5/14/2021
Today from Hiiraan Online:  _
Wararka Maanta- Arbaco, Apr 21, 2021
Golaha Amaanka Qarramada Midoobey oo ku baaqay in dib loogu laabto wadahadalladii Afisiyooni


 

Arbaco, April, 21, 2021 (HOL) - Golaha Amaanka ee Qarramada Midoobey ayaa kulan ay albaabada u xirran u xiran yihiin uga doodday xaalada siyaasadda Soomaaliya, iyaga oo ugu baaqay dhinacyada Soomaalida in ay dib ugu laabtaan wadahadalladii Afisiyooni.

Kulanka ayuu Golluhu warbixin la xiriirta xaalada siyaasadeed ee dalka uga dhigeystay wakiilka gaar ah ee QM James Swan, gaar ahaa ismari-waagii wadahadallada doorashada ee ugu danbeyntii sababtay in Baarlamaanka Soomaaliya muddo labo sano ah ugu darro dowladda hadda jirta.

Wakiilada wadamada xubnaha ka Golaha oo qaarkood qoraal soo saaray ayaa sheegay muhiimada ay leedahay in dib loogu laabtay wadahadalladii teendhada Afisiyooni oo ay garwadeen ka ahaayeen beesha caalamka.

"Dariiqa kaliya ee u furan Soomaalida waa in dib loo billaabo wadahadalladii doorashada ee ku saleysanaa heshiiskii 17 September" ayaa lagu yiri qoraal ka soo baxaay ergada Norway ee Golaha Ammaanka.

Waxaa sidoo kale aragtiyo taa la mid ah soo jeediyay wakiilada Golaha Amaanka ee wadamada Irealand  iyo India kuwaa oo sheegay in ay lagama maarmaan tahay in mar kale wada hadal leysugu yimaado.

Baaqa Golaha Amaanka ayaa imanaya xili dhawaan Baarlamaanka Soomaaliya meel mariyay qorshe loogu magac-darray jiheynta doorashada oo qaadanaya muddo labo sano ah, waxaana siweyn arinkaa uga soo horjeestay oo diiday qaar ka mid ah madaxda dowlad gobolleedyada, madaxweynayaashii hore , midowga musharixiinta iyo siyaasiyiinta mucaaradka.

Cabdiraxmaan Diini, Hiiraan Online
[email protected]   












Click here
4/21/2021 10:31 AM EST
Arbaco, April, 21, 2021 (HOL) - Wararka naga soo gaaraya dalka Koofur Afrika ayaa sheegaya in halkaasi goordhaw lagu dilay allaha u naxariistee muwaadin Soomaaliyeed oo ka mid ahaa ganacsatada wadankaasi Koofir Afrika.

4/21/2021 10:00 AM EST
Arbaco, April, 21, 2021 (HOL) - Urur goboleedka IGAD ayaa soo dhoweeyay hindisaha la soo jeediyey ee ah in dib loo furo wadahadalka ka dhexeeya saamilayda siyaasada Soomaaliya, si loo xaliyo ismari waaga.

4/21/2021 9:41 AM EST
Arbaco, April, 21, 2021 (HOL) - Inta la xaqiijiyay ilaa sadax ruux oo shacab ah laba ka mid ahna aay dumar yihiin ayaa ku dhintay Hoobiyeyaal Duhurnimadii maanta kusoo dhacay xaafado ka tirsan degmooyinka Boondheere iyo Warta Nabadda waxaana ku dhaawacmay ilaa 5 ruux oo caruur u badan.

4/21/2021 8:41 AM EST
Arbaco, April, 21, 2021 (HOL) - Guddoomiyaha Maamulka gobolka Sh/hoose Cabduqaadir Maxamed Nuur Siidii ayaa faahfaahin ka bixiyay dueymo lagu dilay dagaalyahano ka tirsan Al-shabaab oo lala bartilmaameedsaday xili aay u diyaar garoobayeen qaadista weeraro.

4/21/2021 7:02 AM EST
Arbaco, April, 21, 2021 (HOL) - Wararka haatan naga soo gaaraya degmooyinka Boondheere iyo Warta Nabadda oo ku dhaw Madaxtooyada Soomaaliya ayaa sheegaya in tiro Hoobiyeyaal ah kusoo dhaceen.

4/21/2021 5:54 AM EST
Arbaco, April, 21, 2021 (HOL) - Maxkamada ciidamada qalabka sida iyo danbiyada culus ee Puntland ayaa maanta xukun dil ah ku riday shabakad katirsan Alshabab, oo ka kooban shan xubnood, kuwaas oo lagu helay in ay dilal ka geysteen Gaalkacyo.

4/21/2021 4:28 AM EST
Arbaco, April, 21, 2021 (HOL) - Puntland ayaa bilowday maxkamadaynta shan eedeesane oo lagu sheegay in ay katirsan yihiin Alshabaab islamarkaana loo haysto dilalkii Gaalkacyo ka dhacay tan iyo sanadkii 2008.