3/2/2021
Today from Hiiraan Online:  _
Wararka Maanta- Jimco, Jan 15, 2021
70 ruux oo Soomaali ah oo laga soo masaafuriyay dalka Mareykanka


 

Jimco, Janaayo, 15, 2021 (HOL) - Maxamuud Muuse Xassan oo ka mid ah dadka u dhaqdhaqaaqa xuquuqda Soomaalida Mareykanka ayaa sheegay in saacadihii hore ee maanta dalka Mareykanka laga masaafuriyay ilaa 70 ruux oo Soomaali ah.

Isaga oo la hadlayay Idaacada VOA ayuu sheegay in qorshuhu yahay in dalka Mareykanka laga saaro 4,800 oo isugu jira qaxooti iyo dad kale oo danbiyo galay, hasse ahaatee ilaa iyo hadda la masaafuriyay dad tiradoodu gaareyso 1.440 oo ay ku jiraan 70 ruux saacadihii ugu danbeeyay dalka laga saaray.

Dadka waxaa ku jira dad ay horay loo xukumay oo danbiyo galay iyo kuwa kale oo loo diiday qaxootinimo, waxaana ka mid ah sida uu sheegay Maxamuud Muuse dad aan xitaa garaneyn luuqda Soomaaliga.

Masafurintan ayaa imaneysa  wax yar uun ka hor mudaddiisii xil wareejinta oo la filayo in ay dhawaan dhacdo.

Cabdiraxmaan Diini, Hiiraan Online
[email protected]   













Click here
1/15/2021 3:06 PM EST
Jimco, Janaayo, 15, 2021 (HOL) - Maanta oo Jimco 15 January ayaa ku beegan waqtigii kama danbeysta ahaa ee madaxweynaha dalka Mareykanka Donald Trump uu u qabtay in ku dhawaad dhamaan ciidamada Mareykanka ee ku sugan dalka Soomaaliya laga soo saaro.

1/15/2021 6:48 AM EST
Jimco, Janaayo, 15, 2021 (HOL) - Madaxweynaha tallada haya ee dalka Uganda Yoweri Museveni ayaa ku horeeya codadka ilaa iyo hadda la tiriyay isaga waxaana ku soo xigga fannaanka da'dada yar ee sida weyn ay u loo lamayaan.

1/15/2021 6:24 AM EST
Jimco, Janaayo, 15, 2021 (HOL) - Isku soo bixi ugu ballaarnaa taariikhda inta la xasuusto oo ay dhigeen maamulka, shacabka iyo waxgaradka degmada ayeey ku dalbadeen dadka reer Xudur in laga dulqaado cunqabateynta muddada dheer saaran magaalada.

1/15/2021 1:53 AM EST
Jimco, Janaayo, 15, 2021 (HOL) - Wasiirka Wasaarradda Arrimaha Dibadda Xukuumadda Soomaaliya Maxamed Abdirisaaq Abuubakar ayaa ku eedeeyay dowlad gobolleedyada Punltand iyo Jubbaland in aysan raali ka aheyn in dalkan doorasho ka dhacdo.

1/15/2021 12:18 AM EST
Jimco, Janaayo, 15, 2021 (HOL) - Wararka laga helayo deegaanka Ceeldheere oo qiyaastii 30km u jira degmada Dhuusa-Mareeb ee gobolka Galguduud ayaa sheegaya in dagaal kooban oo xalay halkaa ka dhacay kula wareegeen xoogagga Ururka Al-shabaab.