5/17/2021
Today from Hiiraan Online:  _
Wararka Maanta- Talaado, Apr 20, 2021
Madasha Badbaado Qaran oo fariin u dirtay Golaha Amaanka Qaramada Midoobay


 

Talaado, April, 20, 2021 (HOL) - Madasha Badbaado qaran oo aay ku mideysan yihiin Midowga musharaxiinta, maamulada Puntland, Jubbaland iyo golaha siyaasiyiinta Somaliland ayaa fariin cusub u diray Golaha Amaanka Qaramada Midoobay oo lagu wado iney maanta shir ka yeeshaan xaalada siyaasadeed ee dalka Soomaaliya.

Madasha Badbaado Qaran ayaa warqadda aay direen waxay ku saabsaneed sida aay uga soo horjeedaan muddo kordhinta Golaha shacabka aay u sameeyeen madaxweyne Maxamed Cabdullaahi Farmaajo iyo waliba khilaafka ka taagan arrimaha doorashooyinka, iyagoona codsaday in fariintooda laga hor aqriyo Golaha Amaanka Qaramada Midoobay.

"Go'aanka kasoo baxay Aqalka Hoose ee Baarlamaanka soomaaliya oo ay ku kororsadeen shaqadooda iyo tan madaxweynaha laba sano waa waxba kama jiraan, waxayna khatar ku tahay xasilloonida, nabadda iyo midnimada Soomaaliya" ayaa lagu yiri qoraalka kasoo baxay Madasha Badbaado Qaran.

Fariinta Madasha Badbaado Qaran ayaa imaaneysa xili xaalada siyaasadeed ee dalka aay tahay mid aad u cakiran, kadib markii Beesha Caalamka aay walaac xoogan ka muujisay cakirnaanta siyaasadeed ee aay wajaheyso Soomaaliya tan iyo waxii ka dambeyay markii Golaha shacabka Soomaaliya aay ku dhawaaqeen go'aanka la xariira muddo kordhinta labada sano ah.


Jamaal Cali Cabdi, Hiiraan Online
[email protected]












Click here
4/20/2021 6:14 PM EST
Talaado, April, 20, 2021 (HOL) - Kadib kulan ballaaran oo aay maanta isugu yimaadeen qaar ka mid ah waxgaradka iyo Siyaasiyiinta Beelaha Hawiye oo ka dhacay magaalada Muqdisho ayaa waxa aay si weyn uga soo horjeesteen muddo kordhinta aay dhawaan sameeyeen Golaha Shacabka Soomaaliya.

4/20/2021 4:27 PM EST
Talaado, April, 20, 2021 (HOL) - Dowladda Qatar ayaa waxba kama jiraan ku tilmaamtay eedeyn culus oo uga timid safiirkii hore ee Mareykanka u qaabisanaa Soomaaliya Stephen Schwartz oo sheegay in dowladda Qatar lacag sharci darro ah siiso dowladda uu madaxweynaha ka yahay Maxamed Cabdulaahi Farmaajo.

4/20/2021 7:57 AM EST
Talaado, April, 20, 2021 (HOL) - Waxaa maanta gabi ahaanba xiran howlahii duulimaadyada diyaaradaha garoonka diyaaradaha Ugaas Khaliif ee magaalada baledweyne ee xarunta gobolka Hiiraan, kadib Roobaab xoogaan oo habeenkii xalay ahaa ka da'ay magaalada Baledweyne iyo nawaaxigeeda.

4/20/2021 7:47 AM EST
Talaado, April, 20, 2021 (HOL) - Madaxweynaha dhawaan dib loo doortay ee Chad Idriss Deby ayaa u dhintey dhaawac ka soo gaarey jiida hore ee dagaalka isagoo la dagaallamaya fallaagada waqooyiga dalkaas ka dagaalama.

4/20/2021 6:21 AM EST
Talaado, April, 20, 2021 (HOL) -Dowladda Soomaaliya ayaa sheegtay in albaabka wadahadalku furan yahay, laakiin dhinaca kale waxba iska badalin go'aankii uu dhawaan Baarlamaanku qaatay ee jiheynta doorashada muddo labo sano ah gudahood.

4/20/2021 4:59 AM EST
Talaado, April, 20, 2021 (HOL) - Gudoomiye ku xigeenkii siyaasadda degmada Dayniile Cabdi Maxamad Maxamuud ayaa lagu dilay Qarax waddada dhinaceeda loo dhigay oo lagu bartilmaameedsaday gaari uu la socday oo marayay waddada Daarusalaam.

4/20/2021 1:45 AM EST
Talaado, April, 20, 2021 (HOL) - Dowladda Soomaaliya ayaa Masar uga tacsiyeysay dadkii ku dhintay shilkii tareenka ee shalay ka dhacay Gobalka al-Qalyuubiya ee waqoogiya dalkaas.