11/30/2021
Today from Hiiraan Online:  _
Wararka Maanta- Talaado, Aug 31, 2021
Madaxweyne Mustafe cagjar "Waan ka walbahaarsanahay run ahaan arrinta sicir bararka"
 

Talaado, Agoosto, 31, 2021 (HOL) - Madaxweynaha degaanka Soomaalida Mustafe cagjar ayaa mar uu ka hadlayay shir loo qabtay qaybaha kala duwan ee haweenka magaalada Jigjiga ka hadlay arrinta sicir bararka oo ahayd mid muddooyinkii u dambaysay degaanka saamayn wayn ku yeelatay.

Haddaba ugu horeyn Madaxweynaha ayaa xusay in sicir bararku uu keenay arrinta dalka ka jirta iyo colaadaha ka soconaya waqooyiga dalka, taasi oo sababtay inay daciifto lacagtii waddanku oo hoos u dhacdo, xalkuna ku jiro xaaladda dalka oo degta iyo waliba dhaqaalaha waddanka oo hagaaga, balse dawladdu intaa sii wadi doonto sidii loo xakamayn lahaa sicir bararka.

Waxa kale oo uu Madaxweyne Mustafe sheegay in hadda ka hor go'aan dawladdu u qaadatay in lasameeyo shirkad iyadu soo iibisa raashinada, dollarkana ka qaadata bangiga, si sarrifka uu unoqdo midka bangigu bixinayo oo aysan maciishaduna qaali u noqon.

Geesta kale Madaxweynaha ayaa carabka ku dhuftay inuu aad uga walbahaarsan yahay arrinta sicir bararka, wuxuuna xusay in haddii dollarku istaagi waayo oo sicir bararku sii socdo ay jiri karto qaabab kale oo loo xalin karo markaa, waa siduu hadalka u dhigay Madaxwaynuhu.

Dhinaca kale Madaxweynuhu wuxuu soo hadal qaaday arrin aan ka dhicin midda maciishada iyo sicir bararka, oo ah kirada guryaha oo uu sheegay inay dawladdu ka fikirayso waxay ka yeeli lahayd kirada guryaha oo aad qaali u ah, iyadoo shirar lagali doonta qaybaha kala duwan ee bulshada degaanka, si xal loogu helo arrimahan.

Magaalada Jigjiga ayay dadku aad uga cabanayaan kirada guryaha oo aad qaali u ah, iyadoo guryo badan oo kiradoodu qaali tahay ay dhinaca kale u dhamaystirnayn waxyaabihii kale ee nolosha aasaasiga u ahaa.

Hotellada laseexdo ee jiifka leh ayaa iyaguna soo raaca oo qiimo aad u sareeya lagu seexdaa, waxayna arrimahani kusoo hagaagayaan xilli magaaladu ay la ciirciirayso dad badni, oo dadkii dal iyo dibadba aad ugu soo qulqulayaan magaalada, waxayna arrintani keentay in guryihii kirada ahaa qiimahoodu qaali noqdo.

Abdilahi Jawhar, Hiiraan Online
[email protected]












Click here
8/31/2021 5:22 PM EST
Talaado, Agoosto, 31, 2021 (HOL) - Wasiirka Xafiiska Warfaafinta ee degaanka Soomaalida Cali Badal oo warbaahinta la hadlayay ayaa shacabka degaanka ugu baaqay inay maalinta barri ah oo Arbaca ah taariikhduna ku beegan tahay 1 September 2021 ay qaataan kaarka codbixinta.

8/31/2021 2:26 PM EST
Talaado, Agoosto, 31, 2021 (HOL) - Ururka Suxufiyiinta Somaliland ee SOLJA, ayaa cambaareeyay xadhiga 19 bishan xukuumada Somaliland ugu gaysatay magaalada Burco Cabdimaalik Muuse Coldoon, oo ku andacooday in jaamacadda Barwaaqo oo katirsan Shabakada Abaarso lagu faafiyo diinta Masiixiga.

8/31/2021 2:19 PM EST
Talaado, Agoosto, 31, 2021 (HOL) - War murtiyeed uu goor dhawayd soo saaray Xisbiga Sinaanta iyo Xoriyadda ayaa lagu sheegay inay qaadaceen oo ay ka baxeen doorashada degaanka Soomaalida ka dhici doonta dhawaan.

8/31/2021 12:39 PM EST
Talaado, Agoosto, 31, 2021 (HOL) - Xukuumada Somaliland ayaa ku dhawaaqday in laga bilaabo 15 bisha Sebtember uu caymis ku waajibi doono dhamaan baabuurta kasoo daga Dekedda Berbera iyo baabuurta waa wayn ee xamuulka qaada.

8/31/2021 11:12 AM EST
Talaado, Agoosto, 31, 2021 (HOL) - Raysal wasaaraha Xukuumadda Fedaraalka Soomaaliya Maxamed Xuseen Rooble ayaa la kulmay guddiyada doorashooyinka heer Fedaraal, heer dowlad goboleed iyo Xalinta khilaafaadka, kuwaas oo ka wada hadlay geedi socodka doorashada.

8/31/2021 10:12 AM EST
Talaado, Agoosto, 31, 2021 (HOL) - Baadhitaan lagu sameeyay laabka biyaha ee Wakaalada Biyaha ee Hargaysa, ayaa lagu ogaaday in biyaha loo yaqaano "Mooya-saxada" ee lagu sifeeyo gudaha Somaliland anay u dhamaystirnayn macdanihii loo baahnaa, isla markaana ay ku jiraan noola yaasha ili ma qabatay ga ah sida bakteeriyada.

8/31/2021 5:56 AM EST
Talaado, Agoosto, 31, 2021 (HOL) - Golaha ammaanka Qaramada Midoobay ayaa maanta oo talaado ah kordhiyay joogitaanka hawlgalka Qaramada Midoobay ee Soomaaliya (UNSOM), waxaana laga dhigay illaa 31 May 2022.

8/31/2021 5:50 AM EST
Talaado, Agoosto, 31, 2021 (HOL) - Dowladda Soomaaliya ayaa albaabada isugu laabtay xarunta dadka jirkooda lagu qurxiyo oo dhawaan Muqdisho laga furay.

8/31/2021 2:41 AM EST
Talaado, Agoosto, 31, 2021 (HOL) - Dowladda Mareykanka ayaa si rasmi ah ugu dhawaaqday iney soo afjartay joogitaankeedii Militari ee dalka Afghanistan, iyadoo diyaaradahii ugu dambeeyay ay ka duuleen garoonka Afghanistan saqdii dhexe ee xiliga Kabul.

8/31/2021 1:59 AM EST
Talaado, Agoosto, 31, 2021 (HOL) - Sarkaal ka tirsanaa dagaalamayaasha Al-shabaab ee gobolka Galgaduud oo isku dhiibay ciidamada dowladda Soomaaliya ayaa lagu soo bandhigay gobolka Galgaduud.

8/31/2021 1:21 AM EST
Talaado, Agoosto, 31, 2021 (HOL) - Wasiirka diinta iyo awqaafta Somaliland Sheekh Khaliil Cabdillaahi Axmed, oo u jawaabay Sheekh Cabdirisaaq Jiir, oo codsaday in lasii daayo Cabdi Maalik Muuse Coldoon, ayaa sheegay in xukuumadu diinta ilaalinayso qofkii khaldamana la xidhi karo.