhalan karta” ayuu yiri Cali Jeyte.

Sidoo kale guddoomiyaha maamulka gobolka Hiiraan Cali Jeyte Cismaan ayaa sheegay in maamulka Hiiraan uu ka jawaab celin doono dhibaatada ciidamada Liyuu Booliis aay ka wadaan xaduud beenaadka ay wadaagaan gobolka Hiiraan iyo dowlad deegaanka Soomaalida Itoobiya.

Jamaal Cali Cabdi, Hiiraan Online
[email protected]












Click here
1/16/2021 12:36 PM EST
Sabti, Janaayo, 16, 2021 (HOL) - Nicodemus Musyoki Ndalana, Guddoomiyaha Gobolka Waqooyi Bari Kenya ayaa waxba kama jiraan ku tilmaamay hadalkii ka soo yeeray guddoomiyaha Mandera Ali Roba oo sheegay in 50 % Al-shabaab maamulaan degmada.

1/16/2021 9:49 AM EST
Sabti, Janaayo, 16, 2021 (HOL) - Guddiga Puntland u xilsaartay kasoo talo bixinta qiimo dhaca ku yimid lacagta shilinka Soomaaliga ayaa galabta soo saaray go’aamo wax looga qabanayo dhibaatada ka dhalatay sicirka bararka dollarka iyo diidmada shilin Soomaaliga.

1/16/2021 9:13 AM EST
Sabti, Janaayo, 16, 2021 (HOL) -Yoweri Museveni ayaa ugu danbeyntii ku guuleystay doorashadii dalka Uganda markii lixaad isaga oo codadkii la dhiibtay helay 59 %, waxaana natiijada doorashadan dood ka keenay siyaasiga da'da yar ee lagu magacaabo Bobi Wine.

1/16/2021 8:21 AM EST
Sabti, Janaayo, 16, 2021 (HOL) - Madaxweynaha Dowlad Gobolleedka Koonfur Galbeed Cabdicasiis Xassan Maxamed Laftagareen ayaa gaaray magaalada degmada Xudur ee gobolka Bakool oo ay ka jirto xaalad nolaleed oo aad u adag.

1/16/2021 8:04 AM EST
Sabti, Janaayo, 16, 2021 (HOL) - Guddoomiyaha Gobolka Banaadir ahna Duqa Muqdisho Cumar Maxamuud Maxamed (Cumar Filish) ayaa maanta furaha gurigiisa ku wareejiyay muwaadin Soomaaliyeed oo muddo 30 sano ah laga heystay.

1/16/2021 6:18 AM EST
Sabti, Janaayo, 16, 2021 (HOL) - Wararka ka imanaya gobolka Awdal ayaa sheegay in subaxnimadii hore ee saakay xabsiga loo taxaabey Afar Wariye oo ka howlgalayay magaalada Boorame.

1/16/2021 4:52 AM EST
Sabti, Janaayo, 16, 2021 (HOL) - Wararka ka imanaya gobolka Galguduud ayaa sheegaya in ciidamada dowladda wali ku raad joogaan maleeshiyaad shan ruux ku dishay deegaan hoostaga degmada Balanbale.

1/16/2021 3:17 AM EST
Sabti, Janaayo, 16, 2021 (HOL) - Diowladda Jabuuti ayaa cambaareysay weerar habeen hore lagu qaaday saldhig ku yaala gobolka Tajura waxaana ay ku baaqday dib loo soo celiyo xasiloonida gobolka.

1/16/2021 12:08 AM EST
Sabti, Janaayo, 16, 2021 (HOL) - Dowladda Ingiriiska ayaa Soomaaliya u tababartay 113 askari oo ah dufcadii ugu dambeysay oo qeyb ka ah guud ahaan 500 askari oo qeyb ka qaadandoona la dagaalka Alshabaab iyo xaqiijinta xasilloonida dalka.

1/16/2021 12:04 AM EST
Sabti, Janaayo, 16, 2021 (HOL) - labo sano ayaa kasoo wareegtay weerarkii Al-Shabaab ay weerartay hoteelka Dusit D2 ee bartamaha magaalada Nairobi, halkaas oo ay ku dileen 22 qof.

1/16/2021 12:03 AM EST
Sabti, Janaayo, 16, 2021 (HOL) - Madaxweynaha dowlad gobolleedka Koonfur Galbeed Cabdicasiis Xassan Maxamed Laftagareen ayaa lagu wadda in saacadaha soo socda uu safar deg deg ah ugu anbabaxo degmada Xudur ee gobolka Bakool.