3/1/2021
Today from Hiiraan Online:  _
Wararka Maanta- Arbaco, Feb 17, 2021
Gabadh Soomaaliyeed oo soo bandhigtay dhibaatada ay kala kulantay nolasha tahriibka, farriina u dirtay dhalinyarada tahriibka ku haminaysa


 

Arbaco, Feberaayo, 17, 2021 (HOL) - Aasiya Cali Aadan oo ah gabadh Soomaaliyeed oo ku dhalatay magaalada Muqdisho ayaa soo bandhigtay dhibaatada ay kala kulantay safarka halista badan ee tahriibka, kadib markii Soomaaliya uga carartay xaalad nabad-gelyo xumo darteed.

Aasiya oo lagu wareystay barnaamij ku saabsan xaqiiqada tahriibka, ayaa ku sheegtay in ay dooneysay inay gaarto hamigeeda, iyadoona go’aansatay inay ka tagto dalkeeda Soomaaliya oo ay tagto Yurub, iyada oo sii mareysa dalka Masar.

Waxay safarkeedii ugu horreeyay ku aaday dalka Kenya, iyada oo waalidkeed u sheegtay inay halkaas u aaday sidii waxbarashadeeda ay u sii wadan lahayd. Iyada oo joogta magaalada Nayroobi, ayay la xiriirtay makhalasiin kaddibna waxaa loo qaaday dalka Uganda, iyadoo lagu qariyay gaari yar kaddibna waxaa la geeyay magaalada Jubba ee dalka Koonfurta-Sudan.

Intii ay joogtay magaalada Jubba, iyada iyo gabdho kale oo Soomaaliyeed waxaa ay raaceen mukhalas, kaddibna dhammaantood waxaa la geeyay magaalada Khartoum ee caasimada dalka Sudan, halkaas oo ay kala kulmeen sillac iyo rafaad aan lasoo koobi karin.

“Waan cabsan jirnay. Waxaan iska xiri jirnay albaabbada, ma seexan jirin habeenkii oo dhan cabsi darteed. Waxaan seexan jirnay dhowr saacadood ka dibna waanu kici jirnay. Ma helin hurdo nagu filan,” ayay tiri Aasiya oo farriin gaar ah u diraysa gabar kasta iyo wiil kaste oo Soomaaliyeed oo ku haminaya inuu tahriib galo.

Muddo kadib Aasiya Cali waxay gaartay Qaahira, iyadoo rajeynaysay inay sii wadato safarkeeda Yurub, laakiin waxay ogaatay in dowladda ay xirtay waddada tahriibka. Waxayna hadda ku nooshahay Qaahira iyada iyo gabadheeda yar.

Aasiya, waxay haatan dareemeysaa inay nolosheeda khasaartay. Waxayna u sheegaysaa qof kasta oo weydiiya talooyinkeeda ku aadan safarka Masar iyo mukhalasiinta in aysan wakhti ku lumin. Waxayna sheegtay in ay ka qaateen lacagteedii oo idil ayna ku maaweelin jireen in ay Yurub geynayaan.



Abdiweli M. Sheikh, Hiiraan Online
[email protected]












Click here
2/17/2021 4:27 PM EST
Arbaco, Feberaayo, 17, 2021 (HOL) - Madaxweyne Farmaajo oo ka duulaya talooyinkii ay soo gudbiyeen Guddiga Farsamada Arrimaha Doorashooyinka ee ku shiray Baydhabo, ayaa shir iskugu yeeray Dowlad Goboleedyadda iyo Gobolka Banaadir.

2/17/2021 1:13 PM EST
Arbaco, Febraayo, 17, 2021 (HOL)- guddoomiyaha xisbiga mucaarad ka ah ee UCID ayaa madaxwayana Somaliland ku eedeeyay in uu faragalin ku hayo, hab sami u socodka doorashada, isagoona ugu baaqay in uu soo daayo, musharixiin ay dawladu ka xidhay xisbigiisa.

2/17/2021 11:19 AM EST
Arbaco, Febraayo, 17, 2021 (HOL)- Wasaarada waxbarashada ee Somaliland ayaa maanta deeq waxbarasho siisay, Ayaan Yusuf Maxamed oo ah gabadh da’a yar oo gabadh ay qaraabo ahayeen oo ay ushaqaynaysay ka duubtay muuqaal iyada oo u hanjabaysa isla markaana ay muuqaalkii baraha bulshada ku baahisay, taasi oo sababtay in ay dadwaynuhu ka cadhoodaan.

