5/17/2021
Today from Hiiraan Online:  _
Wararka Maanta- Talaado, Apr 20, 2021
Beesha Hawiye oo ku dhawaaqday ineysan Farmaajo u aqoonsaneen Madaxweyne Soomaaliyeed


 

Talaado, April, 20, 2021 (HOL) - Kadib kulan ballaaran oo aay maanta isugu yimaadeen qaar ka mid ah waxgaradka iyo Siyaasiyiinta Beelaha Hawiye oo ka dhacay magaalada Muqdisho ayaa waxa aay si weyn uga soo horjeesteen muddo kordhinta aay dhawaan sameeyeen Golaha Shacabka Soomaaliya.

Kulanka dadkii ka qeyb galay waxaa ka mid ahaa madaxweynayaashii hore ee dalka, Xildhibaano, Waxgarad iyo Siyaasiyiin caan ah iyo qeybaha kala duwan ee bulshada Beelaha Hawiye.

War murtiyeed kasoo baxay Kulanka ayaa lagu sheegay in dhamaan kasoo qeybgalayaasha aay isku raaceen inaan Maxamed Cabdullaahi Farmaajo loo aqoonsanen inuu yahay madaxweyne Soomaaliyeed, iyagoona tilmaamay iney qaadi doonaan tilaabo ka dhan maamulka Farmaajo hadii aay sii socdaan dhibaatoyinka lagu haayo Siyaasiyiinta degan Muqdisho.

Waxaa sidoo kale Beelaha Hawiye madaxda maamul goboleedyada dalka iyo saamileyda siyaasadeed ugu baaqeen iney shir wadatashi ah isugu yimadaan si looga wadahadlo doorashada dalka, ayadoo aanan loo xayirneyn madxweynaha muddi xileedkiisa dhamaaday.

Gabagabadii waxay digniin adag u direen Beelaha Hawiye Taliyeyaasha ciidamada Dhulka, Booliiska iyo Nabadsugida kuwaas oo aay ku eedeyeen iney sigaar ah ugu shaqeyaan muddo kordhinta madaxweyne Farmaajo.

Jamaal Cali Cabdi, Hiiraan Online
[email protected]












Click here
4/20/2021 4:27 PM EST
Talaado, April, 20, 2021 (HOL) - Dowladda Qatar ayaa waxba kama jiraan ku tilmaamtay eedeyn culus oo uga timid safiirkii hore ee Mareykanka u qaabisanaa Soomaaliya Stephen Schwartz oo sheegay in dowladda Qatar lacag sharci darro ah siiso dowladda uu madaxweynaha ka yahay Maxamed Cabdulaahi Farmaajo.

4/20/2021 7:57 AM EST
Talaado, April, 20, 2021 (HOL) - Waxaa maanta gabi ahaanba xiran howlahii duulimaadyada diyaaradaha garoonka diyaaradaha Ugaas Khaliif ee magaalada baledweyne ee xarunta gobolka Hiiraan, kadib Roobaab xoogaan oo habeenkii xalay ahaa ka da'ay magaalada Baledweyne iyo nawaaxigeeda.

4/20/2021 7:47 AM EST
Talaado, April, 20, 2021 (HOL) - Madaxweynaha dhawaan dib loo doortay ee Chad Idriss Deby ayaa u dhintey dhaawac ka soo gaarey jiida hore ee dagaalka isagoo la dagaallamaya fallaagada waqooyiga dalkaas ka dagaalama.

4/20/2021 7:10 AM EST
Talaado, April, 20, 2021 (HOL) - Madasha Badbaado qaran oo aay ku mideysan yihiin Midowga musharaxiinta, maamulada Puntland, Jubbaland iyo golaha siyaasiyiinta Somaliland ayaa fariin cusub u diray Golaha Amaanka Qaramada Midoobay oo lagu wado iney maanta shir ka yeeshaan xaalada siyaasadeed ee dalka Soomaaliya.

4/20/2021 6:21 AM EST
Talaado, April, 20, 2021 (HOL) -Dowladda Soomaaliya ayaa sheegtay in albaabka wadahadalku furan yahay, laakiin dhinaca kale waxba iska badalin go'aankii uu dhawaan Baarlamaanku qaatay ee jiheynta doorashada muddo labo sano ah gudahood.

4/20/2021 4:59 AM EST
Talaado, April, 20, 2021 (HOL) - Gudoomiye ku xigeenkii siyaasadda degmada Dayniile Cabdi Maxamad Maxamuud ayaa lagu dilay Qarax waddada dhinaceeda loo dhigay oo lagu bartilmaameedsaday gaari uu la socday oo marayay waddada Daarusalaam.

4/20/2021 1:45 AM EST
Talaado, April, 20, 2021 (HOL) - Dowladda Soomaaliya ayaa Masar uga tacsiyeysay dadkii ku dhintay shilkii tareenka ee shalay ka dhacay Gobalka al-Qalyuubiya ee waqoogiya dalkaas.