5/14/2021
Today from Hiiraan Online:  _
Wararka Maanta- Talaado, Apr 20, 2021
Qatar oo beenisay in lacag sharci darro ah u soo mariso Fahad Yaasiin Dowladda uu madaxweynaha ka yahay Faarmaajo


 

Talaado, April, 20, 2021 (HOL) - Dowladda Qatar ayaa waxba kama jiraan ku tilmaamtay eedeyn culus oo uga timid safiirkii hore ee Mareykanka u qaabisanaa Soomaaliya Stephen Schwartz oo sheegay in dowladda Qatar lacag sharci darro ah siiso dowladda uu madaxweynaha ka yahay Maxamed Cabdulaahi Farmaajo.

Safiirka ayaa intaa ku darray in Qatar dhaqaalaha sii mariso taliyaha hay'adda Nabad-sugida iyo Sirdoonka Qaranka Soomaaliya Fahad Yaasiin,, taasoo keentay in uu noqdo shaqsi awood badan ku dhax leh dowladda

Balse Dowladda Qatar ayaa eedeyntaasi ku tilmaamtay mid waxba kama jiraan ah. laakiin taa badalkeeda ay kaalin mug leh ka qaadatay dib u dhiska iyo hormarinta Soomaaliya.

War ka soo baxay dowladda Qatar ayaa  sidoo kale lagu sheegay inaysan jirin lacag suuq madow oo ay Soomaaliya geliso, balse waxay sheegtay in ay sanadkii tegay miisaaniyadda dowladda ku taageertay $20 milyan.

Marar badan oo hore ayaa Qatar lagu eedeeyay in ay xiriir dhaw la leedahay dowladda uu hoggaamiyo madaxweyne Maxamed Cabdullaahi Farmaajo, iyada oo saaxiib dhaw la ah ayaa la yiri Fahad Yaasiin oo muddo dheer ka soo shaqeynayay wadankaasi

Qatar ayaa sidoo kale ku doodday in doorkeeda Soomaaliya uusan waxba ka duwaneyn kan guud ahaan wadamada beesha caalamka, iyada oo intaa ku darray in Soomaaliya ay ka waddo mashaariic hormarineed oo muhiim u ah dib u dhiska kaabayaasha dhaqaale.

Cabdiraxmaan Diini, Hiiraan Online
[email protected]   



















Click here
4/20/2021 6:14 PM EST
Talaado, April, 20, 2021 (HOL) - Kadib kulan ballaaran oo aay maanta isugu yimaadeen qaar ka mid ah waxgaradka iyo Siyaasiyiinta Beelaha Hawiye oo ka dhacay magaalada Muqdisho ayaa waxa aay si weyn uga soo horjeesteen muddo kordhinta aay dhawaan sameeyeen Golaha Shacabka Soomaaliya.

4/20/2021 7:57 AM EST
Talaado, April, 20, 2021 (HOL) - Waxaa maanta gabi ahaanba xiran howlahii duulimaadyada diyaaradaha garoonka diyaaradaha Ugaas Khaliif ee magaalada baledweyne ee xarunta gobolka Hiiraan, kadib Roobaab xoogaan oo habeenkii xalay ahaa ka da'ay magaalada Baledweyne iyo nawaaxigeeda.

4/20/2021 7:47 AM EST
Talaado, April, 20, 2021 (HOL) - Madaxweynaha dhawaan dib loo doortay ee Chad Idriss Deby ayaa u dhintey dhaawac ka soo gaarey jiida hore ee dagaalka isagoo la dagaallamaya fallaagada waqooyiga dalkaas ka dagaalama.

4/20/2021 7:10 AM EST
Talaado, April, 20, 2021 (HOL) - Madasha Badbaado qaran oo aay ku mideysan yihiin Midowga musharaxiinta, maamulada Puntland, Jubbaland iyo golaha siyaasiyiinta Somaliland ayaa fariin cusub u diray Golaha Amaanka Qaramada Midoobay oo lagu wado iney maanta shir ka yeeshaan xaalada siyaasadeed ee dalka Soomaaliya.

4/20/2021 6:21 AM EST
Talaado, April, 20, 2021 (HOL) -Dowladda Soomaaliya ayaa sheegtay in albaabka wadahadalku furan yahay, laakiin dhinaca kale waxba iska badalin go'aankii uu dhawaan Baarlamaanku qaatay ee jiheynta doorashada muddo labo sano ah gudahood.

4/20/2021 4:59 AM EST
Talaado, April, 20, 2021 (HOL) - Gudoomiye ku xigeenkii siyaasadda degmada Dayniile Cabdi Maxamad Maxamuud ayaa lagu dilay Qarax waddada dhinaceeda loo dhigay oo lagu bartilmaameedsaday gaari uu la socday oo marayay waddada Daarusalaam.

4/20/2021 1:45 AM EST
Talaado, April, 20, 2021 (HOL) - Dowladda Soomaaliya ayaa Masar uga tacsiyeysay dadkii ku dhintay shilkii tareenka ee shalay ka dhacay Gobalka al-Qalyuubiya ee waqoogiya dalkaas.