2/17/2021 10:41 AM EST
Arbaco, Feberaayo, 17, 2021 (HOL) - Beesha caalamka ayaa soo dhoweysay in Guddiga Farsamada ee matalaya Dowladda Federaalka ah iyo Dowladaha Xubnaha ka ah Dowladda Federaalka ah ay soo asteeyeen xalka farsamo ee loo helay arrimaha dib u dhigay hirgelinta hannaanka doorasho ee 17kii Sebtember, iyo in xalkaas farsamo loo gudbiyay Golaha Wadatashiga Qaran.

2/17/2021 10:12 AM EST
Arbaco, Feberaayo, 17, 2021 (HOL) - Shir jaraa'id oo ay wadajir magaalada Muqdisho uga qateen qaar ka mid ah xubnaha Golaha Wasiirradda Xukuumadda Soomaaliya iyo saraakiisha ciidamada ayeey uga diggeen Shacabka Soomaaliyeed isku soo baxyada iyo isku -imaantinka dadweyne sababo la xiriira saameynta adag uu dalka ku yeeshay cudurka Covid 19.

2/17/2021 7:39 AM EST
Arbaca, Febraayo, 17, 2021 (HOL)- Pro: Ismaaciil Hurre Buubaa oo katirsan xisbiga mucaarad ka Somaliland ee Wadani, ayaa midawga musharixiinta ee Soomaaliya usoo jeediyay, in ay wadanka fawdada ka daayaan, waa sida uu hadalkiisa u dhigaye, isagoona sheegay in anay suuragal ahayn in Farmaajo xilka laga qaado iyadoo aan madaxwaynihi badali lahaa la dooran.

2/17/2021 7:20 AM EST
Arbaco, Feberaayo, 17, 2021 (HOL) - Pan-African oo ah koox u dhaqdhaqaaqda arrimaha qowmiyadaha Afrika, ayaa warqad ay u qoreen Xoghayaha Guud, ee Qaramada Midoobay António Guterres, waxay kaga dalbadeen in dacwadda badda ee Kenya iyo Soomaaliya dib loogu dhigo.

2/17/2021 5:31 AM EST
Arbaco, Feberaayo, 17, 2021 (HOL)-Cabdiqaadir Maxamed Xasan [Awalad Yare] oo ahaa sawir qaade iyo muuqaal duube siweyn looga garanayay magaalada Muqdisho ayaa lagu waramayaa in koox hubeysan ku dhax dileen gudaha Studio uu ku lahaa degmada Howl-wadaag.

2/17/2021 2:20 AM EST
Arbaco, Feberaayo, 17, 2021 (HOL) - Guddoomiyaha golaha aqalka sare ee Soomaliya Cabdi Xaashi Cabdullaahi ayaa beeniyay in wax heshiis ah laga gaaray hannaanka loo marayo doorashada xildhibaanada kasoo jeeda gobolada waqooyi ee Soomaaliya (Somaliland).

2/17/2021 1:52 AM EST
Arbaco, Feberaayo, 17, 2021 (HOL) - Wasaaradda shaqada iyo arrimaha bulshada xukuumada Soomaaliya ayaa hakisay isku imaatinka shaqaalaha iyo xaadirintooda si looga fogaado faafidda Covid-19.

2/17/2021 1:24 AM EST
Arbaco, Feberaayo, 17, 2021 (HOL) - War saxaafadeed ay soo saareen Gudida Doorashooyinka dalka Itoobiya ayay kaga hadleen xaaladda uu ku sugan yahay Ururka ONLF.

2/17/2021 12:23 AM EST
Arbaco, Feberaayo, 17, 2021 (HOL) - Waxaa habeennimadii xalay magaalada Muqdisho ku geeriyooday alle ha u naxariisteen Sheekh Nuur Baaruud Gurxan oo ka mid ahaa culimada waaweyn ee Soomaaliyeed muddo dheerna ka soo shaqeynayay dacwadda Islaamka.

2/17/2021 12:10 AM EST
Arbaco, Feberaayo, 17, 2021 (HOL) - Magaalada Baydbabo ee xarunta gobolka Baay waxaa xalay ku soo dhamaaday shir saddexdii cisho ee la soo dhaafay ay halkaa ku lahaa ku lahaayeen Guddi farsamo oo ka kala socday DF Dowlad gobolleedyada iyo Gobolka Banaadir.