1/18/2021
Today from Hiiraan Online:  _
Wararka Maanta- Isniin, Jan 11, 2021
Isimada Puntland oo baaq kasoo saaray khilaafka doorashada ka taagan


 

Isniin, Janaayo, 11 2021 (HOL) - Isimada Puntland ayaa baaq kasoo saaray khilaaf siyaasadeed ee ka taagan arrimaha muragaysan ee doorashada Soomaliya, kadib markii ay Garowe kulan kula yeesheen madaxweynaha Puntland, Siciid Deni.

Isimada ayaa ugu baaqay madaxda dowladda federalka, dowlad goboleedyada iyo sidoo kale murrashixiinta in ay u turaan shacabka Soomaaliyeed ee kasoo daalay dhibaatada iyo khilaafka soo noqnoqday.

Waxay Isimada oo Garowe iskugu yimid ayaa talo kusoo jeediyay in la muujiyo isku tanaasul islamarkaana waxay ka digeen in xukunka xoog lagu raadiyo dalkana dib loo celiyo. Waxay si gaar ah Puntland ugu baaqeen in aysan marnaba doorashada ka baaqsan. 

Boqor Burhaan Boqor Muuse oo hoggaaminayay Isimada la kulmay madaxweyne Deni, ayaa sheegay in ay madaxweynaha kala hadleen in khilaafka la dhameeyo, xal guudna la isku yimaado.

“Waxaan Muqdisho kula kulmay madaxweynaha Soomaaliya, wuxuu iga ballanqaaday inuu diyaar u yahay sidii ay u qabsoomi lahayd doorasho lagu kalsoon yahay. Waxaan kaloo la kulmay madaxweyne Deni iyo madaxweyne Axmed Madoobe, waxay ii ballanqaadeen in ay diyaar u yihiin in xal laga gaaro khilaafka doorashada,” ayuu yiri boqor Burhaan.

Abdiweli M. Sheikh, Hiiraan Online
[email protected]












Click here
1/11/2021 3:11 PM EST
Isniin, Janaayo, 11, 2021 (HOL)- Waxaa maalmahan magaalada Jigjiga ee DDS laga dareemayay sare u kac qiimaha maciishada daruuriga ah, taas oo dadka degaanku aad uga walaaceen.

1/11/2021 10:14 AM EST
Isniin, Janaayo, 11, 2021 (HOL) - Wasiirkii hore ee Wasaaradda Waxbarashada Soomaaliya islamarkaana ah musharax u taaggan xilka madaxweyaha Soomaaliya Prof Cabdinuur Sheekh Maxamed ayaa dowladda ku eedeeyay caburin aan loo meeldayin oo shacabka iyo mucaaradkaba ay kula kaceyso.

1/11/2021 8:03 AM EST
Isniin, Janaayo, 11 2021 (HOL) - Puntland ayaa maanta xabsi kuyaala Garowe u dhaadhicisay weriye lagu magacaabo Kilwe Aadan Faarax oo muddo 15 cishe ah gacanta ugu jiray hay’addaha nabad sugida Puntland.

1/11/2021 7:27 AM EST
Isniin, Janaayo, 11, 2021 (HOL) - Ilaa saddex askari oo ka tirsanaa ciidanka dowladda Soomaaliya ayaa lagu dilay fiidnimadii Axadda weerar gaadmo ah oo ay ku qaadeen xoogagga Al-shabaab saldhig ay ku lahaayeen ciidanka dowladda gobolka Shabeellada Dhexe.

1/11/2021 5:34 AM EST
Isniin, Janaayo, 11, 2021 (HOL) - Wasiiru dowlaha Arrimaha Dibadda iyo Iskaashiga Caalamiga ee Dowladda Soomaaliya ayaa kulan la yeeshay Wakiilka Xoghayaha Guud ee Qaramada Midoobey James Swan,

1/11/2021 2:47 AM EST
Isniin, Janaayo, 11, 2021 (HOL) - Saraakiisha Amniga magaalada Woqooyiga Itoobiya ku taal ee Mekelle ayaa walaac ka muujiyay amni darada ka jirta magaalada iyadoo mid ka mid ah saraakiishan uu sheegay in dumar lagu kufsaday toddobaadkan magaalada. xili magaalada ay ku jirto gacanta ciidanka federaalka Itoobiya.

1/11/2021 2:25 AM EST
Isniin, Janaayo, 11 2021 (HOL) -Dowladda Itoobiya tan iyo markii ay soo afjartay dagaalkii gobolka Waqooyiga ay kula gashay xoogagga Tigrayga, waxaa ay ku raad joogta sidii ay gacanta ugu soo dhiggi laheyd saraakiisha sar sare ee TPLF ee ku lugta lahaa qalalaasaha

1/11/2021 12:58 AM EST
Isniin, Janaayo, 11 2021 (HOL) -Madaxweynayaasha dowlad gobolleedka Galmudug, Koonfur Galbeed iyo Hirshabelle iyo xubnaha midowga Musharixiinta oo xalay kulan ku yeeshay magaalada Muqdisho ayaa si adag uga doodday go'aankii ay dhawaan xukuumaddu qaadatay ee ahaa qabashada doorasho aan loo dhameyn.