5/17/2021
Today from Hiiraan Online:  _
Wararka Maanta- Talaado, Apr 20, 2021
Wasaarradda Arrimaha Dibadda'' Waxba iskama badallin go'aankii Baarlamaanka ee jiheynta doorashooyinka


 

Talaado, April, 20, 2021 (HOL) -Dowladda Soomaaliya ayaa sheegtay in albaabka wadahadalku furan yahay, laakiin dhinaca kale waxba iska badalin go'aankii uu dhawaan Baarlamaanku qaatay ee jiheynta doorashada muddo labo sano ah gudahood.

Wasiirka Wasaarradda Arrimaha Dibadda Soomaaliya Maxamed Cabdirisaaq Maxamuud ayaa sheegay in waxba iska badalin sida uu hadalka u dhigay go'aankii Baarlamaanka uu dhawaan qaatay, kaddib booqashadii madaxweyne Farmaajo ee magaalada Kinshaasa.

"Waxba iskama aanay badelin go'aankii baarlamaanka uu qaatay, taas waa howl baarlamaanka u taal," ayuu yiri wasiir Maxamed oo intaas ku daray: "Doorashadu noocwalba oo ay ahaato, mid toos ah, mid dadban, doorasho marwalba waa inay noqotaa mid nabad ah, mid loo dhan yahay, mid waadax ah loo wada jeedo, si natiijada ka soo baxdaa ay u ahaato mid dadka oo dhan ay ku qanci karaan.

Madaxtooyada Soomaaliya ayaa qoraal ka soo baxay lagu sheegay in madaxweyne Farmaajo aqbalay in door dhaxdhaxaadin ah midowga Africa uu ka qaato sidii leysugu soo dhaweyn lahaa dhinacyada siyaasadda Soomaaliya.

Madaxweynayaashii hore ee Soomaaliya iyo siyaasiyiinta mucaaradka ayaa siweyn uga soo horjeestay go'aankii uu dhawaan qaatay Baarlamaanka Federaalka ee muddo kordhinta labada sano ah loogu sameeyay dowladda hadda jirta.

Cabdiraxmaan Diini, Hiiraan Online
[email protected]   

 












Click here
4/20/2021 6:14 PM EST
Talaado, April, 20, 2021 (HOL) - Kadib kulan ballaaran oo aay maanta isugu yimaadeen qaar ka mid ah waxgaradka iyo Siyaasiyiinta Beelaha Hawiye oo ka dhacay magaalada Muqdisho ayaa waxa aay si weyn uga soo horjeesteen muddo kordhinta aay dhawaan sameeyeen Golaha Shacabka Soomaaliya.

4/20/2021 4:27 PM EST
Talaado, April, 20, 2021 (HOL) - Dowladda Qatar ayaa waxba kama jiraan ku tilmaamtay eedeyn culus oo uga timid safiirkii hore ee Mareykanka u qaabisanaa Soomaaliya Stephen Schwartz oo sheegay in dowladda Qatar lacag sharci darro ah siiso dowladda uu madaxweynaha ka yahay Maxamed Cabdulaahi Farmaajo.

4/20/2021 7:57 AM EST
Talaado, April, 20, 2021 (HOL) - Waxaa maanta gabi ahaanba xiran howlahii duulimaadyada diyaaradaha garoonka diyaaradaha Ugaas Khaliif ee magaalada baledweyne ee xarunta gobolka Hiiraan, kadib Roobaab xoogaan oo habeenkii xalay ahaa ka da'ay magaalada Baledweyne iyo nawaaxigeeda.

4/20/2021 7:47 AM EST
Talaado, April, 20, 2021 (HOL) - Madaxweynaha dhawaan dib loo doortay ee Chad Idriss Deby ayaa u dhintey dhaawac ka soo gaarey jiida hore ee dagaalka isagoo la dagaallamaya fallaagada waqooyiga dalkaas ka dagaalama.

4/20/2021 7:10 AM EST
Talaado, April, 20, 2021 (HOL) - Madasha Badbaado qaran oo aay ku mideysan yihiin Midowga musharaxiinta, maamulada Puntland, Jubbaland iyo golaha siyaasiyiinta Somaliland ayaa fariin cusub u diray Golaha Amaanka Qaramada Midoobay oo lagu wado iney maanta shir ka yeeshaan xaalada siyaasadeed ee dalka Soomaaliya.

4/20/2021 4:59 AM EST
Talaado, April, 20, 2021 (HOL) - Gudoomiye ku xigeenkii siyaasadda degmada Dayniile Cabdi Maxamad Maxamuud ayaa lagu dilay Qarax waddada dhinaceeda loo dhigay oo lagu bartilmaameedsaday gaari uu la socday oo marayay waddada Daarusalaam.

4/20/2021 1:45 AM EST
Talaado, April, 20, 2021 (HOL) - Dowladda Soomaaliya ayaa Masar uga tacsiyeysay dadkii ku dhintay shilkii tareenka ee shalay ka dhacay Gobalka al-Qalyuubiya ee waqoogiya dalkaas.